Asian Games 2026: गर्वाने छाती फुलली! जय मीणाने जिंकले ‘Bronze’; सॉफ्ट टेनिसमध्ये प्रथमच…

Asian Games: सुरूवातीच्या काळात जय मीणाला क्रिकेटची प्रचंड आवड होती आणि त्याला एक व्यावसायिक क्रिकेटर बनायचे होते. मात्र, देवास येथील 'पायनियर पब्लिक स्कूल'मध्ये प्रवेश घेतल्यानंतर त्याच्या आयुष्याला एक नवे वळण मिळाले.

• जय मीणाने सॉफ्ट टेनिसमध्ये जिंकले ब्रॉँझ मेडल 
• जपानमध्ये सुरू आहे एशियन गेम्स 2026 स्पर्धा 
• सॉफ्ट टेनिसमध्ये भारताने जिंकले प्रथमच मेडल  

Asian Games 2026/Soft Tennis: सध्या जपानमध्ये एशियन गेम्स 2026 स्पर्धा सुरू आहे. यामध्ये भारतीय खेळाडूंनी चांगली कामगिरी केली आहे. एशियन गेम्स २०२६ मध्ये भारताच्या जय मीणाने पुरुष सॉफ्ट टेनिस प्रकारात कांस्य पदक पटकावत नवा इतिहास रचला आहे. एशियन गेम्सच्या इतिहासामधील भारताचे सॉफ्ट टेनिस खेळातील हे पहिलेवहिले पदक ठरले आहे. जय मीणाच्या या ऐतिहासिक कामगिरीमुळे भारतीय क्रीडा जगतात आनंदाचे वातावरण पाहायला मिळत आहे. तसेच त्याच्यावर कौतुकाचा वर्षाव देखील केला जात आहे.

Asian games 2026: २८ वर्षांचा दुष्काळ संपला! Mirabai chanu ने रचला इतिहास; वेटलिफ्टिंगमध्ये भारताला पहिलं पदक

जय मीणाने क्वार्टर फायनलच्या सामन्यात फिलिपिन्सच्या शेरविन नुगुइटविरुद्ध कमालीचा संयम आणि कौशल्य दाखवत अप्रतिम  कामगिरी केली. निर्वाणीच्या गेममध्ये मीणा ३-५ अशा पिछाडीवर होता.  मात्र दबाव असताना देखील त्याने चांगली कामगिरी करत सलग 4 पॉईंट्स प्राप्त केले. तसेच हा सामना 4-3 ने जिंकून सेमीफायनलमध्ये प्रवेश केला आहे. सेमीफायनल जय मीणाचा सामना जपानच्या अव्वल खेळाडू ताकुया कुरोसाकाविरुद्ध झाला. कांस्य पदकासह त्याने भारतीय क्रीडा जगताच्या इतिहासात आपले नाव सुवर्ण अक्षरांनी कोरले आहे.

A new chapter in Indian sport! Heartiest congratulations to Jay Meena on securing the Bronze Medal in the Men’s Singles Soft Tennis event at the #AsianGames2026. With this historic achievement, Jay has won India’s first-ever Asian Games medal in Soft Tennis. A landmark moment for Jay and Indian Soft Tennis. Wishing him many more successes ahead! #Cheer4Bharat — Kiren Rijiju (@KirenRijiju) September 23, 2026

सुरूवातीच्या काळात जय मीणाला क्रिकेटची प्रचंड आवड होती आणि त्याला एक व्यावसायिक क्रिकेटर बनायचे होते. मात्र, देवास येथील ‘पायनियर पब्लिक स्कूल’मध्ये प्रवेश घेतल्यानंतर त्याच्या आयुष्याला एक नवे वळण मिळाले. शाळेतील सॉफ्ट टेनिस कोर्टने त्याचे लक्ष वेधून घेतले.बॉल बॉय म्हणून काम करता करता त्याची या खेळातील रूची वाढत गेली आणि त्याने स्वतः सॉफ्ट टेनिसचे रॅकेट हातात धरले. शालेय व जिल्हास्तरीय स्पर्धांपासून आपल्या खेळाची सुरुवात करत त्याने राज्य आणि राष्ट्रीय स्तरावर आपली चुणूक दाखवली. त्याच्या अफाट कौशल्याच्या जोरावर अवघ्या १४ वर्षांचा असताना त्याला जपानमधील आंतरराष्ट्रीय स्पर्धेत भारताचे प्रतिनिधित्व करण्याची संधी प्राप्त केली होती.

Asian Games 2026: महिला स्किट शूटिंग टीमने मिळवून दिलं भारताला आठवं मेडल, रायजा-परिनाझची कमाल

महिला नेमबाजी संघाने २०२६ च्या आशियाई क्रीडा स्पर्धेत भारताचे आठवे पदक जिंकले. बुधवारी महिलांच्या स्किट सांघिक प्रकारात भारताने कांस्य पदक पटकावले. जपानच्या आयची-नागोया येथे भारताने एकूण आठ पदके जिंकली असून, त्यापैकी सहा पदके नेमबाजीत मिळाली आहेत.