Sangli Political News: कोण होणार सांगली जिल्हा परिषदेचा ‘ कलेक्टर’; आज सत्तेचा फैसला

खानापूर-आटपाडी मतदारसंघातील आ. सुहास बाबर व भाजपचे आ. गोपीचंद पडळकर यांच्यातील पूर्वीचे टोकाचे मतभेद बाजूला ठेवत नव्या समीकरणांची चर्चा रंगली आहे.

• सांगली जिल्हा परिषदेतील सत्तेचा तिढा अखेर आज (दि. १८) सुटणार
• शिवसेना शिंदे गटाचे २ सदस्य आघाडीच्या संपर्कात असल्याची चर्चा
• महाविकास आघाडीने अजित पवार गटासोबत समझोता करत सत्ता स्थापनेची तयारी केली

Sangli Political News: सांगली जिल्हा परिषदेतील सत्तेचा तिढा अखेर आज (दि. १८) सुटणार असून अध्यक्ष, उपाध्यक्ष व सभापती पर्दाच्या निवडीकडे संपूर्ण जिल्ह्याचे लक्ष लागले आहे. ‘मिनी मंत्रालय’ म्हणून ओळखल्या जाणाऱ्या जिल्हा परिषदेचे कारभारी कोण ठरणार, याचा फैसला आजच्या मतदानातून होणार आहे. ६१ सदस्यांच्या जिल्हा परिषदेत बहुमतासाठी ३१ आकड्याची गरज आहे. सध्याच्या स्थितीत राष्ट्रवादी काँग्रेस शरद पवार गट १८, काँग्रेस ११ आणि शिवसेना उबाठा गट १ असे महाविकास आघाडीचे ३० सदस्य आहेत. दुसरीकडे भाजप १६, शिवसेना शिंदे गट ७, राष्ट्रवादी अजित पवार गट ६, जनसुराज्य १ आणि रयत क्रांती १ असे समीकरण असून, कोणत्याही पक्षाला स्पष्ट बहुमत नाही.

सदस्यांच्या सहलीमुळे सत्तासंघर्ष अधिकच चुरशीचा बनला

शिवसेना शिंदे गटाचे २ सदस्य आघाडीच्या संपर्कात असल्याची चर्चा असून, ते पक्षाच्या भूमिकेला पाठिंबा देणार की बंडखोरी करणार, यावर सत्तेचे गणित अवलंबून आहे. उर्वरित काही सदस्य तटस्थ राहण्याची शक्यता वर्तवली जात आहे. दरम्यान, पालकमंत्री वंद्रकांतदादा पाटील यांनी राष्ट्रवादी अजित पवार गटाचे काही सदस्य आमच्या संपर्कात असल्याचा दावा करत ‘अध्यक्ष आमचाच होईल,’ असा विश्वास व्यक्त केला आहे. त्यामुळे सतासंघर्ष अधिकच दुरशीचा बनला आहे.

KDMC महासभेत राड्याचा इतिहास राहिला आहे तर पोलीस बंदोबस्ताला विरोध कशाला?

युती एकत्र असली तरी काही तालुक्यांमध्ये अंतर्गत मतभेद कायम

महाविकास आघाडीने अजित पवार गटासोबत समझोता करत सत्ता स्थापनेची तयारी केली आहे. पहिल्या टप्प्यात अध्यक्षपद शरद पवार गटाला, तर सव्वा वर्षानंतर अजित पवार गटाला देण्याचा फॉर्म्युला चर्चेत आहे. आघाडीने आपले सदस्य सुरक्षित ठेवण्यासाठी सहलीवर पाठवून ‘सेफ झोन’ तयार केला आहे. दुसरीकडे भाजपनेही सावध पवित्रा घेत आपल्या १६ सदस्यांसह जनसुराज्य व रयत क्रांतीचे प्रत्येकी १ सदस्य असे एकूण १८ जणांना कोल्हापुरात एकत्रित ठेवले आहे. शिवसेना शिंदे गट, भाजप व मित्रपक्ष अशी युती एकत्र असली तरी अंतर्गत मतभेद कायम आहेत.

 

सध्याचे राजकीय चित्र

महाविकास आधाडी (श.प.गट काँग्रेस + उबाठा) = ३०
अजित पवार गट (६) = निर्णायक भूमिकेत
भाजप + मित्रपक्ष = १८
शिवसेना (शिंदे गट) = (७)

राष्ट्रवादी काँग्रेस (शरद पवार गट) १८
भारतीय जनता पक्ष १६
काँग्रेस ११
शिवसेना (शिंदे गट) ७
राष्ट्रवादी काँग्रेस (अजित पवार गट) ६

US Iran War : ‘अमेरिकेच्या ग्रीन झोन’मध्ये घुसला इराण; बगदादमधील दूतावासावर भीषण ड्रोन हल्ल्याने रडार सिस्टमही निकामी, VIDEO

शिवसेना (उबाठा गट) १
जनसुराज्य पक्ष १
स्थत क्रांती पक्ष १
बहुमताचा आकडा ३१

मतभेद बाजूला ठेवत नव्या समीकरणांची चर्चा सुरू

याशिवाय, खानापूर-आटपाडी मतदारसंघातील आ. सुहास बाबर व भाजपचे आ. गोपीचंद पडळकर यांच्यातील पूर्वीचे टोकाचे मतभेद बाजूला ठेवत नव्या समीकरणांची चर्चा रंगली आहे. त्यांच्या समर्थकांची कोल्हापुरातील एकत्रित उपस्थितीही राजकीय वर्तुळात चर्चेचा विषय ठरली आहे. आजच्या मतदानात क्रॉस कोटिंग, तटस्थ भूमिका आणि ‘लास्ट मिनिट’ राजकीय खेळी यावरच सत्ता कोणाच्या बाजूला झुकणार हे ठरणार आहे. त्यामुळे सांगली जिल्हा परिषदेत सतेचा अंतिम अंक आज रंगणार असून, ‘मिनी मंत्रालयाचे कारभारी कोण होणार याचा थरार शिगेला पोहोचला आहे, सता स्थापनेसाठी अजित पवार गट किया शिवसेनेतील संभाव्य फुट पडणार की तटस्थ राहणार या भूमिका निर्णायक ठरणार आहे. त्यामुळे जिल्हा परिषद सतासमीकरण अजूनही अत्यंत चुरशीचे आणि अनिश्चित आहे.