फोटो सौजन्य - JioHotstar
Video of KL Rahul and Sanjeev Goenka goes viral : लखनौ सुपर जायंट्स विरुद्ध दिल्ली कॅपिटल्स यांच्यामध्ये काल सामना पार पडला. या सामन्यांमध्ये दिल्लीच्या संघाने लखनऊला १३ चेंडू शिल्लक असताना ८ विकेट्सने पराभूत केले. या विजयासह दिल्ली कॅपिटल्सच्या संघाच्या खात्यात १२ गुण जमा झाले आहेत. कालच्या सामन्यांमध्ये केएल राहुलने या सीझनमध्ये आणखी एकदा अर्धशतक झळकवले आणि संघाला विजय मिळवून दिला. कालच्या सामन्यांमध्ये केएल राहुलने संघासाठी ४२ चेंडूंमध्ये ५७ धावा केल्या. कालचा हा विजय राहुलसाठी नक्कीच आठवणींचा असेल त्याचे कारण म्हणजेच मागील वर्षांपासून केएल राहुल आणि संजीव गोयंका हे चर्चेत राहिले आहेत.
मागील सीझनमध्ये, लखनौ सुपर जायंट्सचे कर्णधार केएल राहुल आणि संघाचे मालक संजीव गोएंका यांच्यातील वाद संपूर्ण जगाने पाहिला होता. यानंतर, चालू आयपीएल सिझनपूर्वी , राहुलने ऑक्शनसाठी स्वतःला मोकळे केले, जिथे दिल्ली कॅपिटल्सने त्याच्यावर जुगार खेळला आणि त्याला त्यांच्या संघात समाविष्ट केले. केएल राहुलला दिल्ली कॅपिटल्सने १४ कोटींना विकत घेतले होते. याच कारणामुळे मंगळवारी आयपीएल २०२५ मध्ये दिल्ली आणि लखनौ यांच्यातील सामना झाला तेव्हा सर्वांच्या नजरा राहुलच्या कामगिरीवर होत्या.
Amit Mishra ने पत्नीला मारहाण केली? खेळडूने स्वतः सांगितलं मीडियाला सत्य
त्याने ५७ धावांची सामना जिंकणारी खेळी खेळून त्याच्या संघाच्या आणि व्यवस्थापनाच्या अपेक्षा पूर्ण केल्या. त्याच्या खेळीत तीन चौकार आणि तितकेच षटकार होते. दिल्लीकडून खेळताना राहुलने लखनौचा पराभव तर केलाच पण प्लेऑफचे दरवाजेही जवळजवळ बंद केले. सामना संपल्यानंतर, संजीव गोएंका केएल राहुलशी हस्तांदोलन करण्यासाठी आणि त्यांच्याशी बोलण्यासाठी त्याच्याकडे गेला. तथापि, त्याच्या माजी बॉसच्या वागण्याला विसरून, दिल्लीचा फलंदाज त्याच्याशी बोलण्यात रस न दाखवता निघून गेला. त्याचा हा व्हिडिओ सोशल मीडियावर व्हायरल होत आहे.
Reaction On Goenka After KL Rahul’s 6 Looks Like He realised his mistakes 🤣🤣pic.twitter.com/m4PwDFORQS — Popa 🇮🇳 (@MagnesiumKohli) April 22, 2025
राहुलने विजयी षटकार मारल्यानंतर गोयंका यांची प्रतिक्रिया दर्शवते की राहुल दुसऱ्या संघात गेल्याबद्दल त्यांना पश्चात्ताप आहे. राहुलने संघाला दोनदा प्लेऑफमध्ये नेले होते हे आम्ही तुम्हाला सांगतो. तथापि, जेव्हा मालक आणि कर्णधार यांच्यात काही जुळले नाही, तेव्हा ते आयपीएल २०२५ च्या लिलावापूर्वी वेगळे झाले. एलएसजीने ऋषभ पंतची नवीन कर्णधार म्हणून निवड केली, जो या हंगामात आतापर्यंत प्रभावी ठरलेला नाही.
कालच्या सामन्यांमध्ये केएल राहुलसह दिल्ली कॅपिटल्सचा सलामीवीर फलंदाज अभिषेक पोरेल याने सुद्दा संघासाठी कमालीची खेळी खेळली. त्याचबरोबर संघाचा कर्णधार अक्षर पटेलने देखील संघाला विजयापर्यत नेले. अक्षर पटेल कालच्या सामन्यांमध्ये २० चेंडूंमध्ये ३४ धावा केल्या. तर अभिषेक पोरेलने ३६ चेंडूंमध्ये ५१ धावा केल्या.
.png "Videos"){kind=small}
