MI vs RCB Live Score: मुंबई इंडियन्सचा घरच्या मैदानात घात! आरसीबीने 18 धावांनी मारली बाजी; हार्दिक पांड्याची सेना पुन्हा अपयशी

मुंबई इंडियन्सने टॉस जिंकून गोलंदाजी करण्याचा निर्णय घेतला. प्रथम फलंदाजी करताना आरसीबीने 20 षटकात 4 विकेट गमावून 241 धावांचे लक्ष्य ठेवले. त्यानंतर प्रत्युत्तरात मुंबईचा संघ 20 षटकात 5 विकेट गमावून 222 धावा करु शकला. 

MI vs RCB Live Score (Photo Credit- X)

Follow Us:

Follow Us:

• मुंबई इंडियन्सचा घरच्या मैदानात घात!
• आरसीबीने 18 धावांनी मारली बाजी
• हार्दिक पांड्याची सेना पुन्हा अपयशी

Contrasting starts to the IPL for RCB and MI 🔺 🔻 pic.twitter.com/54Bv3RriOO — ESPNcricinfo (@ESPNcricinfo) April 12, 2026

प्रथम फलंदाजी करताना, बंगळुरू संघातील तीन फलंदाजांनी विराट कोहली, फिल सॉल्ट आणि रजत पाटीदार अर्धशतके झळकावली. विराटने 50 धावा केल्या, जे त्याच्या आयपीएल कारकिर्दीतील 65 वे अर्धशतक ठरले. सॉल्टने 36 चेंडूंमध्ये 78 धावा केल्या; यात 6 चौकार आणि 6 षटकारांचा समावेश होता. कर्णधार पाटीदारने 20 चेंडूंमध्ये 53 धावांचे योगदान दिले, ज्यामध्ये 4 चौकार आणि 5 षटकारांचा समावेश होता. कोहलीने 38 चेंडूंमध्ये 50 धावा केल्या, ज्यात 5 चौकार आणि 1 षटकाराचा समावेश होता. विशेष म्हणजे, एका टप्प्यावर असे वाटत होते की, बंगळुरूचा संघ 300 धावांच्या जवळपास मजल मारेल; 12.1 षटकांच्या अखेरीस संघाची धावसंख्या 150 वर पोहोचली होती. मात्र, मुंबईच्या गोलंदाजांनी अखेरच्या षटकांमध्ये दमदार कामगिरी करत, बंगळुरूच्या संघाला 250 धावांच्या आत रोखण्यात यश मिळवले. डावाच्या अंतिम टप्प्यात, टीम डेव्हिडने 16 चेंडूंमध्ये नाबाद 34 धावा केल्या, ज्यात 2 चौकार आणि 3 षटकारांचा समावेश होता.

मुंबई इंडियन्सच्या फलंदाजीबद्दल बोलायचे झाल्यास, शेरफेन रदरफोर्ड हा सर्वाधिक धावा करणारा फलंदाज ठरला; त्याने 31 चेंडूंमध्ये 71 धावा केल्या. दरम्यान, हार्दिक पांड्या 22 चेंडूंमध्ये 40 धावा काढून बाद झाला. या विजयानंतर, गुणतालिकेवर 6 गुणांसह आरसीबी संघ तिसऱ्या स्थानावर आहे.

सूरसम्राज्ञी आशा ताईंना वानखेडेवर भावपूर्ण श्रद्धांजली! MI-RCB चे खेळाडू काळी पट्टी बांधून मैदानात, डोळ्यांत अश्रू

RCB ने इतिहास रचला, स्वतःचाच विक्रम मोडला

या सामन्यात रॉयल चॅलेंजर्स बंगळुरूने 240 धावा केल्या; वानखेडे स्टेडियमवर आयपीएलमध्ये कोणत्याही संघाने नोंदवलेली ही आतापर्यंतची सर्वोच्च धावसंख्या आहे. बंगळुरूने आपलाच जुना विक्रम मोडीत काढून हा महत्त्वपूर्ण टप्पा गाठला आहे. 2015 मध्ये, बंगळुरूने याच मैदानावर 235 धावांची धावसंख्या उभारली होती वानखेडेवरील आयपीएलमधील सर्वोच्च धावसंख्या म्हणून हा विक्रम 11 वर्षे अबाधित राहिला होता मात्र आता RCB नेच तो विक्रम मोडीत काढला आहे.

दोन्ही संघाची प्लेइंग 11

रॉयल चॅलेंजर्स बेंगळुरू (प्लेइंग इलेव्हन): फिलिप सॉल्ट, विराट कोहली, देवदत्त पडिक्कल, रजत पाटीदार (कर्णधार), टिम डेव्हिड, जितेश शर्मा (विकेटकीपर), रोमॅरियो शेफर्ड, कृणाल पंड्या, भुवनेश्वर कुमार, जेकब डफी, सुयश शर्मा

मुंबई इंडियन्स (प्लेइंग इलेव्हन): रोहित शर्मा, रायन रिकेल्टन (विकेटकीपर), सूर्यकुमार यादव, तिलक वर्मा, हार्दिक पांड्या (कर्णधार), नमन धीर, मिचेल सँटनर, शार्दुल ठाकूर, ट्रेंट बोल्ट, मयंक मार्कंडे, जसप्रीत बुमराह

LSG vs GT Live Score: बटलरचा तडाखा आणि गीलची फटकेबाजी! लखनौचा घरच्या मैदानात ‘खेळ खल्लास’; गुजरात टायटन्सचा शानदार विजय

Web Title: Rcb wins against mi ipl 2026 match result mumbai indians defeated by 18 runs

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com