भारत – पाकिस्तानची मॅच कशी होईल? न्यूयॉर्कमधील हवामानावर एक नजर

भारत-पाक सामन्यात पावसामुळे चाहत्यांची मनं मोडतील का? न्यूयॉर्कमध्ये हवामान कसे असेल ते जाणून घ्या

भारत विरुद्ध पाकिस्तान : भारत विरुद्ध पाकिस्तान यांच्या हाय वोल्टेज सामन्यासाठी सर्वच क्रिकेट चाहते उत्सुक आहेत. भारत विरुद्ध पाकिस्तान यांच्यामधील स्पर्धा पाहणे कोणाला आवडत नाही. भारत पाक सामना म्हंटल्यावर सर्वच जणांना तो लाईव्ह आणि सामन्याच्या वेळ कोणत्याही प्रकारचा व्यत्यय न आणता तो पाहणे आवडते. सामन्यासाठी एक दिवस शिल्लक राहिला आहे. खेळाडूंपासून चाहत्यांपर्यंत सर्वांनाच या सामन्याची प्रतीक्षा आहे. न्यू यॉर्कमधील नासाऊ काउंटी इंटरनॅशनल क्रिकेट स्टेडियमवर हा सामना रंगणार आहे. 2024 च्या T20 विश्वचषकातील 19 वा सामना आहे, जो रविवार, 09 जून रोजी खेळवला जाईल.

[read_also content=”भारताची पहिली MMA महिला फायटर करणार UFC मध्ये पदार्पण https://www.navarashtra.com/sports/india-first-female-mma-fighter-puja-tomar-will-make-her-ufc-debut-544561.html”]

न्यूयॉर्कमधील खेळपट्टीने तर फलंदाजाला बराच त्रास दिला आहे. त्यामुळे मग आता न्यूयॉर्कच्या हवामानावर एक नजर टाकूया. खेळपट्टीशिवाय या सामन्यात हवामानही महत्त्वाची भूमिका बजावू शकते.

कसे असेल न्यूयॉर्कचे हवामान?

न्यूयॉर्कच्या खेळपट्ट्या नव्याने बांधल्या आहेत. नासाऊ काउंटी इंटरनॅशनल क्रिकेट स्टेडियमवर होणारा हा शानदार सामना अमेरिकेमध्ये सकाळी 10:30 वाजता रंगणार आहे. हा सामना भारतीय वेळेनुसार सांध्याकाळी 8 वाजता सुरु होणार आहे. हवामानाचा विचार केला तर हवामान खात्याच्या नाणेफेकीच्या वेळी 40 ते 50% पाऊस पडण्याची शक्यता आहे. तथापि, दुपारी 1 वाजता पावसाची शक्यता 10% पर्यंत कमी होईल, परंतु दुपारी 3 वाजता पुन्हा 40% पर्यंत पोहोचू शकेल. रविवार, 9 जून रोजी पावसाची शक्यता 42% आहे. तापमान 25 अंश सेल्सिअस आणि आर्द्रता 58% राहण्याची शक्यता आहे. पावसामुळे नाणेफेक होण्यास उशीर होऊ शकतो, परंतु सध्याच्या हवामान अंदाजानुसार सामना नियोजित वेळेनुसार खेळवला जाऊ शकतो.

भारतीय संघाची संभाव्य प्लेइंग 11 

रोहित शर्मा (कर्णधार), विराट कोहली, संजू सॅमसन, सूर्यकुमार यादव, शिवम दुबे, ऋषभ पंत (यष्टीरक्षक), हार्दिक पंड्या, रवींद्र जडेजा, कुलदीप यादव, जसप्रीत बुमराह, अर्शदीप सिंग.

पाकिस्तान संघाची संभाव्य प्लेइंग 11

मोहम्मद रिझवान (विकेटकीपर), बाबर आझम (कर्णधार), उस्मान खान, फखर जमान, आझम खान, इफ्तिखार अहमद, शादाब खान, शाहीन शाह आफ्रिदी, हरिस रौफ/मोहम्मद अमीर, नसीम शाह, अबरार अहमद.