Asian Games 2026: भारतीय महिला हॉकी टीमने लावला विजयाचा चौकार, जपानला नमवून सेमीफायनलमध्ये भरारी

Asian Games 2026: भारताच्या महिला हॉकी संघाने यजमान जपानवर दणदणीत विजय मिळवून उपांत्य फेरीत स्थान निश्चित केले आहे. भारतीय संघ आता पदकापासून फक्त एक विजय दूर आहे.

• भारतीय महिला हॉकी संघाची कमाल 

• जपानला नमवून संघ पोहचला उपांत्य फेरीत 

• आता फक्त एक विजय दूर

Asian Games 2026: भारतीय महिला हॉकी संघाने जपानला ३-१ ने पराभूत करून २०२६ च्या आशियाई क्रीडा स्पर्धेत आपला सलग चौथा विजय नोंदवला. या विजयामुळे भारतीय संघ ‘पूल बी’ मध्ये अव्वल स्थानी पोहोचला असून उपांत्य फेरीतील आपले स्थान निश्चित झाले आहे. भारताने यापूर्वी आपल्या सर्व प्रतिस्पर्ध्यांना मोठ्या फरकाने पराभूत केले होते आणि गोलचा वर्षाव केला होता. या सामन्यात भारतासाठी लालरेम्सियामी, इशिका आणि नवनीत यांनी गोल केले, तर जपानसाठी शिहो कोबायाकावाने एकमेव गोल केला. उपांत्य फेरीपूर्वी भारताचा सामना सिंगापूरशी होईल, जो सामना भारत सहज जिंकू शकतो.

भारताने सुरुवातीपासूनच आघाडी घेतली. पहिल्या हाफमध्ये २-० अशी आघाडी घेतल्यानंतर भारतीय संघाने आपली आघाडी अधिक मजबूत केली. दुसऱ्या हाफमध्ये जपानने एक गोल करून पुनरागमन करण्याचा प्रयत्न केला असला तरी, भारतानेही दुसऱ्या हाफमध्ये दोन गोल करून दोन गोलची आघाडी घेतली. भारतीय संघाची सध्याची लय पाहता, यावेळी सुवर्णपदक अपेक्षित आहे.

Asian Games: अवघ्या ०.०८ सेकंदांचा थरार; वियतनामला धूळ चारत भारतीय चौकडीने पटकावले ‘रौप्य’

४ सामन्यांमध्ये ५९ गोल

𝗦𝗘𝗠𝗜-𝗙𝗜𝗡𝗔𝗟𝗦, 𝗛𝗘𝗥𝗘 𝗪𝗘 𝗖𝗢𝗠𝗘! 🇮🇳🔥 Four games. Four statement wins. And now the Indian Women’s Team have punched their ticket to the Asian Games 2026 semi-finals! 🏑💥 🇮🇳 19-0 🇺🇿 Uzbekistan
🇮🇳 17-1 🇮🇩 Indonesia
🇮🇳 20-1 🇹🇭 Thailand
🇮🇳 3-1 🇯🇵 Japan#HockeyIndia… pic.twitter.com/ghV1WhtoVK — Hockey India (@TheHockeyIndia) September 25, 2026

भारतीय महिला संघ या स्पर्धेत उत्कृष्ट कामगिरी करत आहे. भारतीय संघाने ४ सामन्यांमध्ये ५९ गोल केले आहेत. जपान वगळता प्रत्येक संघाविरुद्ध भारताने किमान १७ गोल केले आहेत. भारताने आपला पहिला सामना उझबेकिस्तानविरुद्ध १९-० ने जिंकला. यानंतर, भारतीय संघाने दुसऱ्या सामन्यात इंडोनेशियाला १७-१ ने पराभूत केले. तिसऱ्या सामन्यात भारताने थायलंडविरुद्ध २०-१ च्या फरकाने विजय मिळवला.

भारत सुवर्णपदकाचा प्रबळ दावेदार

या स्पर्धेत भारतीय संघ सुवर्णपदकाचा प्रबळ दावेदार आहे. भारत १९८२ पासून या स्पर्धेत सुवर्णपदकाच्या प्रतीक्षेत आहे. भारतीय महिला हॉकी संघाने शेवटचे सुवर्णपदक १९८२ च्या आशियाई क्रीडा स्पर्धेत जिंकले होते. दरम्यान, हांगझू येथे झालेल्या मागील आशियाई क्रीडा स्पर्धेत भारतीय संघाला कांस्यपदकावर समाधान मानावे लागले होते. दरम्यान पुरुष हॉकी संघदेखील जिंकण्याच्या तयारीत आहे. भारतीय क्रिडापटूंनी यावेळी आशियाई क्रिडा स्पर्धेत कमालीची कामगिरी करत जगभरात आपले नाव कमावले आहे. आता चाहत्यांचे सर्व लक्ष सुवर्णपदकाकडे लागून राहिले आहे. 

Asian Games: हिमाचलच्या लेकीचा जपानमध्ये डंका! सीमाने १०,००० मीटर शर्यतीत जिंकले ‘Bronze’ मेडल