योगिनी एकादशीच्या दिवशी चुकूनही करू नका ‘या’ चुका! संकटांना आमंत्रण द्याल

आज 2 जुलै योगिनी एकदादाशीचा दिवस. या दिवशी मनोभावनेने व्रत केल्यास मनुष्याला स्वर्गप्राप्ती होते आणि त्यांच्यावर लक्ष्मी प्रसन्न राहते असे मानले जाते. मात्र या दिवशी चुकूनही काही गोष्टी करू नये नाहीतर गंभीर परिणाम भोगावे लागू शकतात.

हिंदू पंचांगानुसार, वर्षभरात तब्बल 24 एकादशी असतात. प्रत्येक महिन्याच्या कृष्ण आणि शुक्ल पक्षातील अकराव्या तिथीला एकादशी म्हणून संबोधले जाते. असे म्हणतात की, एकादशी ही भगवान विष्णूंची अतिशय प्रिय तिथी आहे. या काळात भक्त भगवान विष्णूंची मनोभावे पूजा करतात. एकादशीच्या दिवशी मनोभावनेने भगवान विष्णूंची पूजाअर्चा केल्याने त्यांची कृपा दृष्टी राहते आणि त्यांच्या आयुष्यात सुखसमृद्धी येते, अशी मान्यता आहे. त्यातच आता आज ज्येष्ठ महिन्यातील अकरावी तिथी असून या दिवशी योगिनी एकादशी साजरी केली जाते. काय आहे या एकादशीची खासियत जाणून घेऊयात.

योगिनी एकादशी व्रत कसे करावे

शास्त्रानुसार, योगिनी एकादशीच व्रत योग्य तिथीनुसार योग्य प्रकारे पाळाले तर भक्तांना इच्छित फळ मिळतं. या दिवशी सकाळी स्नान करून भजन विष्णूंचे ची पूजा करून व्रत करावे. एकादशीला नियमानुसार उपवास केल्याने देवी लक्ष्मी प्रसन्न होते आणि आपल्यावर धनाचा वर्षाव करते असेही म्हटले जाते. चांगले परिणाम प्राप्त करण्यासाठी हा उपवास मनोभावनेने आणि योग्य प्रकारे करणे फार गरजेचे आहे. तसेच यावेळी काही गोष्टी विशेष करून टाळायला हव्यात. या नक्की कोणत्या गोष्टी आहे, सविस्तर जाणून घेऊयात.

योगिनी एकादशी दिवशी कोणत्या गोष्टी टाळायला हव्यात?

• ज्योतिषशास्त्रानुसार, योगिनी एकादशीच्या वेळी भात खाणे वर्ज्य असते. या दिवशी भट खाल्ल्याने दोष निर्माण होऊ शकतात
• यावेळी भगवान विष्णूंना अर्पण केलेल्या प्रसादात तुळशीच्या पानांचा समावेश जरूर करावा. मात्र एकादशीच्या पूर्वीच ही पाने तोडावीत
• तुळशी पानाचा समावेश करण्यामागचे कारण म्हणजे, एकादशी दिवशी तुळशीसुद्धा भगवान विष्णूच्या आशीर्वादासाठी उपवास करते आणि म्हणूनच त्यादिवशी तुळशीला पाणी घालणे, तुळशीची पाने तोडणे या गोष्टी अशुभ मानल्या जातात, कारण असे केल्याने तुळशीचे व्रत तुटते
• योगिनी एकादशीला कांदा, लसूण, आणि अन्य तामसिक पदार्थांचं सेवन करणे अशुभ मानले जाते
• योगिनी एकादशीला तुम्ही या गोष्टींचे पालन केले नाहीत तर तुम्हाला विष्णू देवाचा आशीर्वाद प्राप्त होत नाही आणि यामुळे तुम्हाला मोठे नुकसान सहन करावे लागेल

योगीने एकादशीचे महत्त्व

धार्मिक मान्यतेनुसार, योगिनी एकादशीच्या दिवशी भगवान विष्णूची पूजा केली जाते. या दिवशी पूजा केल्याने मनुष्याला स्वर्गप्राप्ती होते असे मानले जाते. तसेच अशा व्यक्तीला वैकुंठ लोकात जाण्याचे भाग्य प्राप्त होते. भगवान श्रीकृष्णांनी देखील युधिष्ठिराला योगिनी एकादशीचे महत्त्व समजावून सांगितले होते.