फोटो सौजन्य - सोशल मिडिया
बांगलादेशचा क्रिकेट दिग्गज शाकिब अल हसनने टी-२० क्रिकेटमध्ये ऐतिहासिक कामगिरी केली आहे. कॅरिबियन प्रीमियर लीग २०२५ च्या ११ व्या सामन्यात सेंट किट्स अँड नेव्हिस पॅट्रियट्स विरुद्ध अँटिग्वा अँड बारबुडा फाल्कन्सकडून खेळताना त्याने ३ विकेट घेतल्या. त्याने मोहम्मद रिझवान, काइल मेयर्स आणि नवीन बिदेसी यांचे बळी फक्त ११ धावांत घेतले. या विकेट्ससोबतच त्याने एक विश्वविक्रमही आपल्या नावावर केला.
T20 मध्ये ५०० विकेट्स आणि ७००० पेक्षा जास्त धावा करणारा शाकिब अल हसन जगातील पहिला खेळाडू ठरला आहे. शाकिब अल हसनने सेंट किट्स आणि नेव्हिस पॅट्रियट्स विरुद्ध ३ विकेट्स घेत त्याच्या टी२० मध्ये एकूण ५०२ विकेट्स नोंदवल्या आहेत. रिझवानला आपला बळी बनवताच त्याने आपला ५०० वा टी२० विकेट पूर्ण केला. तो बांगलादेशचा पहिला गोलंदाज आणि ५०० टी२० विकेट्स घेणारा जगातील पाचवा गोलंदाज बनला आहे.
राशिद खान (अफगाणिस्तान) – ६६०
ड्वेन ब्राव्हो (वेस्ट इंडिज) – ६३१
सुनील नरेन (वेस्ट इंडिज) – ५९०
इम्रान ताहिर (दक्षिण आफ्रिका) – ५५४
शकीब अल हसन (बांगलादेश)- ५०२
यासह, शकिब अल हसन टी-२० क्रिकेटमध्ये ५०० पेक्षा जास्त विकेट्स घेणारा आणि ७००० पेक्षा जास्त धावा करणारा जगातील पहिला गोलंदाज बनला. त्याने ४५७ टी-२० सामन्यांमध्ये ७५७४ धावा केल्या आहेत, ज्यामध्ये ३३ अर्धशतके त्याच्या बॅटमधून आली आहेत.
प्रथम फलंदाजी करताना सेंट किट्स अँड नेव्हिस पॅट्रियट्स संघाने निर्धारित २० षटकांत १३३ धावा केल्या. प्रत्युत्तरात १३४ धावांच्या लक्ष्याचा पाठलाग करताना अँटिग्वा अँड बारबुडा फाल्कन्स संघाने केवळ १९.४ षटकांत ७ गडी गमावून सामना जिंकला. संघाकडून सलामीवीर ज्वेल अँड्र्यूने २८ चेंडूत २८ धावा केल्या.
करिमा गोरने नाबाद ५२ धावा केल्या, ज्याने संघाच्या विजयात महत्त्वपूर्ण योगदान दिले. शकिब अल हसनने १८ चेंडूत २५ धावांची महत्त्वाची खेळी केली ज्यामध्ये २ षटकार आणि १ चौकार होता. या विजयासह अँटिग्वा आणि बारबुडा फाल्कन्सने पॉइंट्स टेबलमध्ये आपले अव्वल स्थान कायम ठेवले आहे. संघाने ६ पैकी ३ सामने जिंकले आहेत आणि २ सामने गमावले आहेत आणि ७ गुणांसह अव्वल स्थानावर आहे.
.png "Videos"){kind=small}
