Asian Games 2026 : भाला फेकीत भारताचा 'डबल धमाका', यशवीरला रौप्य, तर रोहितला कांस्य पदक
नागोया सिटी मिजुहो पार्क अॅथलेटिक स्टेडियममध्ये भारताच्या यशवीर सिंहने 85.72 मीटरच्या सर्वोत्कृष्ट थ्रोसह दुसरे स्थान आपल्या नावे केले. यशवीरने आपल्या सहाव्या प्रयत्नात 85.72 मीटरची दुरी गाठली. त्याअगोदर त्याचा सर्वोत्कृष्ट प्रयत्न हा 85.14 होता.
यशवीरने पहिल्या प्रयत्नात 83.56 मीटर, दुसऱ्या प्रयत्नात 82.99 मीटर, तिसऱ्या प्रयत्नात 82.42 मीटर आणि चौथ्या प्रयत्नात 84.31 मीटरची लांबी गाठली. त्याचा पाचवा प्रयत्न 85.14 मीटरचा राहिला.
दुसरीकडे, रोहित यादवने 84.35 मीटरसोबत आपली सर्वोत्कृष्ट कामगिरी करत आपल्या देशाला कांस्य पदक मिळवून दिले. रोहितने तिसऱ्या प्रयत्नातच हे यश प्राप्त केले होते. त्याने पहिल्या प्रयत्नात 77.25 मीटर, दुसऱ्यात 82.40 मीटर, तिसऱ्यात 84.35 मीटर, चौथ्यात 82.16 मीटर आणि पाचव्या प्रयत्नात 82.15 मीटरचा थ्रो केला. त्याचा सहावा प्रयत्न हा फाउल राहिला.
श्रीलंकेच्या रमेश थारंगाने शानदार कामगिरी करताना सुवर्ण पदक आपल्या नावे केले. रुमेशने आपल्या चौथ्या प्रयत्नात 88 मीटरचा पल्ला गाठला, तर त्यानंतर सहाव्या आणि अखेरच्या प्रयत्नात त्याने 88.55 मीटर लांब भाला फेकत आपली सर्वोत्कृष्ट कामगिरी केली.
थारंगाने पहिल्या प्रयत्नात 73.53 मीटर गाठले होते, ज्यानंतर त्याने पुढील प्रयत्नात 83.34 मीटर लांब भाला फेकला. त्याचा तिसरा प्रयत्न अमान्य करण्यात आला, ज्यानंतर 88.33 मीटरची लांबी निश्चित करण्यात आल्यानंतर तो गुणतालिकेत अव्वल स्थानी पोहचला. थारंगाचा पाचवा प्रयत्नही फाउल राहिला, पण त्याने अखेरच्या व सहाव्या प्रयत्नात 88.55 मीटर लांब भाला फेकत जेतेपदावर शिक्का मोर्तब केला.
.png "Videos"){kind=small}
