Syed Mushtaq Ali Trophy : सय्यद मुश्ताक अली ट्रॉफीसाठी महाराष्ट्र संघ जाहीर! ऋतुराज गायकवाड करणार नेतृत्व.. 

बीसीसीआय सय्यद मुश्ताक अली ट्रॉफी २०२५-२६ च्या पहिल्या तीन लीग सामन्यांसाठी महाराष्ट्र वरिष्ठ पुरुष संघाची घोषणा करण्यात आली आहे. अनुभवी फलंदाज रुतुराज गायकवाडकडे संघाचे नेतृत्व सोपवण्यात आले आहे.

• सय्यद मुश्ताक अली ट्रॉफी २०२५-२६ साठी महाराष्ट्र संघ जाहीर 
• ऋतुराज गायकवाडकडे महाराष्ट्र संघ्याचे नेतृत्व 
• पृथ्वी शॉ, राहुल त्रिपाठी यांचा संघात समावेश 

Maharashtra team announced for Syed Mushtaq Ali Trophy : भारत आणि दक्षिण आफ्रिका यांच्यात दोन सामन्यांची कसोटी मालिका खेळली जात आहे. या मालिकेतील पाहिला सामना भारताने गमावला असून दूसरा सामना २२ नोव्हेंबरपासून गुवाहाटी येथे खेळला जाणार आहे. यादरम्यान, महाराष्ट्र क्रिकेट असोसिएशन (एमसीए) सचिव अ‍ॅड. कमलेश पिसाळ यांनी २६ नोव्हेंबर २०२५ पासून सुरू होणाऱ्या बीसीसीआय सय्यद मुश्ताक अली ट्रॉफी २०२५-२६ च्या पहिल्या तीन लीग सामन्यांसाठी महाराष्ट्र वरिष्ठ पुरुष संघाची घोषणा केली आहे. अनुभवी फलंदाज रुतुराज गायकवाडकडे संघाची धुरा सोपवण्यात आली आहे. तर संघात पृथ्वी शॉ, राहुल त्रिपाठी आणि युवा अष्टपैलू राजवर्धन हंगेरगेकर सारखे प्रमुख खेळाडूंची वर्णी लागली आहे.

हेही वाचा : Ashes series 2025: मिचेल स्टार्कचा मोठा कारनामा! कसोटी पदार्पणानंतर ‘हा’ पराक्रम करणारा ठरला तो पहिलाच खेळाडू…

सय्यद मुश्ताक अली ट्रॉफी २०२५-२६ साठी महाराष्ट्राचा संघ खालीलप्रमाणे

ऋतुराज गायकवाड (कर्णधार), पृथ्वी शॉ (फलंदाज), अर्शीन कुलकर्णी (अष्टपैलू/फलंदाज), राहुल त्रिपाठी (फलंदाज), अझीम काझी (अष्टपैलू), निखिल नाईक (यष्टीरक्षक), रामकृष्ण घोष (अष्टपैलू/फलंदाज), विकी ओस्तवाल (गोलंदाज), तन्मय संघवी (गोलंदाज), मुकेश चौधरी (वेगवान गोलंदाज), प्रशांत सोलंकी (गोलंदाज), मंदार भंडारी (विकेटकीपर), जलज सक्सेना (अष्टपैलू), राजवर्धन हंगरेकर (अष्टपैलू/फलंदाज), योगेश डोंगरे (खेळाडू) आणि रणजीत निकम (खेळाडू).

हेही  वाचा : Ashes series 2025 : ऑस्ट्रेलिया-इंग्लंड संघांचा लाजिरवाणा विक्रम! क्रिकेट इतिहासात पहिल्यांदाच ओढवली नामुष्की

कर्नाटका संघ जाहीर; मयंक अग्रवालकडे नेतृत्व

सय्यद मुश्ताक अली ट्रॉफीसाठी कर्नाटका संघ जाहीर केला गेला आहे. ज्यामध्ये अनेक नावांचा समावेश करण्यात आला आहे. या संघाचे नेतृत्व मयंक अग्रवालकडे देण्यात आले आहे. इंग्लंड मालिकेनंतर त्याला संघातून डच्चू देण्यात होता. आता, सय्यद मुश्ताक अली ट्रॉफी त्याच्यासाठी स्वतःला सिद्ध करण्यासाठी नामी संधी असणार आहे. कारण हे टी-२० स्वरूप आयपीएल संघांचे लक्ष देखील आकर्षित करणार आहे.

कर्नाटक संघ खालीलप्रमाणे 

मयंक अग्रवाल (कर्णधार), मॅकनील नोरोन्हा, केएल श्रीजीत, करुण नायर, आर. स्मरन, अभिनव मनोहर, श्रेयस गोपाल, शिखर शेट्टी, वैशाख विजयकुमार, विद्वात कवेरप्पा, विद्याधर पाटील, श्रीवत्स आचार्य, शुभांगी हेगडे, प्रवीण दुबे, बीआर शरथ आणि देवदत्त पडिकल.