अहमदाबाद : फायनल संपल्यानंतर कर्णधार हार्दिकने आपले पुढील लक्ष्य नोव्हेंबरमध्ये होणार्‍या टी-20 वर्ल्ड जिंकण्याचे सांगितले.
हार्दिक म्हणाला, ‘मला टीम इंडियासाठी वर्ल्ड कप कोणत्याही किंमतीत जिंकायचा आहे. यासाठी माझ्याकडे जे काही आहे, ते सर्व देण्यास मी तयार आहे. माझी ओळख टीम इंडियाशी आहे. टीम इंडियाकडून खेळणे हे माझ्यासाठी स्वप्न पूर्ण झाले. मी भारतासाठी किती सामने खेळतो याने काही फरक पडत नाही, पण जेव्हा मी माझ्या संघाचे प्रतिनिधित्व करतो तेव्हा माझ्यासाठी ही अभिमानाची बाब असेल. मला कोणत्याही परिस्थितीत टीम इंडियासाठी विश्वचषक जिंकायचा आहे.
हार्दिक पुढे म्हणाला, ‘लोकांचा असा विश्वास आहे की टी-२० क्रिकेट हा फलंदाजांचा खेळ आहे, पण माझा तसा विश्वास नाही. गोलंदाजच तुमचे सामने जिंकतात, कारण जर फलंदाज जास्त धावा करू शकत नसतील, तर गोलंदाजच तुम्हाला सामन्यात परतवून लावतात. म्हणून जेव्हा आम्ही या हंगामाची सुरुवात केली तेव्हा आम्ही आशु पा (आशिष नेहरा) सोबत एक मजबूत आणि अनुभवी गोलंदाजी युनिट तयार केले जेणेकरून आमचे फलंदाज चांगली कामगिरी करत नसतील तर आम्ही आमच्या गोलंदाजीने सामन्यात परत येऊ शकू.
खराब तंदुरुस्तीमुळे हार्दिक पांड्या दीर्घकाळ टीम इंडियातून बाहेर असल्याबद्दल तो म्हणाला, ‘मी इतके दिवस काय काम केले ते मला दाखवायचे होते आणि फायनलचा दिवस हा गोलंदाजीच्या दृष्टिकोनातून माझा दिवस होता. संजूला आऊट केल्यानंतर मी दुसरा चेंडू टाकला तेव्हा मला जाणवले की, बॉलिंग करताना तुम्हाला लाईन लेंथ बरोबर ठेवावी लागेल.
हार्दिक पांड्याने आयपीएलच्या 15 व्या हंगामातील 15 सामन्यात 44.27 च्या सरासरीने 487 धावा केल्या आहेत. त्याचा स्ट्राइक रेट 131.27 राहिला. यासोबतच त्याने गोलंदाजीतही अप्रतिम कामगिरी करताना 8 विकेट्स घेतल्या. अंतिम सामनाही हार्दिकच्या नावावर होता. त्याने बॉल आणि बॅट या दोन्ही बाबतीत चमत्कार केले. प्रथम त्याने गोलंदाजीत संघासाठी 4 षटकात 17 धावा देत 3 बळी घेतले. यानंतर फलंदाजी करताना 30 चेंडूत 113.33 च्या स्ट्राईक रेटने 34 धावा केल्या. हार्दिकची कर्णधारपदही संपूर्ण हंगामात अप्रतिम होती. त्याने 15 सामन्यांमध्ये गुजरातचे नेतृत्व केले आणि संघाने 12 सामने जिंकले.
.png "Videos"){kind=small}
