Uttar Pradesh by elections : उत्तर प्रदेशमध्ये पुन्हा निवडणुकांची धामधुम; आयोगाकडून पोटनिवडणूक जाहीर

EC Assembly Elections Poll Date Announcement LIVE : केंद्रीय निवडणूक आयोगाने पत्रकार परिषद घेतली आहे. यावेळी राजीव कुमार यांनी महाराष्ट्र विधानसभा आणि झारखंड विधानसभा निवडणुकांची घोषणा केली. त्याचबरोबर उत्तर प्रदेशाच्या पोट निवडणूका देखील जाहीर करण्यात आल्या आहेत.

Uttar Pradesh by elections : लखनऊ : केंद्रीय निवडणूक आयोगाच्या मुख्य अधिकारी राजीव कुमार यांनी पत्रकार परिषद घेतली. राजीव कुमार यांनी महाराष्ट्र आणि झारखंड विधानसभा निवडणुकीची तारीख जाहीर केली आहे. महाराष्ट्रामध्ये येत्या 20 नोव्हेंबरला मतदान तर 23 नोव्हेंबरला मतमोजणी होणार आहे. याची घोषणा करताना निवडणूक आयोगाने एकूण 15 राज्यांतील 48 विधानसभा मतदारसंघ आणि 2 लोकसभा मतदारसंघांच्या पोटनिवडणूका जाहीर केल्या आहेत. यामुळे उत्तर प्रदेशमध्ये पोटनिवडणूकीची जोरदार तयारी सुरु झाली आहे.

उत्तर प्रदेशमध्ये पोट निवडणुकीचे बिगुल वाजले आहे. 9 विधानसभा जागांसाठी उत्तर प्रदेशमध्ये विधानसभा निवडणूक होत आहे. यामुळे राजकीय वर्तुळामध्ये जोरदार हालचाली सुरु झाल्या आहेत. राजीव कुमार यांनी अधिकची माहिती दिली आहे. निवडणुक आयोगाच्या माहितीनुसार 9 जागांवर निवडणूक होणार असून त्याचबरोबर आसाम, पश्चिम बंगाल, पंजाब, राजस्थान या राज्यांमध्ये देखील पोटनिवडणूक होणार आहे.

उत्तर प्रदेश पोटनिवडणूक

• (16) मीरापूर AC – चंदन चौहान यांचा राजीनामा
• (29) कुंडरकी AC – झिया उर रहमान यांचा राजीनामा
• (56) गाझियाबाद AC – अतुल गर्ग यांचा राजीनामा
• (71) खैर (SC) AC – अनूप सिंग उर्फ अनूप प्रधान बाल्मिकी ​​यांचा राजीनामा
• (110) कर्हाल AC – अखिलेश यादव यांचा राजीनामा
• (213)  शिशमाऊ AC – हाजी इरफान सोळंकींची अपात्रता
• (256) फुलपूर AC – प्रवीण पटेल यांचा राजीनामा
• (277) कठेहारी AC – लालजी वर्मा यांचा राजीनामा
• (397) माझवान AC डॉ.विनोदकुमार बिंड यांचा राजीनामा

 

वरील दिलेल्या सर्व उत्तर प्रदेशातील जागांवर पोटनिवडणूक जाहीर झाली आहे.  10 पैकी 9 जागांवर 13 नोव्हेंबर रोजी पोटनिवडणुकीसाठी मतदान होणार आहे. मिल्कीपूर विधानसभेच्या पोटनिवडणुकीची घोषणा अद्याप झालेली नाही. 23 नोव्हेंबर रोजी पोटनिवडणुकीचा निकाल जाहीर होणार आहे.