Asian Games: लोळवलं अन् झोपवलं! चिनी तैपेईला कबड्डीत भारताने नमवलं; ३७-२१ ने मिळवला शानदार विजय

Asian Games: सामन्याच्या सुरुवातीपासूनच भारतीय खेळाडूंनी आक्रमक चढाई आणि मजबूत पकड करत चीनी तैपेईवर दबाव टाकला. मध्यंतरापर्यंत भारताने मजबूत आघाडी प्राप्त केली.

• एशियन गेम्समध्ये भारतीय कबड्डी संघाचा विजय 
• ग्रुप ए मध्ये भारतीय संघ पहिल्या स्थानावर 
• चीनी तैपेई संघाचा केला दारुण पराभव 

Asian Games 2026: जपानमध्ये सुरू असलेल्या एशियन गेम्समध्ये भारतीय पुरुष कबड्डी संघाने विजयी घौडदौड कायम राखली आहे. बांग्लादेशचा पराभव करत भारताने सेमीफायनलमध्ये प्रवेश केला आहे. मात्र आज झालेल्या अटीतटीच्या सामन्यात भारताने चीनी तैपेईचा ३७-२१ असा पराभव केला आहे. हा सामना टोकाई सिटिजन्स जिम्नेजियम येथे पार पडला आहे. . या शानदार विजयासह भारतीय संघाने ‘ग्रुप ए’मध्ये आपले पहिले स्थान कायम राखले आहे.

सामन्याच्या सुरुवातीपासूनच भारतीय खेळाडूंनी आक्रमक चढाई आणि मजबूत पकड करत चीनी तैपेईवर दबाव टाकला. मध्यंतरापर्यंत भारताने मजबूत आघाडी प्राप्त केली. दुसऱ्या डावात देखील चीनी तैपेईच्या खेळाडूंना पुनरागमनाची कोणतीही संधी न देता भारतीय डीफेन्स टीमने अप्रतिम कामगिरी केली आणि सामना ३७-२१ अशा मोठ्या फरकाने आपल्या नावे केला करत विजय प्राप्त केला.

Asian Games 2026: बांग्लादेशला ‘हुतुतू’ समजेना! भारतीय कबड्डी संघाचा दणदणीत विजय

The defending champions beat Chinese Taipei 31-21 to book their place in the Asian Games semi-finals and keep their title defense on track! ⚡ Watch the 20th Asian Games Aichi-Nagoya 2026 LIVE on Sony Sports Network TV channels & Sony LIV.#SonySportsNetwork #SonyLIV… pic.twitter.com/ykWaZcuLgM — Sony Sports Network (@SonySportsNetwk) September 24, 2026

भारतीय कबड्डी संघाचा या स्पर्धेतील हा सलग चौथा विजय ठरला आहे. यापूर्वी पार पडलेल्या तिन्ही सामन्यांत भारतीय संघाने प्रतिस्पर्ध्यांना एकतर्फी मात दिली होती. या धडाकेबाज कामगिरीमुळे भारताने ‘ग्रुप ए’ मधील आपले अव्वल स्थान अबाधित राखले आहे. सेमीफायनलमध्ये भारताचा प्रवेश निश्चित झाला आहे. सध्या आकडेवारी पाहता भारतीय संघ गोल्ड मेडल जिंकण्याच्या प्रबळ दावेदार समजला जात आहे.

वाघिणी जिंकल्या आता वाघ सज्ज! Asian Games 2026 मध्ये टीम इंडिया ‘या’ दिवशी उतरणार मैदानात

एशियन गेम्स २०२६ मधील पुरुष कबड्डी स्पर्धेत भारतीय संघाने आपली पकड अधिक घट्ट केली आहे. सामन्याच्या पहिल्या मिनिटापासूनच प्रतिस्पर्धी चीनी तैपेईवर पूर्ण दबाव बनवत भारताने ३७-२१ असा दणदणीत विजय मिळवला आहे. सामन्याची सुरुवात होताच भारतीय रेडर्सनी आक्रमक चढाया करत चीनी तैपेईच्या बचाव फळीला पूर्णपणे बॅकफूटवर ढकलले. भारतीय रेडर्सच्या वेगवान हालचाली आणि अचूक गुणांमुळे पहिल्या हाफच्या अखेरपर्यंत भारताने २३-११ अशी भक्कम आघाडी घेतली.