सर्वपित्री अमावस्येला ग्रहांचे मोठे संक्रमण, सूर्यग्रहणाचा या राशींवर होणार परिणाम

ज्योतिषशास्त्रात ग्रह, ताऱ्यांच्या स्थितीला अनन्यसाधारण महत्त्व आहे. ग्रहांची स्थिती बदलली की, त्याचा परिणाम सर्व 12 राशींवर होतो. आता तर 2024 वर्षातलं दुसरं आणि शेवटचं सूर्यग्रहण सर्वपित्री अमावस्येच्या दिवशीच लागणार आहे. 

सूर्यग्रहण काळात अनेक ग्रह कन्या राशीमध्ये एकत्र येणार आहेत, ज्याचा काही राशींवर सकारात्मक तर काहींवर नकारात्मक प्रभाव पडेल.

2024 सालातील दुसरे आणि शेवटचे सूर्यग्रहण मंगळवार 2 ऑक्टोबर रोजी आहे. या दिवशी सर्वपित्री अमावस्याही असेल. सर्वपित्री अमावस्येला होणारे सूर्यग्रहण खूप खास असणार आहे. तसेच या दिवशी ग्रह-ताऱ्यांची स्थिती खूप खास असणार आहे. ज्योतिषांच्या मते, सर्वपित्री अमावस्येच्या दिवशी कन्या राशीमध्ये एकाच वेळी 4 ग्रह असतील. अशा स्थितीत कन्या राशीत चतुर्ग्रही योग तयार होणार आहे. त्याचबरोबर शनिदेवही कुंभ राशीमध्ये उलट फिरत आहेत. अशा परिस्थितीत सूर्यग्रहणाच्या दिवशी कोणत्या राशींवर काय परिणाम होईल?

हेदेखील वाचा- रवी प्रदोष व्रताच्या दिवशी करा हे उपाय

सूर्यग्रहण दरम्यान ग्रहांची स्थिती

द्रिक पंचांगनुसार, सर्वपित्री अमावस्येला सूर्यग्रहणाच्या दिवशी चंद्र, केतू, बुध आणि ग्रहांचा राजा सूर्य कन्या राशीत असेल. हे चार ग्रह एकत्र आल्याने कन्या राशीत चतुर्ग्रही योग तयार होणार आहे. ज्या दिवशी ग्रहण होणार आहे त्या दिवशी मंगळ मिथुन राशीत, गुरु वृषभ राशीत, चंद्र, सूर्य, बुध आणि केतू कन्या राशीत आणि शुक्र तूळ राशीत असेल. त्याचवेळी कर्मफल देणारे शनिदेव स्वतःच्या कुंभ राशीत राहतील. राहू मीन राशीत विराजमान होईल. अशा स्थितीत राशींवर खोलवर परिणाम होईल.

सूर्यग्रहणामुळे कोणत्या राशींवर परिणाम होईल?

कन्या

कन्या राशीच्या लोकांसाठी 2024 सालचे शेवटचे सूर्यग्रहण चांगले परिणाम देईल. ग्रहण काळात व्यक्तीला त्याच्या सर्व कामात यश मिळेल. या काळात कन्या राशीच्या लोकांचा आत्मविश्वास आणि धैर्य वाढेल. याशिवाय वैवाहिक जीवनातही शुभ प्रभाव राहील. कुटुंबासोबत कुठेतरी बाहेर जाण्याचा बेत आखता येईल. पण आर्थिक क्षेत्र लक्षात ठेवा.

हेदेखील वाचा- तळहातावरील क्रॉस, ग्रिल, बेटाच्या चिन्हांचा अर्थ काय?

कर्क

कर्क राशीच्या लोकांच्या कुंडलीत सूर्य तिसऱ्या स्थानावर असतो. केतूशीही संयोग आहे. अशा परिस्थितीत कर्क राशीच्या लोकांचा आत्मविश्वास कमी झालेला दिसेल. प्रत्येक छोट्या कामात काही ना काही अडथळे येण्याची शक्यता आहे. कुटुंबातील सदस्यासोबत काही छोट्या गोष्टीवरून वाद होऊ शकतो. तुमच्या नात्यात तडा जाऊ शकतो. मानसिक तणावाची परिस्थितीदेखील उद्भवू शकते. अशा स्थितीत सावध राहावे लागेल. स्वतःवर नियंत्रण ठेवावे लागेल.

तूळ

सर्वपित्री अमावस्येला सूर्यग्रहणाचा प्रभाव तूळ राशीच्या लोकांसाठी अनेक समस्या निर्माण करू शकतो, कारण तूळ राशीमध्ये सूर्य आणि केतू १२व्या भावात विराजमान असतील. अशा परिस्थितीत तूळ राशीचे लोक अनावश्यक खर्चामुळे त्रस्त होतील. जीवनात अनेक प्रकारच्या समस्या येऊ शकतात, ज्यामुळे तुमचे मन अस्वस्थ होऊ शकते. या काळात व्यावसायिकांना काही समस्यांचा सामना करावा लागू शकतो. तूळ राशीच्या लोकांना डोळ्यांशी संबंधित समस्या देखील असू शकतात.

(टीप – ही माहिती अभ्यासानुसार देण्यात आली आहे. या लेखातील सर्व माहिती ही वाचनासाठी असून ती तंतोतंत लागू होईल असं नाही. सामान्य ज्ञानासाठी ही माहिती वाचण्यात यावी.)