रविवार, 18 ऑक्टोबर 2026
आयुष म्हात्रे का मॅचमधून अचानक गेला बाहेर (फोटो सौजन्य - इन्स्टाग्राम)
आयुषच्या नेतृत्वाखाली भारताने विश्वचषक जिंकला होता, ज्याने १९ वर्षांखालील क्रिकेटमध्ये वैभव सूर्यवंशीसोबत डावाची सुरुवात केली होती. आयुष म्हात्रे कमालीचा खेळत होता. मात्र चेन्नईला असा निर्णय नक्की का घ्यावा लागला हे जाणून घेऊया.
पॉवर हिटरसाठी घेतला गेला निर्णय
टी. नटराजन डावाचे १८ वे षटक टाकत होता. १७.१ षटकांवर, आयुष म्हात्रेने एक धाव घेतली आणि स्ट्राईक संजू सॅमसनकडे सोपवली. डगआऊटमधून इशारा मिळताच, आयुष म्हात्रे लगेच ड्रेसिंग रूममध्ये परतला. स्टेडियममधील चाहते आणि समालोचक क्षणभर चकित झाले, पण CSK च्या खेळाडूंनी पाठीवर थाप मारून त्याचे स्वागत केले. हा पूर्णपणे एक रणनीतिक निर्णय होता. त्यावेळी संजू सॅमसन ५२ धावांवर फलंदाजी करत होता आणि संघाला खेळपट्टीवर असा पॉवर-हिटर हवा होता जो पहिल्याच चेंडूपासून मोठे फटके मारू शकेल.
CSK vs DC: मराठमोळ्या आयुष म्हात्रेची हाफसेंच्युरी, तर सॅमसनची शतकी खेळी; अखेर चेन्नईने फोडली डरकाळी
IPL च्या इतिहासात रिटायर्ड आऊट झालेल्या खेळाडूंची यादी
आयुष म्हात्रे आता संघाच्या रणनीतीसाठी आपल्या विकेटचा त्याग करणाऱ्या आयपीएल खेळाडूंच्या क्लबमध्ये सामील झाला आहे. आयपीएलमध्ये रिटायर्ड आऊट झालेल्या खेळाडूंची यादी आता आणखी रंजक झाली आहे. आर. अश्विन २०२२ मध्ये लखनौ सुपर जायंट्सविरुद्ध रिटायर्ड आऊट झाला होता.
आयपीएलच्या इतिहासातील ही पहिलीच अशी रिटायरमेंट होती. अश्विननंतर, २०२३ मध्ये दिल्ली कॅपिटल्सविरुद्ध अथर्व तायडे, २०२३ मध्ये मुंबई इंडियन्सविरुद्ध साई सुदर्शन, २०२५ मध्ये लखनौ सुपर जायंट्सविरुद्ध तिलक वर्मा आणि २०२५ मध्ये पंजाब किंग्सविरुद्ध डेव्हन कॉनवे या सर्वांनी अशा प्रकारे पॅव्हेलियनमध्ये पुनरागमन केले आहे.
CSK Vs DC Live: दिल्लीचे ‘धुरंदर’ चेन्नईवर भारी ठरणार की…; अक्षर पटेलने घेतला ‘हा’ निर्णय
धोनीच्या अनुपस्थितीत ऋतुराजचा ‘मास्टरस्ट्रोक’
पायाच्या दुखापतीमुळे एम.एस. धोनी हॉटेलमधून सामना पाहत असला तरी, मैदानावर ऋतुराज गायकवाडच्या निर्णयांमध्ये त्याच्या कर्णधारपदाची आक्रमकता स्पष्टपणे दिसून आली. धोनीच्या अनुपस्थितीत संघाला पराभवांची मालिका सहन करावी लागली, त्यामुळे म्हात्रेचे संघात पुनरागमन आणि शिवम दुबेला बदली खेळाडू म्हणून संधी देणे हे दर्शवते की, सीएसके जुन्या पद्धती सोडून आधुनिक क्रिकेटची आक्रमक रणनीती अवलंबत आहे.
शिवम दुबे हा नेहमीच कमी चेंडूमध्ये आक्रमकपणे खेळी करणारा खेळाडू म्हणून ओळखला जातो आणि ऋतुराजने घेतलेल्या निर्णयाचा त्याने योग्य मान राखत तशी खेळीही केली. केवळ शेवटच्या दोन ओव्हरमध्ये शिवम दुबेने उत्तम खेळी करत आपल्या संघाला चांगले लक्ष्य गाठून दिले. मुंबईकर असणारा शिवम नेहमीच चेन्नईसाठी लकी ठरला आहे.
