फोटो सौजन्य - Social Media
Hathras: 16 Days : २०२० मधील हाथरस प्रकरण आणि त्यानंतर देशभरात उमटलेल्या संतापाचा मागोवा घेणारी ही तपासात्मक डॉक्युमेंटरी आहे. पत्रकार, सामाजिक कार्यकर्ते आणि संबंधित लोकांच्या अनुभवांतून जातीय राजकारण, मीडिया ट्रायल आणि न्यायव्यवस्थेवरील प्रश्न यांचा सखोल वेध या मालिकेत घेतला आहे.
The Indrani Mukerjea Story: Buried Truth : शीना बोरा हत्याकांडावर आधारित ही डॉक्युमेंटरी भारतातील सर्वात चर्चित गुन्हेगारी प्रकरणांपैकी एकाचा वेध घेते. आर्काइव्ह फुटेज, मुलाखती आणि विविध कथनांच्या माध्यमातून कौटुंबिक गुपितं, महत्त्वाकांक्षा आणि मीडिया सनसनाटीपणाचं अस्वस्थ वास्तव उलगडतं.
1232 KMS : कोविड लॉकडाऊनदरम्यान सात स्थलांतरित कामगारांनी सायकलवरून केलेल्या हजारो किलोमीटरच्या प्रवासाची ही हृदयस्पर्शी कहाणी आहे. भूक, भीती, थकवा आणि घरी पोहोचण्याची आशा यांचं वास्तववादी चित्रण या डॉक्युमेंटरीत पाहायला मिळतं.
Honeymoon Se Hatya : लग्न आणि प्रेमकथांच्या आड दडलेले भीषण गुन्हे उलगडणारी ही ट्रू-क्राइम डॉक्युमेंटरी सीरिज आहे. प्रत्येक भागात नात्यांमागील फसवणूक, मानसिक गुंतागुंत आणि धक्कादायक सत्य समोर येतं.
Cinema Marte Dum Tak : Vasan Bala दिग्दर्शित ही डॉक्युमेंटरी ८०-९० च्या दशकातील बी-ग्रेड सिनेमाच्या विस्मृतीत गेलेल्या जगात घेऊन जाते. कमी बजेट, अतरंगी कथा आणि बेधडक सर्जनशीलतेचा काळ या मालिकेत भन्नाट शैलीत दाखवण्यात आला आहे.
.png "Videos"){kind=small}
