India first lift-sea Pamban bridge Tamil Nadu inaugurated by PM Narendra Modi
तमिळनाडू : आज (दि.06) देशभरामध्ये रामनवमीचा मोठा उत्साह आहे. देशातील प्रमुख मंदिरांमध्ये दर्शनासाठी मोठी गर्दी झाली आहे. आज ६ एप्रिल रोजी रामनवमीच्या शुभ मुहूर्तावर तमिळनाडूला मोठी भेट मिळणार आहे. देशाचे पंतप्रधान नरेंद्र मोदी यांच्या हस्ते पंबन ब्रिजचे लोकार्पण होणार आहे. लिफ्ट सी ब्रिज असणाऱ्या या पंबन ब्रिजने देशवासियांचे लक्ष वेधले असून अतिशय सुबक पद्धतीने त्याचे सुशोभिकरण करण्यात आले.
तामिळनाडूमधील पंबन ब्रिज हा भारतातील पहिला उभा लिफ्ट समुद्री पूल असणार आहे. उभा लिफ्ट सी ब्रिज म्हणजे असा पूल ज्याचा एक भाग वर-खाली होतो जेणेकरून जहाजांना अडथळा न येता जाता येईल. या पुलाचे नाव न्यू पंबन ब्रिज आहे आणि त्याचे उद्घाटन पंतप्रधान नरेंद्र मोदी करतील. याशिवाय, आज रामेश्वरम-तांबरम (चेन्नई) दरम्यान एक नवीन रेल्वे सेवा देखील सुरू केली जाणार आहे.
आज रामनवमी असून रामाचा जन्म दुपारी 12 वाजता होतो. या शुभ मुहूर्तावर दुपारी 12 वाजताच्या सुमारास या पुलाचे उद्घाटन होणार आहे. समारंभानंतर, दुपारी 12.45 वाजता, पंतप्रधान नरेंद्र मोदी हे रामेश्वरममधील रामनाथस्वामी मंदिरात भेट देतील आणि प्रार्थना करतील. दर्शनानंतर, दुपारी 1.30 वाजता, ते त्याच राज्यात 8,300 कोटी रुपयांपेक्षा जास्त किमतीच्या विविध रेल्वे आणि रस्ते प्रकल्पांची पायाभरणी करतील. यावेळी ते जाहीर सभेलाही संबोधित करतील.
राजकीय बातम्या वाचण्यासाठी क्लिक करा
सुमारे 2.08 किमी लांबीचा आणि 700 कोटी रुपयांपेक्षा जास्त खर्चाचा पंबन पूल हा केवळ स्टील आणि काँक्रीटचे बनलेला बांधकाम नाही. हे भारतीय अभियांत्रिकीच्या एका मोठ्या कामगिरीचे प्रतीक आहे. रामेश्वरमला मुख्य भूमीशी जोडणारा हा मार्ग श्रद्धा आणि भविष्याचा मार्ग म्हणूनही मानला जाऊ शकतो. या पुलाच्या बांधकामामुळे जागतिक स्तरावर भारतीय तांत्रिक क्षमता अधोरेखित झाल्या आहेत आणि देशाच्या पायाभूत सुविधांच्या विकासात एक नवीन आयाम जोडला गेला आहे.
रामेश्वरमला दक्षिण भारताशी जोडण्यासाठी १९१४ मध्ये पंबन पूल पहिल्यांदा बांधण्यात आला होता. हा पूल समुद्रावर बांधलेला भारतातील पहिला रेल्वे पूल होता. १११ वर्षांनंतर, हा पूल आता नवीन रूपात तयार आहे.या पुलाचे वैशिष्ट्य म्हणजे या पुलावरून जहाजेही जाऊ शकतात. या पुलाची लांबी २.०८ किलोमीटर आहे. १८.३ मीटर लांबीचे ९९ स्पॅन आणि १७ मीटर उंचीपर्यंत वाढणारा ७२.५ मीटरचा उभ्या लिफ्ट स्पॅन आहेत. नवीन पांबन पूल जुन्या पुलापेक्षा ३ मीटर उंच आहे. यामुळे मोठ्या जहाजांना मोठ्या पाण्यातून जाणे सोपे होईल आणि रेल्वे वाहतूक अखंडित होईल.
महाराष्ट्रसंबंधित बातम्या वाचण्यासाठी क्लिक करा
पंबन पुलावर ट्रेनचा कमाल वेग ताशी १६० किमी आहे, परंतु सध्या सुरक्षेच्या कारणास्तव तो ताशी ८० किमी इतका ठेवण्यात आला आहे. त्याच वेळी, जोरदार वारा वाहिल्यानंतर, पुलावरील ट्रॅक्शन सिस्टम सुरळीतपणे काम करेल.
या पुलाच्या बांधकामासाठी सुमारे ७५० कोटी रुपये खर्च आले आहेत. रेल विकास निगम लिमिटेड (RVNL) चे संचालक एमपी सिंह यांच्या मते, हा नवीन पंबन पूल पुढील १०० वर्षांसाठी ताशी ८० किमी वेगाने रेल्वे वाहतुकीसाठी पूर्णपणे सुरक्षित असेल. जरी हा पूल ताशी १६० किमी पर्यंतचा वेग सहन करू शकतो, परंतु रामेश्वरमच्या टोकावरील त्याच्या वक्रतेमुळे, सुरक्षिततेच्या कारणास्तव वेग ८० किमी प्रतितास पर्यंत मर्यादित आहे.
यानंतर, पंतप्रधान नरेंद्र मोदी तामिळनाडूमध्ये ८,३०० कोटी रुपयांपेक्षा जास्त किमतीच्या विविध रेल्वे आणि रस्ते प्रकल्पांची पायाभरणी करतील आणि ते राष्ट्राला समर्पित करतील. या प्रकल्पांमध्ये प्रामुख्याने राष्ट्रीय महामार्ग-४० च्या २८ किमी लांबीच्या वालाजापेट-राणीपेट विभागाचे चौपदरीकरण, राष्ट्रीय महामार्ग-३३२ च्या २९ किमी लांबीच्या विल्लुपुरम-पुडुचेरी विभागाचे चौपदरीकरण, राष्ट्रीय महामार्ग-३२ च्या ५७ किमी लांबीच्या पुंडियानकुप्पम-सत्तानाथपुरम विभागाचे आणि राष्ट्रीय महामार्ग-३६ च्या ४८ किमी लांबीच्या चोलापुरम-तंजावूर विभागाचे बांधकाम समाविष्ट आहे.
हे नवीन महामार्ग तीर्थस्थळे आणि पर्यटन केंद्रे जोडतील, शहरांमधील प्रवासाचा वेळ कमी करतील आणि वैद्यकीय महाविद्यालये, रुग्णालये आणि बंदरांपर्यंत पोहोचण्यास मदत करतील. तसेच, या रस्त्यांमुळे स्थानिक शेतकऱ्यांना त्यांचे उत्पादन बाजारपेठेत नेण्यास मदत होईल आणि चामडे आणि लघु उद्योगांच्या आर्थिक विकासाला चालना देईल.
.png "Videos"){kind=small}
