गुजरात टायटन्स संघाने दिल्ली कॅपिटल्सचा ७ विकेट्सने शानदार पराभव केला. या सामन्यात दिल्लीने प्रथम फलंदाजी करत २०३ धावा केल्या. यानंतर, जोस बटलर आणि शेरफेन रदरफोर्ड यांच्या उत्कृष्ट खेळीमुळे गुजरातने लक्ष्य गाठले. बटलरने ९७ धावांची खेळी खेळली. पण आता विजयानंतर गुजरात टायटन्स संघाला मोठा धक्का बसला आहे आणि कर्णधार शुभमन गिलला दंड ठोठावण्यात आला आहे.
कॅपिटल्सविरुद्धच्या सामन्यात स्लो ओव्हर रेटसाठी गुजरात टायटन्सचा कर्णधार शुभमन गिलला १२ लाख रुपयांचा दंड ठोठावण्यात आला आहे. आयपीएलच्या आचारसंहितेच्या कलम २.२२ अंतर्गत त्याच्या संघाचा हंगामातील हा पहिलाच गुन्हा होता. आयपीएल गव्हर्निंग कौन्सिलने यावेळी स्लो ओव्हर रेट गुन्ह्यांसाठीची बंदी हटवली आहे. आता आयपीएलच्या कर्णधारांना स्लो ओव्हर रेटमुळे डिमेरिट पॉइंट्स आणि दंड दिला जातो.
‘ही’ मुलगी डासांना मारते अन्…; VIDEO पाहून कपाळालाच हात लावाल, पाहा नेमकं काय करते तरुणी?
दिल्ली कॅपिटल्सविरुद्धच्या सामन्यात विजय मिळवून गुजरात टायटन्सला मोठा फायदा झाला आहे आणि त्यांनी चालू हंगामातील पॉइंट टेबलमध्ये अव्वल स्थान मिळवले आहे. या हंगामात संघाने आतापर्यंत एकूण ७ सामने खेळले आहेत, ज्यात पाच जिंकले आहेत आणि दोन गमावले आहेत. त्याचा १० गुणांसह नेट रन रेट अधिक ०.९८४ आहे. चालू हंगामात त्यांचे अजूनही ७ सामने शिल्लक आहेत आणि प्लेऑफमध्ये पोहोचण्याची त्यांची शक्यता खूप जास्त आहे.
दिल्ली कॅपिटल्सविरुद्धच्या सामन्यात गुजरात टायटन्सच्या गोलंदाजांनी आणि फलंदाजांनी चमकदार कामगिरी केली आहे. संघाकडून जोस बटलरने ५४ चेंडूत ११ चौकार आणि चार षटकारांसह ९७ धावा केल्या. शेरफेन रदरफोर्डने ४३ धावा केल्या. या खेळाडूंमुळेच संघाने लक्ष्य सहज गाठले. संघाकडून प्रसिद्ध कृष्णाने सर्वाधिक चार विकेट्स घेतल्या.
.png "Videos"){kind=small}
