फोटो सौजन्य – X/Youtube
टीम इंडियाचा फिरकी गोलंदाज युझवेंद्र चहल त्याच्या घटस्फोटामुळे सातत्याने चर्चेत असतो. त्याची माजी पत्नी धनश्री वर्मा तिच्यासोबत त्याचे नाते सोशल मीडियावर मोठ्या प्रमाणात चर्चेत होते. धनश्री वर्मा हिने जेव्हा झलक दिखलाजा या शोमध्ये एन्ट्री केली होती तेव्हा चहल स्वतः तिला सपोर्ट करण्यासाठी आला होता. आता युझवेंद्र चहल याने यूट्यूबवरचा प्रसिद्ध पॉडकास्टर राज शमामी त्याच्या चैनलवर युझवेंद्र चहल याची मुलाखत आली आहे आणि त्याने यामध्ये उघडपणे त्याच्या घटस्फोटाबद्दल स्पष्ट सांगितले आहे. त्याचा घटस्फोट कोणत्या कारणामुळे अनेक त्याच्या कोणत्या चुकांमुळे झाला यासंदर्भात देखील त्याने खुलासा केला आहे.
युजवेंद्र चहल यांने सांगितले की, अंतिम निर्णय होईपर्यंत दोघांनीही ही गोष्ट सार्वजनिक केली नाही. त्यांना सोशल मीडियावर अपूर्ण आणि खोट्या गोष्टी पसरवायच्या नव्हत्या. तो म्हणाला, “आम्ही दोघांनीही यावर एकमत केले की जोपर्यंत आम्हाला पूर्ण खात्री होत नाही तोपर्यंत आम्ही ते सार्वजनिक करणार नाही.”
धनश्री वर्मासोबतच्या घटस्फोटावर युजवेंद्र चहलने पहिल्यांदाच सोडले मौन, ‘मी आयुष्यात कधीही फसवणूक…’
जेव्हा त्याला विचारण्यात आले की सोशल मीडियावर ‘परिपूर्ण लग्नाचे चित्र’ दाखवण्यामागील कारण कदाचित गोष्टी व्यवस्थित करण्यासाठी होते का, तेव्हा चहलने ते प्रामाणिकपणे स्वीकारले आणि म्हणाला, “हो, कुठेतरी खोलवर एक आशा होती की कदाचित सर्व काही ठीक होईल. म्हणूनच आम्ही ढोंग करत राहिलो.”
चहल म्हणाले की, लग्न ही एक तडजोड आहे आणि जेव्हा दोन लोक एकत्र वेळ घालवू शकत नाहीत तेव्हा अंतर वाढणे निश्चित आहे. तो म्हणाला की आम्ही दोघेही आमच्या कामात व्यस्त होतो आणि हळूहळू आमचे संभाषण आणि एकत्र घालवलेला वेळ कमी होऊ लागला. जेव्हा मी घटस्फोटाच्या या टप्प्यातून जात होतो तेव्हा लोकांनी मला फसवणूक करणारा देखील म्हटले नाही. पण मी कधीही कोणाचीही फसवणूक केली नाही. माझ्यापेक्षा जास्त निष्ठावंत व्यक्ती तुम्हाला सापडणार नाही.
तो म्हणाला, “एखाद्यासोबत दिसल्यामुळे लोक संगत करू लागतात, अफवा पसरवल्या जातात, फक्त पाहण्यासाठी. माझ्या घरी दोन बहिणी आहेत, मला महिलांचा आदर कसा करायचा हे माहित आहे.” घटस्फोटाच्या प्रक्रियेदरम्यान त्याचे मानसिक आरोग्य खूपच बिघडले होते, असेही चहलने उघड केले. तो महिनाभर फक्त दोन तास झोपू शकत होता. त्याला आत्महत्येचे विचार येऊ लागले. त्याने या गोष्टी त्याच्या मित्रांसोबत शेअर केल्या. मैदानावरही लक्ष केंद्रित करू शकत नसल्याने त्याला क्रिकेटमधून ब्रेक घ्यावा लागला.
.png "Videos"){kind=small}
