शनिवार, 17 ऑक्टोबर 2026
MP Prashant Padole Accident: प्रशांत पडोले यांच्या कारला भीषण अपघात! नागपूर विमानतळाकडे जाताना ट्रकची धडक
खासदार प्रशांत पडोले संसदेच्या कामकाजात सहभागी होण्यासाठी दिल्लीला जात होते. ते विमानाने दिल्लीकडे निघाले होते. भंडारा येथून नागपूर विमानतळाकडे आपल्या खाजगी गाडीने प्रवास करत होते. वाटेत एका ट्रकने त्यांच्या गाडीला धडक दिली. या अपघातात पाडोले यांच्या पायाला किरकोळ दुखापत झाली. असे असूनही, त्यांनी आपल्या अधिकृत कामांना प्राधान्य दिले आणि अपघातानंतर थेट नागपूर विमानतळावर गेले. तेथून ते ठरल्याप्रमाणे दिल्लीला विमानाने गेले.
अपघातानंतर खासदार पाडोले यांनी ‘एक्स’ या सोशल मीडिया प्लॅटफॉर्मवर घटनेची माहिती दिली. त्यांनी केंद्रीय मंत्री नितीन गडकरी यांना टॅग करून रस्ते सुरक्षेबद्दल चिंता व्यक्त केली आणि प्रश्न उपस्थित केले. “खासदार सुरक्षित नाहीत. मग जनतेचं काय? मला आज दिल्लीला जायचं होतं. त्यासाठी सकाळी भंडारा ते नागपूर विमानतळ असा प्रवास एका खाजगी गाडीने करायचा होता. नागपूरजवळ एका ट्रकने आमच्या गाडीला जोरात धडक दिली. गाडीचं नुकसान झालं, पण मला कुठेही मार लागला नाही, मात्र गाडीचं नुकसान झालं.”
सांसद नहीं सुरक्षित.
जनता का क्या होगा? आज दिल्ली के लिए निकलना था, सुबह भंडारा से निजी कार से नागपूर एयरपोर्ट पर जाना था.
नागपूर के करीब ट्रक वाले ने जोरदार टक्कर दी. कार क्षतिग्रस्त हुई पर मुझे कही लगा नहीं लेकिन कार का नुकसान हुआ.
मा @nitin_gadkari कार कंपनी को सख्त pic.twitter.com/BXb0YkLMDL — Dr Prashant Padole (@_Prashantpadole) March 30, 2026
अपघातात किरकोळ दुखापत झाल्यानंतर डॉ. पडोले यांनी एका दुचाकीस्वाराची लिफ्ट घेऊन नागपूर गाठले. तेथे प्राथमिक उपचार घेतल्यानंतर ते तातडीने दिल्लीला रवाना झाले. याच मार्गावर त्यांच्यासोबत झालेला हा तिसरा अपघात असल्याने यामागे घातपाताचा संशय व्यक्त करण्यात येत असून सखोल चौकशीची मागणी होत आहे. वारंवार होणाऱ्या या जीवघेण्या अपघातांमुळे या प्रकरणाचे गूढ वाढले असून प्रशासनाकडून चौकशीकडे सर्वांचे लक्ष लागले आहे.
शिक्षण: युक्रेनच्या ओडेसा स्टेट युनिव्हर्सिटीतून एमडी (मेडिसिन) पदवी प्राप्त.
व्यावसायिक ओळख: कृषी आणि वैद्यकीय क्षेत्रात सक्रिय; स्वतःचे रुग्णालय असून पत्नीसह वैद्यकीय अधिकारी म्हणून कार्यरत.
राजकीय कारकीर्द: भंडारा-गोंदिया लोकसभा मतदारसंघाचे भारतीय राष्ट्रीय काँग्रेसचे खासदार.
