Asian Games: अवघ्या ०.०८ सेकंदांचा थरार; वियतनामला धूळ चारत भारतीय चौकडीने पटकावले ‘रौप्य’

Asian Games: ४x४०० मीटर मिक्स रिले शर्यतीत भारतीय संघाने अत्यंत थरारक आणि चुरशीच्या लढतीत रौप्यपदक पटकावले. अंतिम क्षणी वियतनामवर मिळवलेली अवघ्या ०.०८ सेकंदांची निसटती पण निर्णायक आघाडी भारतीय संघाच्या या ऐतिहासिक विजयाचे कारण ठरली.  

• एशियन गेम्समध्ये मिश्र ४x४०० रिलेमध्ये भारताने जिंकले रौप्यपदक
• वियतनामला मागे टाकत भारतीय चौकडीचा दणदणीत पराक्रम
• जपानमध्ये सुरू आहे एशियन गेम्स 2026 

Asian Games 2026: सध्या जपानमध्ये नागोया सिटी मिझुहो पार्क एथलेटिक स्टेडियमवर एशियन गेम्स 2026 स्पर्धा सुरू आहे. आशियाई खेळ २०२६ मध्ये भारतीय एथलीट्सची शानदार घोडदौड कायम असल्याचे पाहायला मिळत आहे. गुरुवारी पार पडलेल्या ४x४०० मीटर मिक्स रिले शर्यतीत भारतीय संघाने उत्कृष्ट कामगिरी करत रौप्यपदक आपल्या नावावर केले आहे. केवळ 3 मिनिटे 14.46 सेकंदात भारतीय संघाने शानदार कामगिरी करत रौप्यपदक जिंकले आहे.

भारताच्या या रौप्यपदकामध्ये मच्चेतिरा पूवम्मा, विशाल थेन्नारासू, रामराज विथ्या  आणि थेक्किनालिल मनू या चार खेळाडूंच्या चौकडीने मोलाचे योगदान दिले. अत्यंत चुरशीच्या ठरलेल्या या शर्यतीत अंतिम क्षणी वियतनामच्या धावपटूंना मागे टाकत भारतीय खेळाडूंनी दुसरे स्थान निश्चित केले आहे. या स्पर्धेत बहरीनच्या संघाने ३:१२.८७ सेकंदाची वेळ नोंदवत नवीन ‘गेम्स रेकॉर्ड’सह गोल्ड मेडल जिंकले.

४x४०० मीटर मिक्स रिले शर्यतीत भारतीय संघाने अत्यंत थरारक आणि चुरशीच्या लढतीत रौप्यपदक पटकावले. अंतिम क्षणी वियतनामवर मिळवलेली अवघ्या ०.०८ सेकंदांची निसटती पण निर्णायक आघाडी भारतीय संघाच्या या ऐतिहासिक विजयाचे कारण ठरली.  शर्यतीच्या सुरुवातीला मिळालेली ०.०८ सेकंदांची हीच छोटीशी आघाडी शेवटी सुवर्णसंधी ठरली आणि वियतनामला मागे टाकत भारताने फिनिशिंग लाईन दुसऱ्या क्रमांकावर पार केली.

Asian Games: हिमाचलच्या लेकीचा जपानमध्ये डंका! सीमाने १०,००० मीटर शर्यतीत जिंकले ‘Bronze’ मेडल

भारतीय रिले संघाचा प्रमुख चेहरा असलेल्या विथ्या हिने यापूर्वी पेरिस ऑलिम्पिक २०२४ मध्ये ४x४०० मीटर रिले प्रकारात भारताचे प्रतिनिधित्व केले होते. त्यांच्या नेतृत्वात भारताने पदक जिंकले आहे. याशिवाय, तिने २०२२ च्या आशियाई क्रीडा स्पर्धेत मिक्स ४x४०० मीटर रिलेमध्ये रौप्यपदक आणि २०२३ च्या आशियाई खेळांमध्ये ४०० मीटर हर्डल्स मध्ये कांस्यपदक जिंकले आहे.

हिमाचलच्या लेकीचा जपानमध्ये डंका

जपानमध्ये सुरू असलेल्या एशियन गेम्स 2026 स्पर्धेत भारताने शानदार कामगिरी दाखवली आहे. आतापर्यंत 15 पेक्षा जास्त पदके भारताने जिंकली आहेत. त्यातच आता एथलीट्समध्ये देखील भारताने चांगली कामगिरी केल्याचे दिसून आले आहे. भारताची महिला धावपटू सीमा कुमारी हिने महिलांच्या १०,००० मीटर शर्यतीत उत्कृष्ट कामगिरी करत कांस्यपदक जिंकले आहे.

Asian Games 2026 मध्ये पुरुष क्रिकेटला सुरुवात; भारताला कडवी झुंज, पण अफगाणिस्तानसमोर फुस्स, जपानचा घरच्या मैदानावर दारुण पराभव