Pradosh Vrat 2026: मार्च महिन्यामधील तिसरे प्रदोष व्रत कधी आहे? जाणून घ्या मुहूर्त आणि महत्त्व

मार्य महिन्यामध्ये दोन प्रदोष व्रत झाले आहेत. आता तिसरे प्रदोष व्रत येत आहे. हे प्रदोष व्रत भगवान शिव यांना समर्पित आहे. मार्च महिन्यातील तिसरे प्रदोष व्रत कधी आहे, जाणून घ्या

• मार्च महिन्यातील  प्रदोष व्रत कधी आहे
• प्रदोष व्रत मुहूर्त
• प्रदोष व्रत महत्त्व

 

सनातन धर्मात प्रदोष व्रताला अत्यंत विशेष मानले जाते. हे व्रत भगवान शिवाला समर्पित आहे. हे व्रत महिन्यातून दोनदा पाळले जाते. प्रत्येक महिन्याच्या कृष्ण पक्षाच्या आणि शुक्ल पक्षाच्या तेराव्या दिवशी प्रदोष व्रत पाळले जाते. प्रदोष काळाला प्रदोष व्रताच्या दिवशी विशेष महत्त्व आहे, कारण या काळात भगवान शिव आणि माता पार्वती यांची पूजा केली जाते.

धार्मिक श्रद्धेनुसार, प्रदोष व्रत पाळल्याने आणि भगवान शिवाची पूजा केल्याने जीवनातील सर्व संकटे दूर होतात. प्रदोष व्रताला नाव हे आठवड्याच्या ज्या दिवशी हा उपवास येतो, त्या दिवसावरून दिले आहे. मार्च महिन्यात 1 आणि 16 तारखेला दोन प्रदोष व्रत होऊन गेले आहेत. यावेळी मार्च महिन्यातील तिसरे प्रदोष व्रत कधी आहे, शुभ मुहूर्त आणि महत्त्व जाणून घ्या

प्रदोष व्रत कधी आहे

पंचांगानुसार, चैत्र महिन्याच्या शुक्ल पक्षातील त्रयोदशी तिथीची सुरुवात सोमवार, 30 मार्च रोजी सकाळी 7.9 वाजता सुरू होणार आहे आणि या तिथीची समाप्ती मंगळवार, 31 मार्च रोजी सकाळी 6.55 वाजता होणार आहे. उद्यतिथीनुसार मार्च महिन्यातील हे प्रदोष व्रत सोमवार, 30 मार्च रोजी पाळले जाणार आहे. हे प्रदोष व्रत सोमवारी येत असल्याने त्याला सोम प्रदोष व्रत असे म्हटले जाते.

Shukra Gochar 2026: शुक्र ग्रह बदलणार चाल, 26 मार्चपासून या राशींच्या लोकांना होणार लाभ

सोम प्रदोष व्रत मुहूर्त

प्रदोष व्रताच्या दिवशी पूजेसाठी सर्वोत्तम मुहूर्त सोमवार, 30 मार्च रोजी सायंकाळी 6.38 वाजता सुरू होणार आहे आणि हा मुहूर्त रात्री 8.57 वाजेपर्यंत असणार आहे.

प्रदोष व्रत पूजा पद्धत

प्रदोष व्रताच्या दिवशी संध्याकाळी म्हणजे प्रदोष काळामध्ये संध्याकाळी घरी किंवा मंदिरात जाऊन शिवलिंगाची पूजा करावी.

शिवलिंगावर पाणी, दूध, बेलपत्र, धोतरा आणि चंदन अर्पण करा.

यानंतर अगरबत्ती लावून भगवान शिव आणि माता पार्वती यांची आरती करा.

शेवटी, ओम नमः शिवाय मंत्राचा जप करा आणि शिव चालिसाचे पठण करा.

Chaitra Navratri: नवरात्रीच्या पाचव्या दिवशी करा स्कंदमातेची पूजा, मिळेल सुख आणि शांती

या दिवशी करा ही काम

सोम प्रदोष व्रताच्या दिवशी पूजेनंतर, तुम्ही तुमच्या क्षमतेनुसार गरिबांना अन्न किंवा पैशाचे दान करावे. या दिवशी तुम्ही हिरवा चारा देखील खाऊ घालू शकता, जो अत्यंत शुभ मानला जातो. तुम्हाला कोणत्याही कामात यश मिळवायचे असेल, तर त्यासाठी सोम प्रदोष व्रताच्या दिवशी दुधात थोडे केशर मिसळून ते शिवलिंगावर अर्पण करा. दूध अर्पण करताना, मनातल्या मनात ‘ॐ नमः शिवाय’ या मंत्राचा जप करा. असे केल्याने तुमच्या प्रयत्नात यश मिळण्याची शक्यता वाढते.

(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.)