तुमचे मूल वारंवार आजारी पडते, तुमच्या घरात वास्तुदोष आहे का?

जर तुमचे मूल वारंवार आजारी पडत असेल, तर तुमच्या घरातील वास्तूदोषही यासाठी जबाबदार असू शकतात. मूल पुन्हा-पुन्हा आजारी पडल्यास घरातील वास्तुदोषही त्याला कारणीभूत ठरू शकतात. आपण अशाच काही वास्तुदोषाबद्दल जाणून घेऊया.

जर तुमचे मूल वारंवार आजारी पडत असेल, तर तुमच्या घरातील वास्तूदोषही यासाठी जबाबदार असू शकतात.

मुले ही कोणत्याही पालकांसाठी जीवन असतात. त्यांना थोडासाही ताप आला तर पालक काळजीत पडतात. लहान मूल आजारी पडलं की आई-वडील त्याला डॉक्टरांकडे घेऊन जातात आणि पुन्हा पुन्हा औषधं पाजतात, असं सर्वसाधारणपणे पाहायला मिळतं. अशा स्थितीत मूल बरे होते, पण काही दिवसांनी तो पुन्हा आजारी पडू लागतो. मुलाच्या बाबतीत असे वारंवार घडत असेल तर असे का होत आहे हे पालकांना समजत नाही.

हे खरे आहे की, खाण्यापिण्यासह अनेक गोष्टींमुळे बालक आजारी पडू शकतो. पण याशिवाय घरातील वास्तुदोषांचाही मुलांच्या आरोग्यावर वाईट परिणाम होतो. मूल पुन्हा-पुन्हा आजारी पडल्यास घरातील वास्तुदोषही त्याला कारणीभूत ठरू शकतात. आपण अशाच काही वास्तुदोषाबद्दल जाणून घेणार आहोत वास्तुशास्त्री डॉ. आनंद भारद्वाज यांच्याकडून.

ईशान्य दिशेला शौचालय

जर तुमच्या घराच्या उत्तर-पूर्व दिशेला शौचालय असेल, तर ते वास्तूनुसार चांगले मानले जात नाही. याचा वाईट परिणाम कुटुंबातील सदस्यांच्या आरोग्यावर होतो. विशेषतः अशा घरांतील मुले वारंवार आजारी पडतात. जर तुमच्या घरात या दिशेला शौचालय असेल, तर त्याची नकारात्मकता दूर करण्यासाठी त्वरित उपाय करा. त्या टॉयलेटमध्ये तुम्ही कच्चे मीठ किंवा समुद्री मीठ ठेवू शकता. जर तुमच्याकडे समुद्री मीठ नसेल तर त्याऐवजी तुरटीचा वापर केला जाऊ शकतो.

पश्चिम दिशेला घाण नसावी

मुलांसाठी पश्चिम दिशा विशेषतः लाभदायक मानली जाते, त्यामुळे या दिशेला कोणत्याही प्रकारची घाण किंवा तुटलेली व जुनी वस्तू असल्यास त्याचा मुलांवर वाईट परिणाम होतो. मुले या दिशेला झोपतात आणि या जुन्या आणि निरुपयोगी गोष्टींमुळे मुलांचे आरोग्य पुन्हा पुन्हा बिघडू शकते. याशिवाय मुलांच्या करिअरसाठी पूर्व दिशा महत्त्वाची असल्याने या दिशेचीही काळजी घ्यावी. लक्षात ठेवा की, या दिशेला दुर्गंधी असणारी कोणतीही वस्तू ठेवू नये.

पलंग लोखंडाचा नसावा

आपल्या मुलाचे चांगले आरोग्य सुनिश्चित करण्यासाठी, आपण त्याच्या पलंगाचीदेखील काळजी घेतली पाहिजे. मुलांसाठी लोखंडी पलंग कधीही वापरू नका, यामुळे ते पुन्हा पुन्हा आजारी पडतात. मुलांसाठी लाकडी पलंग वापरणे चांगले मानले जाते. याशिवाय बेडरुममध्ये कधीही काळ्या रंगाची चादर वापरू नका. काळा रंग त्यांची ऊर्जा काढून टाकतो. तुम्ही त्यांच्या पलंगावर कोणत्याही हिंसक प्राण्याची रचना असलेली बेडशीट वापरणेदेखील टाळावे.

चित्र पश्चिम भिंतीवर असावे

अनेकदा आपण मुलांची छायाचित्रे त्यांच्या खोलीत टांगतो किंवा त्यांच्या वेगवेगळ्या छायाचित्रांचा कोलाज बनवून खोलीत ठेवतो. जर तुम्हीही असेच चित्र वापरत असाल तर ते खोलीच्या पश्चिम भिंतीवर टांगण्याचा प्रयत्न करा. असे केल्याने मुलाच्या खोलीत सकारात्मकता येते आणि त्याचा आरोग्यावरही चांगला परिणाम होतो.