सलग तीन Asian Games मध्ये पदकांची हॅट्ट्रिक! रोशिबिना देवीचा ऐतिहासिक पराक्रम; वुशूमध्ये भारताला रौप्य

Roshibina devi won silver in wushu Asian Games: रोशिबिना देवीने आशियाई क्रीडा २०२६ च्या स्पर्धेत महिलांच्या ६० किलो सांडा प्रकारात रौप्य पदक जिंकले. सलग तिसऱ्या आशियाई क्रीडा स्पर्धेत पदक जिंकून इतिहास रचला आणि असे करणारी ती पहिली भारतीय महिला वुशू खेळाडू ठरली.

• सुवर्णपदक थोडक्यात हुकलं
• रोशिबिना देवीची सिल्व्हर कमाल
• सलग तिसऱ्यांदा पदक

भारतीय वुशू खेळाडू रोशिबिना देवी नोरमने (Roshibina Devi) आशियाई क्रीडा २०२६ च्या स्पर्धेत ( Asian Games 2026 महिलांच्या ६० किलो सांडा प्रकारात रौप्य पदक जिंकले. गुरुवारी (दि. २४) झालेल्या अंतिम सामन्यात ती चीनच्या झांग शियाओयूकडून २-० ने पराभूत झाली. झांगने दोन्ही फेऱ्या ५-० ने जिंकून १०-० अशा फरकाने सुवर्णपदक पटकावले. पराभव होऊनही, रोशिबिनाने सलग तिसरे आशियाई क्रीडा स्पर्धेतील पदक जिंकण्याचा पराक्रम केला आहे. आशियाई क्रीडा स्पर्धांमध्ये वुशूमध्ये सलग तीन पदके जिंकणारी ती पहिली भारतीय महिला ठरली आहे.

IPL 2027 च्या ऑक्शनची तयारी सुरू! तीन वर्षांनंतर भारतात होणार लिलाव; BCCI ने ठरवलं ठिकाण

रोशिबिना देवीने जिंकले रौप्यपदक

अंतिम सामन्यात रोशिबिना आणि झांग शियाओयू यांच्यात खेळला गेला. हा सामना थरारक होईल अशी अपेक्षा होती. परंतु, चिनी खेळाडूने सुरुवातीपासूनच आघाडी कायम ठेवली. झांगने पहिल्या फेरीत ५-० अशी आघाडी घेतली. तिने दुसऱ्या फेरीतही तीच कामगिरी कायम ठेवली. त्यामुळे, रोशिबिना ०-२ ने पारभव पत्कारावा लागला. झांगने एकूण १०-० गुणांसह सुवर्णपदकावर आफले नाव कोरले. तर,रोशिबिनाला रौप्यपदकावर समाधान मानावे लागले.

तीन आशियाई स्पर्धेत सलग तीन पदक

नोरम रोशिबिना देवीने २०२६ च्या आशियाई क्रीडा स्पर्धेत रौप्य पदक जिंकून एक अनोखी हॅट-ट्रिक साधली आहे. रोशिबिनाने जकार्ता-पालेमबांग येथे झालेल्या २०१८ च्या आशियाई क्रीडा स्पर्धेत सांडा ६० किलो गटात कांस्य पदक जिंकले होते. त्यानंतर तिने २०२२ च्या आशियाई क्रीडा स्पर्धेत रौप्य पदक जिंकले आणि आता तिने २०२६ च्या आशियाई क्रीडा स्पर्धेतही रौप्य पदक पटकावले आहे.

Another #AsianGames medal for Roshibina Devi! 🥈🇮🇳 The Indian wushu star takes silver in the women’s Sanda 60kg event at #AichiNagoya2026 to win silver at her third consecutive Asian Games. 2018🥉
2022🥈
2026🥈 pic.twitter.com/q4dPg5q41D — Olympic Khel ™ (@OlympicKhel) September 24, 2026

रोशिबिनाची चमकदार कामगिरी

मणिपूरच्या या वुशू खेळाडूने २०१७ मध्ये आशियाई ज्युनियर चॅम्पियनशिपमध्ये सुवर्णपदक जिंकले. त्यानंतर तिने २०१९ मध्ये दक्षिण आशियाई खेळांमध्ये सुवर्णपदक पटकावले. तिने जागतिक वुशू चॅम्पियनशिपमध्येही भारताला गौरव मिळवून दिला आहे. इतकेच नाही, तर आशियाई खेळांमध्येही तिची कामगिरी प्रभावी आहे. या कामगिरीमुळे, रोशिबिना देवीला भारतातील क्रीडा क्षेत्रातील दुसरा सर्वोच्च सन्मान असलेल्या अर्जुन पुरस्काराने गौरविण्यात आले आहे. इतकेच नाही, तर २०२३ मध्ये, आयडब्ल्यूयूएफ (IWUF) द्वारे तिला ‘वर्षातील सर्वोत्कृष्ट महिला खेळाडू’ म्हणून घोषित करण्यात आले.

IND vs WI ODI Series: ‘रो-को’ची जोडी पुन्हा मैदानात! Virat-Rohit वेस्ट इंडिजविरुद्धच्या मालिकेसाठी सज्ज; पहिला सामना कधी-कुठे?