‘निर्भय दृष्टिकोन, चेंडूवर सर्व ऊर्जा ओतणे’, शतकवीर Vaibhav Sooryavanshi चे मास्टर ब्लास्टर सचिन तेंडुलकरने केले खास कौतुक.. 

आयपीएल २०२५ च्या ४७ व्या (२८ एप्रिल) सामन्यात राजस्थान रॉयल्सने गुजरात टायटन्सचा पराभव केला. या सामन्यात वैभव सूर्यवंशीने ३५ चेंडूत शतक ठोकले आहे. त्यामुळे आता वैभवचे दिग्गजांकडून कौतुक होते आहे.

Vaibhav Suryavanshi Hundred Ipl : मास्टर ब्लास्टर सचिन तेंडुलकरसह क्रिकेट जगतातील प्रसिद्ध व्यक्तींनी १४ वर्षीय फलंदाज वैभव सूर्यवंशीचे कौतुक केले आणि या प्रतिभावान मुलाला उगवता तारा म्हटले. जयपूर येथे झालेल्या आयपीएल सामन्यात गुजरात टायटन्सच्या रशीद खानला मिडविकेटवर षटकार मारून राजस्थान रॉयल्सकडून खेळताना सूर्यवंशीने सर्वात तरुण टी-२० शतकवीर बनल्यानंतर क्रिकेट जगतात खळबळ उडाली. वैभवचा निर्भय दृष्टिकोन, फलंदाजीचा वेग, लांबीचा जलद निर्णय आणि चेंडूवर सर्व ऊर्जा ओतणे हे त्याच्या शानदार खेळीचे सूत्र होते, असे वयाच्या १६व्या वर्षी भारतासाठी आंतरराष्ट्रीय क्रिकेटमध्ये पदार्पण करणाऱ्या तेंडुलकरने X वर पोस्ट केले.

हेही वाचा : DC vs KKR : नरेन – वरुण चक्रवर्तीच्या फिरकीसमोर दिल्लीचे फलंदाज फेल! कोलकाताने DC ला 14 धावांनी केलं पराभूत

सूर्यवंशीने ३५ चेंडूत शतक ठोकले आणि राजस्थान रॉयल्सचा माजी फलंदाज युसूफ पठाणचा टी-२० मध्ये भारतीय खेळाडूकडून सर्वात जलद शतक करण्याचा विक्रम मोडला. १५ वर्षांपूर्वी पठाणने ३७ चेंडूत शतक केले तेव्हा सूर्यवंशीचा जन्मही झाला नव्हता. आयपीएलमध्ये भारतीय खेळाडू म्हणून सर्वात जलद शतक करण्याचा माझा विक्रम मोडल्याबद्दल तरुण वैभव सूर्यवंशीचे खूप खूप अभिनंदन ! राजस्थान रॉयल्सकडून खेळताना पाहणे अधिक खास आहे असे पठाण म्हणाला. युवराज सिंग म्हणाला, १४व्या वर्षी तू काय करत होतास? हा मुलगा डोळे मिचकावत जगातील सर्वोत्तम गोलंदाजांचा सामना करत आहे. वैभव सूर्यवंशी नाव आठवते अशी प्रतिक्रिया युवराजने दिली. भारताचे माजी सलामीवीर श्रीकांत यांनी सूर्यवंशी यांना भारतीय क्रिकेटचा पुढचा सुपरस्टार म्हटले.

हेही वाचा : पहलगाम हल्ल्यावर शिखर धवनने शाहिद आफ्रिदीला फटकारले, म्हणाला – किती खालच्या पातळीवर जाणार…

नितीशकुमारनेही केले युवा खेळाडूचे कौतुक बिहारचे मुख्यमंत्री नितीश कुमार यांनी मंगळवारी टी-२० क्रिकेटमधील सर्वात तरुण शतक ठोकल्याबद्दल १४ वर्षीय वैभव सूर्यवंशीचे कौतुक केले आणि त्याच्या उत्कृष्ट कामगिरीबद्दल १० लाख रुपयांचे रोख बक्षीस जाहीर केले. सूर्यवंशीने गुजरात टायटन्सविरुद्ध ३८ चेंडूत १०१ धावा करून १४ वर्षे आणि ३२ दिवसांच्या वयात आयपीएलमध्ये सर्वात तरुण शतकवीर होण्याचा विक्रम केला. नितीश यांनी ट्विटरवर लिहिले की, आयपीएलच्या इतिहासात शतक करणारा सर्वात तरुण खेळाडू ठरलेल्या बिहारच्या वैभव सूर्यवंशीचे अभिनंदन आणि शुभेच्छा. त्याच्या कठोर परिश्रम आणि प्रतिभेमुळे तो भारतीय क्रिकेटसाठी एक नवीन आशा बनला आहे. सर्वांना त्याचा अभिमान आहे. वैभव भविष्यात भारतीय संघासाठी नवीन विक्रम रचेल आणि देशाला गौरव मिळवून देईल अशी माझी शुभेच्छा आहेत.

वैभव सूर्यवंशीने रचेले विक्रम

1.  वैभवने टी२० क्रिकेटमध्ये सर्वात कमी वयात शतक झळकवण्याचा विक्रम केला.
2. ३५ चेंडूत शतक झळकावले जे आयपीएलमधील सर्वात जलद भारतीय शतक ठरले.
3. आयपीएलमध्ये शतक करणारा सर्वात तरुण फलंदाज ठरला.
4.  ख्रिस गेलनंतर आयपीएलच्या इतिहासात सर्वात जलद शतक करणारा फलंदाज ठरला.
5. फक्त १७ चेंडूत अर्धशतक झळकावून हंगामातील सर्वात जलद अर्धशतक झळकावले.