Asian Games 2026: कायनान आणि नीरूने नेमबाजीत आशियाई विक्रम मोडून रचला, अजून एका सुवर्णपदकाची भर

Asian Games 2026: २०२६ च्या आशियाई क्रीडा स्पर्धेत, कायनान चेनाई आणि नीरू धांडा यांनी ट्रॅप मिश्र सांघिक नेमबाजी प्रकारात कतारला ३४ गुणांच्या विक्रमी फरकाने पराभूत करून सुवर्णपदक जिंकले.

• आशियाई क्रीडा स्पर्धेतील नीरू धांडाचे सलग दुसरे सुवर्णपदक 

• ट्रॅप मिश्र सांघिक नेमबाजीमद्ये कायनानसह जिंकले पदक 

• भारताला अजून एक सुवर्णपदक 

Asian Games 2026: नागोया येथे सुरू असलेल्या आशियाई क्रीडा स्पर्धा २०२६ च्या १२ व्या दिवशी, भारतीय नेमबाजांनी आपली अचूकता दाखवत इतिहास रचला. कायनान डॅरियस चेनाई आणि नीरू धांडा या भारतीय मिश्र जोडीने ट्रॅप मिश्र सांघिक अंतिम फेरीत उत्कृष्ट कामगिरी करत सुवर्णपदक जिंकले. पात्रता फेरीत चौथ्या स्थानावर राहिल्यानंतर, भारतीय नेमबाजांनी अंतिम फेरीत मोहम्मद अल-रुमैही आणि रे बासिल या बलाढ्य कतारी जोडीला पराभूत करून उल्लेखनीय पुनरागमन केले आणि पदक पटकावले.

३४ गुणांसह कतारचाच विक्रम मोडला

Historic Gold for Bharat! 🇮🇳🥇 Heartiest congratulations to Neeru Dhanda and Kynan Chenai on winning India’s first-ever Gold in the Trap Mixed Team event at the #AsianGames2026, setting a new Asian Record with 34/40 shots. A record-breaking performance that has made the nation… pic.twitter.com/hIgyk0P3ee — Kiren Rijiju (@KirenRijiju) September 30, 2026

भारतीय जोडीने केवळ सुवर्णपदकच जिंकले नाही, तर नेमबाजीमध्ये एक नवीन खंडीय विक्रमही प्रस्थापित केला. कायनान आणि नीरू यांनी अंतिम फेरीत ३४ गुणांसह आशियाई विक्रम मोडला. विशेष म्हणजे, यापूर्वीचा आशियाई विक्रम ३० गुणांचा होता, जो यावर्षी जानेवारीमध्ये कतारी संघाने प्रस्थापित केला होता. अंतिम फेरीत, कतारी संघ ३२ गुणांसह दुसऱ्या स्थानावर राहिला आणि त्यांना रौप्यपदकावर समाधान मानावे लागले. दरम्यान, ची यिंग आणि सुन युनॉन्ग या चिनी जोडीने २३ गुणांसह कांस्यपदक जिंकले.

Asian Games 2026: कमाल! नीरू ढांडाने Trap Shooting मध्ये मिळवले सुवर्णपदक, 75 वर्षाच्या इतिहासात पहिल्यांदाच घडले

नीरू धांडाचे २४ तासांत दुसरे सुवर्णपदक, ऐतिहासिक प्रवास

२६ वर्षीय नीरू धांडासाठी ही आशियाई क्रीडा स्पर्धा एक स्वप्नपूर्ती ठरली आहे. मंगळवारी, नीरूने महिलांच्या ट्रॅप वैयक्तिक प्रकारात आशियाई विक्रमासह सुवर्णपदक जिंकून इतिहास रचला आणि आशियाई क्रीडा स्पर्धेच्या भव्य मंचावर वैयक्तिक ट्रॅप पदक जिंकणारी पहिली भारतीय महिला नेमबाज ठरली. त्यानंतर तिने मिश्र सांघिक प्रकारात कायनान चेनाईसोबत जोडी करून आणखी एक आशियाई विक्रम प्रस्थापित केला आणि भारताला २४ तासांत दुसरे सुवर्णपदक मिळवून दिले. या यशामुळे भारताच्या एकूण पदकांची संख्या ५४ (८ सुवर्ण) झाली आहे.

Asian Games 2026 : हमारी छोरियाँ किसी से कम नहीं; 4×400 मीटर रिले स्पर्धेत भारताची सुवर्ण कामगिरी