फोटो सौजन्य- pinterest
निर्जला एकादशी भगवान विष्णू आणि देवी लक्ष्मीच्या पूजेसाठी विशेष मानली जाते. वैदिक पंचांगानुसार, ज्येष्ठ महिन्यामध्ये निर्जला एकादशीचे व्रत पाळले जाते. या दिवशी भगवान विष्णू आणि देवी लक्ष्मीची पूजा केली जाते. त्यासोबतच अन्न आणि पैशांचे दानदेखील केले जाते.
धार्मिक मान्यतेनुसार, निर्जला एकादशीचे व्रत केल्याने भक्ताला सर्व एकादशीच्या व्रतांचे शुभ फळ मिळते, अशी मान्यता आहे. या दिवशी शुभ वस्तू घरी आणाव्यात. असे मानले जाते की हा उपाय केल्याने आर्थिक लाभ होण्याची शक्यता असते आणि देवी लक्ष्मी प्रसन्न होते. निर्जला एकादशीच्या दिवशी कोणत्या वस्तूंची खरेदी करावी, जाणून घ्या
हिंदू पंचांगानुसार, यंदा निर्जला एकादशी शुक्रवार, 6 जून रोजी साजरी केली जाणार आहे. पंचांगानुसार, ज्येष्ठ महिन्याच्या शुक्ल पक्षातील एकादशी तिथी 6 जून रोजी पहाटे 12.15 वाजता सुरू होईल आणि 7 जून रोजी पहाटे 4.47 पर्यंत चालेल.
घरात कामधेनू गाईची मूर्ती ठेवणे शुभ मानले जाते. ती घरात ठेवल्याने कुटुंबातील सदस्यांमध्ये शांती राहते. म्हणून, निर्जला एकादशीच्या दिवशी, कामधेनू गाईची मूर्ती घरी आणा. यामुळे संपत्तीत समृद्धी येते. तसेच, घरात सकारात्मक ऊर्जा राहील.
सनातन धर्मात तुळशीला पवित्र मानले जाते. असे म्हटले जाते की, त्यात देवी लक्ष्मी राहते. निर्जला एकादशीच्या दिवशी तुळशीचे रोप घरी आणा आणि ते पूर्व किंवा ईशान्य दिशेला लावावे. यामुळे घरात नकारात्मक ऊर्जा राहते आणि लक्ष्मीची कृपा प्राप्त होते.
जर घरात वास्तूदोष असेल किंवा काही समस्या जाणवत असतील तर एकादशीच्या दिवशी घरात मोरपंख आणून देव्हाऱ्यात ठेवा.
धार्मिक मान्यतेनुसार, यामुळे केवळ वास्तुदोष दूर होतातच असे नाही तर भगवान श्रीकृष्णाचे आशीर्वाद देखील मिळतात.
सनातन धर्मात निर्जला एकादशीला विशेष महत्त्व आहे. या व्रताचे पालन केल्याने साधकाला दीर्घायुष्य मिळते. मृत्यूनंतर साधकाला मोक्ष मिळतो. सर्व एकादशींमध्ये निर्जला एकादशी ही सर्वश्रेष्ठ आहे. उपवासाच्या काळात पाणी पिण्यास पूर्णपणे मनाई आहे. या व्रताला भीमसेनी एकादशी असेही म्हणतात. गंगा दसऱ्याच्या एका दिवसानंतर निर्जला एकादशी साजरी केली जाते. या शुभ प्रसंगी भाविक आपल्या घरी उपवास करतात आणि लक्ष्मी नारायणाची पूजा करतात. त्याचवेळी, मंदिरांमध्ये भगवान विष्णू आणि देवी माता लक्ष्मीची विशेष पूजा आणि आरती केली जाते.
(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.)
.png "Videos"){kind=small}
