फोटो सौजन्य- pinterest
दिवाळीच्या दिवशी काही उपाय केल्याने घरामध्ये देवी लक्ष्मीचा आशीर्वाद राहतो. ज्यामुळे तुम्हाला कधीही संपत्ती आणि समृद्धीची कमतरता भासणार नाही. तसेच वास्तूदोष देखील दूर होण्यास मदत होते.
दिवाळीच्या दिवशी लोक घरात दिवे लावून आणि फटाके फोडतात आणि नवीन कपडे परिधान करतात अशा प्रकारे हा सण मोठ्या थाटामाटात साजरा केला जातो. दरवर्षीप्रमाणे या वर्षीही दिवाळीचा सण कार्तिक महिन्याच्या अमावस्येला साजरा केला जाणार आहे. यावेळी दिवाळीपूर्वी घरामध्ये काही बदल करणे फायदेशीर ठरेल. यामुळे वास्तूदोष दूर होण्यास मदत होते. दिवाळीला देवी महालक्ष्मी आणि भगवान गणेशाची पूजा करण्याला विशेष महत्त्व आहे. प्रदोष काळाच्या शुभ मुहूर्तावर केल्या जाणाऱ्या या पूजामुळे घरात सुख, समृद्धी, संपत्ती आणि समृद्धी येते. वास्तुशास्त्रानुसार काही उपाय केल्याने तुमच्या घरामध्ये देवीचे आगमन होईल आणि घरामध्ये कधीही पैशाची कमतरता भासणार नाही.
14 वर्षांच्या वनवासानंतर भगवान राम आणि लक्ष्मण अयोध्येत परतल्याच्या निमित्ताने दिवाळीचा सण साजरा केला जातो. या दिवशी देवी लक्ष्मी आणि धनाची देवता कुबेर यांचीही पूजा केली जाते. यामुळे घरात सुख आणि समृद्धी येते.
पंचांगानुसार, कार्तिक महिन्यातील अमावस्या तिथीची सुरुवात सोमवार, 20 ऑक्टोबर रोजी पहाटे 3.44 वाजता सुरू होणार आहे. ही तिथी दुसऱ्या दिवशी म्हणजेच 21 ऑक्टोबर रोजी पहाटे 5.44 वाजता संपेल. त्यामुळे दिवाळीची सुरुवात 20 ऑक्टोबर रोजी होणार आहे.
दिवाळी सुरु होण्यापूर्वी तुमचे संपूर्ण घर स्वच्छ करुन घ्या. घरातील सर्व अव्यवस्था आणि तुटलेल्या वस्तू काढून टाका. यामुळे वास्तुदोष दूर होण्यास मदत होईल.
घरामध्ये तुमच्या मुख्य प्रवेशद्वाराच्या आतील बाजूस म्हणजेच उंबरठ्यावर देवी लक्ष्मीच्या पावलांचे ठसे लावा. हे अत्यंत शुभ मानले जाते. यामुळे देवी लक्ष्मीचा आशीर्वाद तुमच्यावर राहतो.
गंगाजलात रोली, चंदन आणि कुंकू मिसळा आणि ते तुमच्या घरात शिंपडा. यामुळे तुमचे घर पूर्णपणे शुद्ध होईल. नकारात्मक ऊर्जा नाहीशी होईल आणि देवी लक्ष्मी तुमच्या घरात वास करेल.
वास्तुशास्त्रामध्ये दिशेला विशेष महत्त्व आहे. त्याचप्रमाणे उत्तर दिशा ही खूप महत्त्वाची मानली जाते. तुम्ही तुमची तिजोरी, दागिने किंवा महत्त्वाची कागदपत्रे या दिशेला ठेवू शकता. त्यामुळे देवी लक्ष्मीचा तुमच्यावर आशीर्वाद राहतो. तसेच, या दिशेला कुबेर यंत्र, देवी लक्ष्मीची मूर्ती किंवा चित्र ठेवणे देखील खूप फायदेशीर मानले जाते.
(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.)
.png "Videos"){kind=small}
