शायर लोकांची शायरी मनाला भिडण्याचे कारण काय? जाणून घ्या

शायरीत फक्त शब्द नसतात. तर त्या भावना असतात. कोणीतरी कुणासाठी लिहलेल्या भावना! शायरीतील प्रत्येक शब्दामध्ये एक गोडी असते. कधी त्या शब्दांमध्ये दुःख असते. कधी ते शब्द टोचतात तर कधी मनाला मोहतात.

शायरी हा कुणाचा तरी दृष्टिकोन असतो. एखाद्या विषयाला हाताळताना आपण कोणत्या दृष्टीने पाहतो? त्या दृष्टीला शायर त्याच्या लेखणीने जिवंत करतो. त्यात असलेल्या गहराईमुळे शायरी वाचकाच्या मनावर ठराविक प्रभाव टाकते.

शायरी तेव्हाच मनाला भिडते. जेव्हा ती समजली जाते. शायरी समजण्यासाठी आधी शायरला समजावे लागते. जेव्हा आपण एखाद्याच्या शायरीमध्ये असतो, त्या पेक्षा बेहत्तर नशीब दुसरे कोणते नाही. एखादी कला ही कलाकारासाठी पूजा असते, आणि शायर ती पूजा त्याच्या आवडत्या व्यक्तीसाठी करतो. त्या व्यक्तीला देवाची उपाधी देऊन आपल्या कलेने त्याची आराधना करतो.

शायरी लिहणाऱ्या व्यक्तीची प्रत्येक शायरी त्याच्याविषयीच असेल असे नाही. शायर असा व्यक्ती आहे जो एका रूपात अनेक आयुष्य जगतो. हे आयुष्य जगताना त्याला जे विचार येतात, जे विचार कानावर पडतात किंवा डोळ्यांनी दिसतात त्यांना आपल्या शब्दात शायर मांडतो.

कधी काळी शायरी आपल्या इतक्या जवळची असते, कि असे वाटते कि ते आपल्यासाठीच लिहले गेले आहे. हि आपल्यासाठीची असलेली भावना शायरीला आपल्या मनाशी जोडते.