Anvay Dravid KSCA Awards: वडीलांप्रमाणेच मुलाचाही जलवा! राहुल द्रविडच्या मुलाने ६ सामन्यात ४५९ धावा करत मिळवला विशेष सन्मान

प्रशिक्षकपद सोडल्यानंतर राहुल पुन्हा एकदा चर्चेत आला आहे. राहुल द्रविडचा मुलगा घरगुती क्रिकेटमध्ये एक धमाकेदार स्टार आहे, ज्यामुळे त्याला कर्नाटक राज्य क्रिकेट असोसिएशनकडून एक महत्त्वपूर्ण सन्मान मिळाला आहे.

• वडीलांप्रमाणेच मुलाचाही जलवा!
• राहुल द्रविडच्या मुलाचे ६ सामन्यात ४५९ धावा
• कर्नाटक राज्य क्रिकेट असोसिएशनकडून मिळवला विशेष सन्मान

Anvay Dravid KSCA Awards: राहुल द्रविडने (Rahul Dravid) खेळाडू आणि प्रशिक्षक या दोन्ही भूमिकांमध्ये भारतीय क्रिकेटची सेवा केली आहे. भारतीय संघाला सध्याच्या उंचीवर नेण्यात त्यांने महत्त्वाची भूमिका बजावली आहे. प्रशिक्षकपद सोडल्यानंतर राहुल पुन्हा एकदा चर्चेत आला आहे. राहुल द्रविडचा मुलगा घरगुती क्रिकेटमध्ये एक धमाकेदार स्टार आहे, ज्यामुळे त्याला कर्नाटक राज्य क्रिकेट असोसिएशनकडून एक महत्त्वपूर्ण सन्मान मिळाला आहे. राहुलचा मुलगा अन्वय द्रविड मधल्या फळीत धावा काढत आहे.

राहुल द्रविडचा मुलगा अन्वयला मिळाला एक महत्त्वपूर्ण सन्मान

कर्नाटक राज्य क्रिकेट असोसिएशनच्या वार्षिक पुरस्कार सोहळ्यात अनेक खेळाडूंना त्यांच्या घरगुती क्रिकेट कामगिरीबद्दल सन्मानित करण्यात आले. यामध्ये महान भारतीय कर्णधार राहुल द्रविडचा मुलगा अन्वय द्रविडचा समावेश आहे. अन्वयने विजय मर्चंट ट्रॉफीमध्ये त्याच्या प्रभावी कामगिरीने लक्ष वेधले. १६ वर्षांखालील विजय मर्चंट ट्रॉफीमध्ये त्याच्या उत्कृष्ट कामगिरीबद्दल त्याला सन्मानित करण्यात आले.

Arjun Tendulkar vs Samit Dravid: सचिन तेंडूलकर आणि राहूल द्रविडचे लेक लढणार एकमेकांच्या विरोधात! कोण जिंकणार?

सहा सामन्यात दोन धमाकेदार शतक

अन्वयने सहा सामन्यांमध्ये ९१.८० च्या प्रभावी सरासरीने ४५९ धावा केल्या, ज्यामध्ये दोन धमाकेदार शतके समाविष्ट आहेत. या स्पर्धेत त्याने ४६ चौकारही ठोकले. सलग दोन वर्षांपासून स्पर्धेत सर्वाधिक धावा केल्याबद्दल त्याला सन्मानित करण्यात आले आहे.

द्रविडचे दोन्ही मुले नाव कमवत आहेत

अन्वय द्रविड व्यतिरिक्त, राहुलचा मोठा मुलगा समित द्रविड देखील क्रिकेट खेळताना दिसतो. तथापि, समित आता चांगली कामगिरी करून कर्नाटक रणजी संघात स्थान मिळवण्यासाठी प्रयत्नशील आहे. पुरस्कार सोहळ्यात, कर्नाटक राज्य क्रिकेट असोसिएशनने विजय हजारे ट्रॉफीमधील कामगिरीबद्दल मयंक अग्रवाललाही सन्मानित केले. युवा स्टार रविचंद्रन स्मरणला रणजी ट्रॉफीमध्ये सर्वाधिक धावा केल्याबद्दल सन्मानित करण्यात आले. अन्वय द्रविड आता आपला फॉर्म कायम ठेवण्याचा प्रयत्न करेल जेणेकरून तो लवकरच कर्नाटक अंडर-१९ संघात स्थान मिळवू शकेल.

भारताचा ‘द वॉल’! Rahul Dravid ‘या’ गोलंदाजाविरुद्ध खेळायला घाबरायचा; आर आश्विन समोर दिली मोठी कबुली..