रविवार, 30 ऑगस्ट 2026
IND W vs THA W Asia cup 2026 match
सध्या भारतीय संघ हा आशिया मधील सर्वात मजबूत संघ आहे. स्मृती मंधाना आणि शफाली वर्मा हे दोघे सलमामीवीर फलंदाजद डावाची सुरुवात करतील. या दोघींनीही यावर्षी आपल्या आक्रमक फलंदाजीने भरपूर धावा केल्या आहेत. दुखापतीमुळे जेमिमा रॉड्रिग्ज तिसऱ्या क्रमांकावर खेळू शकणार नाही. तिच्या जागी प्रतिका रावलला संधी दिली जाऊ शकते. हरमनप्रीत कौर आणि रिचा घोष यांच्याकडूनही चांगल्या फलंदाजीची अपेक्षा आहे. अष्टपैलू दीप्ती शर्मा पुन्हा एकदा संघाला पुढे नेण्याची जबाबदारी सांभाळेल. तिने आपल्या फलंदाजी आणि गोलंदाजीने सातत्याने उत्कृष्ट कामगिरी केली आहे. भारतीय संघाची गोलंदाजीही खूप मजबूत आहे. रेणुका ठाकूर आणि क्रांती गौड वेगवान गोलंदाजी विभागाची कमान सांभाळतील. श्री चरणी आणि राधा यादव यांनी आपल्या फिरकी गोलंदाजीने फलंदाजांना चारिमुंड्या चित्त केले आहे. तसेच, दुबईमध्ये फिरकी गोलंदाजांचे वर्चस्व राहिले आहे. म्हणजेच याचा फायदा भारतीय फिरकीपटूंना होऊ शकतो.
महिला टी-२० आशिया कपनंतर लगेचच भारतीय संघ जपानमध्ये होणाऱ्या आशियाई क्रीडा स्पर्धेत सहभागी होणार आहे. यामुळे भारतीय महिला क्रिकेट संघाला आपल्या तयारीची चाचणी घेण्याची एक उत्तम संधी मिळेल. थायलंडने या स्पर्धेत आपला पहिला सामना हाँगकाँग चीनविरुद्ध आधीच खेळला असून, त्यात त्यांनी ६ धावांच्या फरकाने विजय मिळवला आहे.
भारतीय संघ आणि थायलंड यांच्यात दुबई आंतरराष्ट्रीय क्रिकेट स्टेडियमवर सामना खेळला जाईल. सामना भारतीय प्रमाणवेळेनुसार रात्री ८:०० वाजता सुरू होईल. त्यापूर्वी अर्धा तास आधी नाणेफेक होईल. हा सामना भारतात सोनी स्पोर्ट्स नेटवर्कवर थेट प्रक्षेपित केला जाईल. याव्यतिरिक्त, सोनी लिव्ह ॲप आणि वेबसाइटवर थेट स्ट्रीमिंग उपलब्ध असेल. तसेच, हा सामना डीडी भारती चॅनेलद्वारे डीडी फ्रीडिशवर विनामूल्य पाहता येईल.
