MI vs DC : ‘चेंडू बदलल्याने संघाला फायदा..’, दिल्लीच्या फलंदाजीला सुरुंग लावणाऱ्या कर्ण शर्माचे प्रतिपादन

दिल्ली कॅपिटल्सला मुंबईने धूळ चारली. या सामन्यात तीन महत्त्वाच्या विकेट्स घेऊन विजयात महत्त्वाची भूमिका बजावणारा एमआयचा लेगस्पिनर कर्ण शर्माने कबूल केले की, चेंडू बदलल्याचा संघाला फायदा झाला आहे.

MI vs DC  : दिल्ली कॅपिटल्सविरुद्ध तीन महत्त्वाच्या विकेट्स घेऊन जवळजवळ हरलेल्या सामन्यात विजय मिळवण्यात महत्त्वाची भूमिका बजावणारा मुंबई इंडियन्सचा लेगस्पिनर कर्ण शर्माने कबूल केले की, १३ व्या षटकानंतर चेंडू बदलल्याने संघाला फायदा झाला. एकेकाळी दिल्लीने ११ व्या षटकात एका विकेटच्या मोबदल्यात ११९ धावा केल्या होत्या. पण शेवटच्या नऊ विकेट ७४ धावांत गमावल्या. कर्णने अभिषेक पोरेल, केएल राहुल आणि ट्रिस्टन स्टब्स यांचे बळी घेतले.

नेमकं काय म्हणाला कर्ण शर्मा

मला वाटले नव्हते की दव पडेल. पहिल्या डावात दव पडला नव्हता. म्हणूनच जेव्हा चेंडू बदलला तेव्हा सीम नव्हता. याचा मला फायदा झाला. २०१७ मध्ये मुंबई इंडियन्ससोबत जेतेपद जिंकणारा कर्ण आयपीएलमध्ये संघासाठी ‘भाग्यवान’ मानला जातो. त्याने २०१६ मध्ये सनरायझर्स हैदराबाद, २०१७ मध्ये मुंबई इंडियन्स आणि २०१८ मध्ये चेन्नई सुपर किंग्जकडून विजेतेपद जिंकले आहे. सहा-सात वर्षांनी मी मुंबई संघात परतलो आणि २०१७ मध्ये जिथे सोडले होते तिथून सुरुवात केली ही चांगली गोष्ट आहे. त्या वेळी सामन्यात दिल्लीचा संघ १० धावांवर होता. ते प्रति घटक ११ धावा काढत होते आणि माझे काम मधल्या षटकांमध्ये विकेट घेणे होते.

हेही वाचा : Indian Hockey Team : ऑस्ट्रेलिया दौऱ्यासाठी भारतीय महिला हॉकी संघ जाहीर; पाच नव्या चेहऱ्यांना संधी

मिशेल सँटनर आणि मीही तेच केले. अशा सामन्यांमध्ये प्रत्येक विकेट महत्त्वाची असते. ते ज्या पद्धतीने खेळत होते. अर्थातच केएल राहुल हे त्यांच्यासाठी एक मोठे नाव आहे ज्याने गेल्या सामन्यात त्यांना विजय मिळवून दिला. Laurits गोलंदाजी कशी करायची हे माहिती होते आमच्यासाठी प्रत्येक विकेट महत्त्वाची होती. करुण नायरच्या विकेटमुळे मुंबईला सामन्यात परत आणले, हे त्याने मान्य केले. तो म्हणाला, स्करुण बाद झाल्यानंतर त्याची लय तुटली.

त्यानंतर लागोपाठ दोन-तीन विकेट पडल्या आणि सामना उलटला. दिल्लीत बरेच क्लब क्रिकेट खेळल्यानंतर, कर्णला माहित होते की कोटला खेळपट्टीचे त्याचे ज्ञान त्याला फायदेशीर ठरेल. मी मेरठचा आहे आणि मी दिल्लीत खूप क्रिकेट खेळलो आहे. मला इथे गोलंदाजी कशी करायची आणि खेळपट्टी कशी असेल हे माहित होते.

हेही वाचा : PBKS vs KKR : आज कोलकाता करणार पंजाबसोबत दोन हात, अय्यरसेना सज्ज तर अजिंक्य सेनेनेही भरला हुंकार..

मुंबईकडून दिल्लीचा धुव्वा

दिल्ली कॅपिटल्सच्या अक्षर पटेलने नाणेफेक जिंकून प्रथम गोलंदाजी करण्याचा निर्णय घेतला होता. तर प्रथम फलंदाजी करताना मुंबई इंडियन्सने २० षटकांत २०५ धावा केल्या. ज्यामध्ये रोहितने १८, रिकेल्टनने ४१, सूर्यकुमार यादवने ४०, तिलक वर्मा यांनी ५९ आणि नमन धीरने नाबाद ३८ धावा केल्या. त्या जोरावर मुंबईने २०५ धावा केल्या. प्रतिउत्तरात दिल्ली एकेकाळी विजय मिळवेल असे वाटत असताना  मुंबईच्या गोलंदाजांनी सामना फिरवला आणि  १२ धावांनी विजय मिळवला. दिल्लीकडून करुण नायरने चांगली कामगिरी केली. त्याने ८९ धावा केल्या तर अभिषेक पोरेलने ३३, केएल राहुलने १५, आशुतोष शर्माने १७ आणि विप्राजने १४ धावा केल्या परंतु विज्यापासून दुरच राहिले.