IPL २०२५ : स्वतःला सिद्ध करणारा Shreyas Iyer या हंगामात अधिक आक्रमक, ६ सामन्यांमध्ये १७० चा स्ट्राईक रेट अन् ३ अर्धशतके.. 

आयपीएल २०२५ च्या १८ हंगामात आतापर्यंत ३२ सामने खेळवण्यात आले आहेत. या हंगामात पंजाबचा कर्णधार श्रेयस अय्यर आपल्या फलंदाजीने सर्वांच लक्ष वेधून घेतले आहे.

IPL २०२५ : आयपीएल २०२५ च्या १८ हंगाम चांगलाच रंगात आला आहे. आतापर्यंत ३२ सामने खेळवण्यात आले आहेत. या हंगामात पंजाबचा कर्णधार श्रेयस अय्यर आपल्या फलंदाजीने सर्वांच लक्ष वेधून घेतले आहे. २०२४ मध्ये कोलकाता नाईट रायडर्सला जेतेपद मिळवून देणारा श्रेयस अय्यर या हंगामात पंजाब किंग्जचा कर्णधार आहे. पंतनंतर दुसऱ्या क्रमांकाचा सर्वांत महागडा खेळाडू म्हणून पीबीकेएसने त्याला २६.७५ कोटी रुपयांना खरेदी केले.

पंतच्या तुलनेत, अय्यरने पहिल्या ६ सामन्यांमध्ये त्याच्या स्फोटक फलंदाजीने आणि यशस्वी नेतृत्वाने स्वतःचे मूल्य सिद्ध केले. त्याने संघाला ४ सामने जिंकण्यास मदत केली असताना, त्याने १७०च्या प्रभावी स्ट्राईक रेटसह तिसऱ्या क्रमांकावर फलंदाजी करताना २५० धावा केल्या आहेत, ज्यामध्ये नाबाद ९७ धावांची धमाकेदार खेळी समाविष्ट आहे.

चालू हंगामातील कामगिरी

1. २५ मार्च रोजी गुजरात टायटन्स विरुद्ध ९७ नाबाद (४२ चेंडू)
2. १ एप्रिल रोजी लखनौ सुपर जायंट्स विरुद्ध नाबाद ५२ (३० चेंडू).
3. ५ एप्रिल रोजी राजस्थान रॉयल्स विरुद्ध ९ धावा (७ चेंडू).
4. ८ एप्रिल रोजी चेन्नई सुपर किंग्ज विरुद्ध ८२ धावा (३६ चेंडू).
5. १२ एप्रिल रोजी सनरायझर्स हैदराबाद विरुद्ध १० धावा (५ चेंडू).
6. १५ एप्रिल रोजी कोलकाता नाईट रायडर्स विरुद्ध ० धावा (२ चेंडू).

हेही वाचा : MI vs SRH : मुंबई इंडियन्सचा स्टार गोलंदाज बुमराह कमाल करणार? सनरायझर्स हैदराबादविरुद्ध उतरणार मैदानात..

आतापर्यंतचे आकडे

1. 83.33 सरासरी
2. 170.33 स्ट्राइक
3. 0 ३अर्धशतक (९७, ५२, ८२ )
4. 250 धावाः (६ डाव, नाबाद २)
5. चौकार/षटकारः २३ चौकार, २३ षटकार
6. फील्डिंगः ३ झेल

२०२४ मधील पहिल्या ६ सामन्यांमधील कामगिरी

1. २३ मार्च रोजी सनरायझर्स हैदराबाद विरुद्ध ० धावा (२ चेंडू)
2. २९ मार्च रोजी रॉयल चॅलेंजर्स बंगळुरू विरुद्ध नाबाद ३९ (२४चेंडू)
3. ३ एप्रिल रोजी दिल्ली कॅपिटल्सविरुद्ध १८ धावा (११ चेंडू).
4. ८ एप्रिल रोजी चेन्नई सुपर किंग्ज विरुद्ध ३४ धावा (३२ चेंडू).
5. १४ एप्रिल रोजी लखनी सुपर जायंट्स विरुद्ध नाबाद ३८ (२८ चेंडू).
6. राजस्थान रॉयल्स विरुद्ध १६ एप्रिलला ११ रन (७ चेंडू)

हेही वाचा : DC Vs RR: आयपीएलच्या १८ व्या हंगामात रंगला पहिल्या सुपरओव्हरचा थरार; दिल्लीचा ‘सुपरहिट’ विजय

२०२४ च्या पहिल्या ६ सामन्यांमधील कामगिरी

1. 240 धावा (६ डाव, २ नाबाद)
2. 46.67 सरासरी
3. 14/04 चौकार/षटकार
4. 134.62 स्ट्राइक
5. 02 झेल

दिल्ली कॅपिटल्स राजस्थान रॉयल्सवर थरारक विजय

दिल्ली कॅपिटल्स विरुद्ध राजस्थान रॉयल्स यांच्यामध्ये काल थरारक सामना पार पडला. यामध्ये दिल्ली कॅपिटल्सने राजस्थान रॉयल्सचा सुपर ओव्हरमध्ये पराभव केला आहे. राजस्थान रॉयल्स विरुद्ध दिल्ली कॅपिटल्स यांच्यामध्ये सामना झाला, हा सामान सुपर ओव्हरमध्ये गेला आणि या सुपर ओव्हरमध्ये दिल्ली कॅपिटल्सच्या संघाने विजय मिळवून स्पर्धेचा पाचवा विजय नावावर केला आहे. प्रथम फलंदाजी करत दिल्लीने १८८ धावा केल्या होत्या तर प्रतिउत्तरात राजस्थानने देखील १८८ धावा केल्या आणि सामाना टाय झाला आणि सुपर ओव्हर घेण्यात आली. त्यामध्ये दिल्लीने बाजी मारली.