NZ vs WI : न्यूझीलंड दौऱ्यासाठी वेस्ट विंडीज कसोटी संघाची घोषणा! ‘या’ खेळाडूचे पुनरागमन

वेस्ट इंडिज संघ डिसेंबरमध्ये न्यूझीलंडविरुद्ध तीन सामन्यांची कसोटी मालिका खेळणार आहे. या तीन कसोटी सामन्यांच्या मालिकेसाठी वेस्ट इंडिज संघाने १५ सदस्यीय संघ जाहीर केला आहे.

•  न्यूझीलंडविरुद्धच्या तीन कसोटी सामन्यांसाठी वेस्ट इंडिजचा कसोटी संघ जाहीर 
• अनुभवी वेगवान गोलंदाज केमार रोचचे पुनरागमन 
• वेगवान गोलंदाज ओजाई शिल्ड्ला प्रथमच कसोटी संघात स्थान

West Windies announce Test squad for New Zealand tour : वेस्ट इंडिज आणि न्यूझीलंड यांच्यात डिसेंबरमध्ये तीन सामन्यांची कसोटी मालिका खेळवली जाणार आहे. न्यूझीलंडविरुद्धच्या या तीन कसोटी सामन्यांच्या मालिकेसाठी वेस्ट इंडिज संघाने १५ सदस्यीय संघ घोषित केला आहे. अनुभवी वेगवान गोलंदाज केमार रोचचे पुनरागमन झाले आहे. रोचने शेवटचा कसोटी सामना जानेवारीत पाकिस्तानविरुद्ध मुलतान येथे खेळला होता. संघातील तुलनेने अनुभवी वेगवान विभागाला त्याच्या उपस्थितीमुळे मोठे बळ मिळणार आहे.

हेही वाचा : Ashes series 2025: पर्थवर Travis Head च्या वादळात ‘साहेब’ उद्ध्वस्त! ऑस्ट्रेलियाकडून इंग्लंडचा 8 विकेट्सने धुव्वा

संघाचे प्रमुख वेगवान गोलंदाज शमार जोसेफ आणि अल्झारी जोसेफ हे दुखापतींमुळे मालिकेत सहभागी होऊ शकत नाहीत. त्यामुळे ८५ कसोटींचा अनुभव असलेला रोच हा आक्रमणाचा नेतृत्वकर्ता असेल. दरम्यान, २९ वर्षीय वेगवान गोलंदाज ओजाई शिल्ड्ला प्रथमच कसोटी संघात स्थान देण्यात आले आहे. शिल्ड्ने अलीकडेच अँटिग्वा येथे झालेल्या उच्च-कार्यक्षमता शिबिरात प्रभावी कामगिरी केली होती. तसेच अष्टपैलू कावेम हॉग याचीही संघात वापसी झाली असून डावखुरा फिरकीपटू खारी पियरे याला वगळण्यात आले आहे. क्रिकेट वेस्ट इंडिजचे संचालक माइल्स बास्कोम्बे यांनी न्यूझीलंडची आव्हानात्मक परिस्थिती लक्षात घेऊन शिबिराचे आयोजन केले होते.

हेही वाचा : Ashes 2025: मिचेल स्टार्कने लिहिला इतिहास! WTC मध्ये ‘हा’ कारनामा करत बनला जगातील तिसराच गोलंदाज

वेस्ट इंडिजचा संघ २० नोव्हेंबरला न्यूझीलंडमध्ये दाखल होईल आणि स्थानिक एकादशविरुद्ध दोन दिवसांचा सराव सामना खेळेल. ही मालिका चालू डब्ल्यूटीसी चक्राचा भाग असून वेस्ट इंडिज पाचही सामने गमावल्यामुळे तळाशी आहे. न्यूझीलंड या मालिकेद्वारे आपली डब्ल्यूटी मोहिम सुरू करणार आहे.

न्यूझीलंड दौऱ्यासाठी वेस्ट इंडिजचा कसोटी संघ खालीलप्रमाणे

रोस्टन चेस (कर्णधार), जोमेल वॉरिकन (उपकर्णधार), अॅलिक अथानासे, जॉन कॅम्पबेल, तेजानरिन चांदीपॉल, जस्टिन ग्रेव्हज, कावेम हॉग, शाई होप, तावेन इमलाच, ब्रँडन किंग, जोहान लिन, अँडरसन फिलिप, केमार रोच, जेडेन सील्स, ओजाई शिल्ड्

अ‍ॅशेस मालिकेतील पहिल्या सामन्यात ऑस्ट्रेलियाचा दमदमार विजय

ऑस्ट्रेलिया आणि इंग्लंड यांच्यात अ‍ॅशेस मालिका खेळवली जात आहे.  या मालिकेतील पहिला सामाना पर्थमधील ऑप्टस स्टेडियमवर खेळवण्यात आला. या सामन्यात ट्रॅव्हिस हेडच्या शतकाने ऑस्ट्रेलियाने इंग्लंडवर ८ विकेट्सने विजय मिळवला. इंग्लंडने ऑस्ट्रेलियासमोर विजयासाठी २०४ धावांचे लक्ष्य ठेवले होते. मिचेल स्टार्कचे १० विकेट्स आणि ट्रॅव्हिस हेडचं विक्रमी शतक व लबुशेनचं अर्धशतकाच्या जोरवार इंग्लंडवर सहज विजय मिळवला.  या विजयासह ऑस्ट्रेलियाने पाच सामन्यांच्या कसोटी मालिकेत १-० अशी आघाडी मिळवली.