फोटो सौजन्य- pinterest
हिंदू धर्म आणि ज्योतिषशास्त्रात सूर्य देवाला ग्रहांचा राजा आणि आत्म्याचा कारक मानले जाते. सूर्याच्या राशी परिवर्तनाला “संक्रांती” म्हणतात आणि वर्षभरात एकूण 12 संक्रांती येतात. त्यापैकी तूळ संक्रांतीला विशेष महत्त्व आहे कारण या दिवशी सूर्य कन्या रास सोडून तूळ राशीत प्रवेश करणार आहे. यावेळी तूळ संक्रांती शुक्रवार 17 ऑक्टोबर रोजी आहे. या दिवशी सूर्य कन्या राशीतून तूळ राशीत प्रवेश करेल. हे संक्रमण स्वतःच महत्त्वाचे आहे कारण या दिवशी तयार होणारे योग संक्रांतीच्या दिवशी खूप खास असणार आहेत. तूळ संक्रांतीला कोणते शुभ योग तयार होत आहे, जाणून घ्या
सर्वार्थ सिद्धी योगामध्ये केलेले काम निश्चितच यशस्वी होतात. यावेळी जीवनात नवीन संधी मिळते असे म्हटले जाते.
सिद्ध योग हा ध्येय साध्य करण्यास मदत करतो. त्यासोबतच कीर्ती आणि आदर वाढवतो.
शुक्रवार आणि रवि युती हे असे युती आहे जे आनंद, समृद्धी, विलासिता आणि कौटुंबिक सुसंवाद वाढवते.
चंद्राची शुभ स्थिती ही मानसिक शांती आणि आर्थिक सुधारणा दर्शवितो.
तूळ संक्रांतीच्या दिवशी सूर्य देवाची पूजा करणे आणि त्याला दान करणे याला विशेष महत्त्व आहे. तूळ राशीत सूर्याला दुर्बल मानले जाते, म्हणून या काळात सूर्याची पूजा करणे म्हणजे ऊर्जा देणारे मानले जाते. सूर्योदयापूर्वी उठून पवित्र नदीत किंवा घरी गंगाजल पाण्यात मिसळून स्नान करा. त्यानंतर, “ॐ घृणी सूर्याय नम:” या मंत्राचा जप करावा त्यानंतर तांब्याच्या भांड्यातून सूर्यदेवाला पाणी अर्पण करावे. महापुण्यकाळात गूळ, गहू, लाल कपडे, तीळ आणि तांब्याची भांडी या गोष्टींचे दान करणे अत्यंत शुभ मानले जाते. या वस्तूंचे दान केल्याने तुमच्या कुंडलीत सूर्याची स्थिती मजबूत होते. त्यानंतर सूर्य चालिसाचे पठण करुन आदित्य हृदय स्तोत्राचा जप करावा त्यामुळे तुमच्यामधील नेतृत्व कौशल्य आणि आत्मविश्वास वाढण्यास मदत होईल. या दिवशी पूर्वजांसाठी तर्पण, पिंडदान आणि श्राद्ध विधी करणे खूप शुभ ठरेल.
सूर्याचा तूळ राशीमध्ये प्रवेश हा उत्पन्न, नातेसंबंध आणि संतुलनाशी संबंधित मानला जातो. या काळात सूर्य दुर्बल स्थितीत आहे, परंतु अनेक शुभ योगांच्या निर्मितीमुळे ही संक्रांत विशेष फायदेशीर मानली जाते. सूर्याचा तूळ राशीमधील प्रवेशाचा संबंध संतुलनाशी संबंधित मानला जातो. या काळात सूर्य कमकुवत स्थितीत असल्याने अनेक शुभ योग तयार होतात त्यामुळे संक्रातीचे शुभ परिणाम होताना दिसून येतात.
(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.)
.png "Videos"){kind=small}
