गोंगडी त्रिशा ठरली महिला अंडर 19 विश्वचषकात शतक झळकावणारी पहिली खेळाडू, भारतीय मुलीने जागतिक स्तरावर घडवला चमत्कार

आयसीसी अंडर-१९ विश्वचषकात शतक झळकावणारी गोंगडी त्रिशा ही पहिली खेळाडू ठरली आहे. या स्पर्धेची एक आवृत्ती २०२३ मध्ये देखील खेळली गेली आहे, परंतु त्या हंगामात एकाही फलंदाजाला शतक झळकावता आले नाही.

अंडर-19 महिला T20 विश्वचषक 2025 : अंडर-19 महिला T20 विश्वचषक 2025 चा सुपर सिक्सचे सामने सुरु आहेत. यामध्ये सुपर सिक्सचा शेवटचा भारत विरुद्ध स्कॉटलंड यांच्यामध्ये सुरु आहे. या सामन्यांमध्ये भारताची युवा फलंदाज गोंगडी त्रिशाने आयसीसी महिला अंडर १९ विश्वचषक स्पर्धेत इतिहास रचला. आयसीसी अंडर-१९ विश्वचषकात शतक झळकावणारी गोंगडी त्रिशा ही पहिली खेळाडू ठरली आहे. या स्पर्धेची एक आवृत्ती २०२३ मध्ये देखील खेळली गेली आहे, परंतु त्या हंगामात एकाही फलंदाजाला शतक झळकावता आले नाही. यावेळी भारताच्या या महिला खेळाडूने हा चमत्कार केला.

गोंगडी त्रिशाने ५३ चेंडूत १२ चौकार आणि ४ षटकारांच्या मदतीने आपले शतक पूर्ण केले. या काळात त्याचा स्ट्राइक रेट १८९ च्या आसपास होता. यासह गोंगडी त्रिशा ही आयसीसी महिला अंडर-१९ विश्वचषक स्पर्धेत सर्वाधिक धावा करणारी पहिली खेळाडू ठरली आहे. मलेशियामध्ये सुरू असलेल्या आयसीसी अंडर १९ विश्वचषक २०२५ मध्येही ती सर्वाधिक धावा करणारी खेळाडू बनली आहे. याआधीही या फलंदाजाने काही चांगल्या खेळी केल्या आहेत.

See more

An Impressive 💯

Trisha G is making a name for herself 👏

Updates ▶️ https://t.co/feBJlxclkZ#TeamIndia | #INDvSCO | #U19WorldCup pic.twitter.com/9Rldc8kB6e

— BCCI Women (@BCCIWomen) January 28, 2025

या टूर्नामेंटबद्दल बोलायचे झाले तर गोंगडी त्रिशाने पहिल्या सामन्यात केवळ ४ धावा केल्या होत्या, पण पुढच्या सामन्यात तिने मलेशियाविरुद्ध नाबाद २७ धावा केल्या. यानंतर त्याने श्रीलंकेविरुद्ध ४९ धावांची तर बांगलादेशविरुद्ध ४० धावांची खेळी केली. बांगलादेशविरुद्धही त्याने गोलंदाजी करत एक विकेट घेतली होती. आता लीग टप्प्यातील शेवटच्या सामन्यात त्याने झंझावाती शतक झळकावले आहे.

SL vs AUS : ऑस्ट्रेलियाची सलामीची जोडी बदलली, सॅम कॉन्स्टास संघातून पत्ता कट, हा खेळाडू करणार ख्वाजासोबत ओपनिंग

गोंगडी त्रिशा मागील वेळी झालेल्या आयसीसी महिला अंडर १९ वर्ल्ड कपचा देखील भाग होती. भारताने ती स्पर्धा जिंकली. अंतिम सामन्यात त्रिशाने २९ चेंडूत ३ चौकारांच्या मदतीने २४ धावा केल्या. यानंतर तिच्या वडिलांनी सांगितले की त्यांनी त्रिशाच्या क्रिकेट कोचिंगसाठी त्यांची जिम आणि ४ एकर जमीन विकली होती. आता त्यांची मुलगी जागतिक पटलावर लहरी आहे. आगामी काळात त्रिशालाही भारतीय संघात संधी मिळण्याची शक्यता आहे.

आयसीसी महिला अंडर-१९ T२० विश्वचषक सध्या मलेशियामध्ये सुरू आहे. या स्पर्धेच्या उपांत्य फेरीसाठी चार संघ निश्चित करण्यात आले आहेत. या स्पर्धेच्या उपांत्य फेरीसाठी पात्र ठरणारा पहिला संघ दक्षिण आफ्रिका होता. दक्षिण आफ्रिकेपाठोपाठ ऑस्ट्रेलिया आणि गतविजेत्या भारतानेही लवकरच उपांत्य फेरीचे तिकीट बुक केले. उपांत्य फेरीसाठी पात्र ठरलेला शेवटचा संघ इंग्लंड होता. या चार संघांमधील दोन्ही उपांत्य फेरीचे सामने क्वालालंपूर येथील ब्यूमास ओव्हल येथे शुक्रवारी होणार आहेत. पॉईंट टेबलवर नजर टाकली तर सेमीफायनलमध्ये भारताचा सामना इंग्लंडशी होऊ शकतो, तर दुसऱ्या सेमीफायनलमध्ये ऑस्ट्रेलियाचा सामना दक्षिण आफ्रिकेशी होऊ शकतो.