Nepal vs West Indies : क्रिकेटच्या इतिहासामध्ये सर्वात मोठा उलटफेर! नेपाळने दोन वेळा विश्वचषक विजेत्या संघाला केलं पराभूत

नेपाळ विरुद्ध वेस्ट इंडिज यांच्यामध्ये मालिका खेळवली जात आहे, या दोन्ही सामन्यामध्ये नेपाळच्या संघाने विजय मिळवून टी-२० आंतरराष्ट्रीय क्रिकेटमध्ये खळबळ उडवून दिली आहे.

नेपाळ विरुद्ध वेस्ट इंडिज यांच्यामध्ये तीन सामन्यांची टी20 मालिका खेळवली जात आहे. या मालिकेमध्ये नेपाळच्या संघाने पहिल्या दोन्ही सामन्यामध्ये कमालीची कामगिरी केली आणि संघाला दोन्ही सामन्यात विजय मिळवून देऊन मालिका नावावर केली आहे. या मालिकेचा तिसरा आणि शेवटचा सामना अजूनही शिल्लक आहे, या दोन्ही सामन्यामध्ये नेपाळच्या संघाने विजय मिळवून टी-२० आंतरराष्ट्रीय क्रिकेटमध्ये खळबळ उडवून दिली आहे. त्यांनी या मालिकेत दोन वेळा विश्वचषक जिंकणाऱ्या वेस्ट इंडिज संघाला दारुण पराभव पत्करावा लागला. 

दोन्ही देशांदरम्यान सध्या शारजाह येथे तीन सामन्यांची टी-२० मालिका सुरू आहे. नेपाळने मालिकेतील पहिला सामना जिंकला होता. वेस्ट इंडिज हा नेपाळपेक्षा खूपच मजबूत आणि अनुभवी संघ आहे. या कारणास्तव, असे वाटत होते की वेस्ट इंडिज शानदार पुनरागमन करेल आणि पुढील दोन सामने जिंकेल. तथापि, नेपाळने क्रिकेट जगतातील सर्वात मोठा अपसेट केला आहे. मालिकेतील दुसरा सामना २९ सप्टेंबर २०२५ रोजी शारजाह क्रिकेट स्टेडियमवर झाला. 

India W vs Sri Lanka W CWC : पहिल्या जेतेपदासाठी भारतीय संघाच्या प्रवासाला होणार सुरुवात! मानधनाचे लक्ष या विक्रमावर असणार

नेपाळने टी२० मालिकेत वेस्ट इंडिजचा केला पराभव

नेपाळने प्रथम फलंदाजी करताना ६ गडी गमावून १७३ धावा केल्या. आसिफ शेखने ४७ चेंडूत ६८ धावा केल्या आणि संदीप जोराने ३९ चेंडूत ६३ धावा केल्या. वेस्ट इंडिजने यापूर्वी मोठ्या लक्ष्यांचा यशस्वीपणे पाठलाग केला आहे आणि नेपाळला पराभूत करण्यासाठी सज्ज दिसत होते. तथापि, वेस्ट इंडिजचे खेळाडू मोहम्मद आदिल आलम आणि कुशल भुर्तेल यांच्या जाळ्यात अडकले. आलमने ४ विकेट घेतल्या आणि कुशलने ३ विकेट घेतल्या. वेस्ट इंडिज १७.१ षटकात ८३ धावांवर ऑलआउट झाला, तर नेपाळने ९० धावांच्या मोठ्या फरकाने विजय मिळवला. यासह, त्यांनी मालिकेत २-० अशी आघाडी घेतली.

नेपाळ आणि वेस्ट इंडिज यांच्यातील मालिकेतील पहिला सामना २७ सप्टेंबर २०२५ रोजी झाला. या सामन्यात नेपाळने ८ गडी गमावून १४८ धावा केल्या. वेस्ट इंडिजसमोर १४९ धावांचे लक्ष्य होते, जे ते सहजपणे गाठू शकले असते, परंतु त्यांना २० षटकांत फक्त १२९ धावा करता आल्या. यामुळे नेपाळचा वेस्ट इंडिजवर पराभव झाला.

See more

History Created! Nepal seals the T20I series against West Indies with all-round brilliance. A moment etched forever in our cricketing journey!#NepVsWI | #JittaiJanakpur | #HistoricSeriesWin pic.twitter.com/yZusRAX8bZ — Janakpur Bolts (@boltsjanakpur) September 29, 2025

वेस्ट इंडिज विरुद्ध नेपाळ सामना कधी होईल?

तीन सामन्यांच्या टी-२० मालिकेत नेपाळने २-० अशी आघाडी घेतली आहे, पण अजूनही एक सामना शिल्लक आहे. वेस्ट इंडिजविरुद्धचा त्यांचा तिसरा आणि शेवटचा सामना आज, ३० सप्टेंबर २०२५ रोजी खेळला जाईल. हा सामना शारजाह क्रिकेट स्टेडियमवर होणार आहे. नेपाळ वेस्ट इंडिजला ३-० असा विजय मिळवून व्हाईटवॉश करण्याचा प्रयत्न करेल, तर दोन वेळा टी-२० विश्वचषक जिंकणारा संघ त्यांचा पुढचा सामना जिंकून आपला सन्मान वाचवण्याचा प्रयत्न करेल.