आता आत्महत्या रोखायला मदत करणार स्पेशल App, विद्यार्थ्यांच्या मानसिक आरोग्यासाठी ठरणार बेस्ट!

एम्स दिल्लीने विद्यार्थ्यांचे मानसिक आरोग्य सुधारण्यासाठी 'Never Alone' हे AI आधारित App लाँच केले आहे. यामुळे नक्की काय बदल घडणार आणि आत्महत्या कशा थांबू शकतील जाणून घ्या

• आत्महत्या थांबविण्यासाठी अ‍ॅप
• मानसिक आरोग्याचा अधिक विचार 
• कशा प्रकारे होणार वापर 

आत्महत्यांच्या वाढत्या घटनांवरून हे स्पष्ट होते की लोक त्यांच्या मानसिक आरोग्याची योग्य काळजी घेऊ शकत नाहीत. विशेषतः विद्यार्थ्यांमध्ये आत्महत्यांचे वाढते प्रमाण खरोखरच चिंतेचा विषय आहे. गेल्या काही वर्षात आत्महत्या करण्याचे प्रमाण सर्वच स्तरावर वाढले आहे आणि समाजात हे प्रमाण कमी करणे अत्यंत गरजेचे आहे. मानसिक आजाराने सध्या अनेक जण त्रस्त आहेत. मात्र त्यावर मात करण्याचे प्रमाण कमी आहे. 

जागतिक आत्महत्या प्रतिबंध दिनानिमित्त, दिल्लीतील एम्सने ‘नेव्हर अलोन’ नावाचा कृत्रिम बुद्धिमत्तेवर आधारित मानसिक आरोग्य आणि कल्याण कार्यक्रम सुरू केला आहे. याशिवाय विद्यार्थ्यांनी App सुरू केले असून याचा विद्यार्थ्यांना अधिक प्रमाणात फायदा होईल असंही सांगितले आहे. या App विषयी अधिक माहिती घेऊया 

हे अ‍ॅप कसे डिझाइन केले गेले?

तुमच्या माहितीसाठी की, हे अ‍ॅप महाविद्यालयीन आणि विद्यापीठातील विद्यार्थ्यांमधील आत्महत्येच्या प्रवृत्ती तसेच मानसिक आरोग्य समस्या कमी करण्यासाठी डिझाइन केले आहे. एम्स दिल्लीच्या मानसोपचार विभागाचे प्राध्यापक डॉ. नंद कुमार म्हणाले की हे अ‍ॅप स्क्रीनिंग, हस्तक्षेप आणि हस्तक्षेपानंतरच्या फॉलो-अपवर लक्ष केंद्रित करते. याचा उद्देश आत्महत्यांचे प्रमाण कमी करणे आणि मानसिक आरोग्याकडे अधिक लक्ष देणे आहे. 

Xiaomi चा सर्वात पॉवरफुल प्रोसेसरचा 5G फोन, 7000mAh बॅटरी आणि 50MP कॅमेरासह चाहत्यांसाठी धमाका!

२४x७ मदत उपलब्ध

नेव्हर अलोन हे वेब-आधारित, अत्यंत सुरक्षित अ‍ॅप आहे. तुमच्या माहितीसाठी, आम्ही तुम्हाला सांगतो की हे अ‍ॅप व्हॉट्सअ‍ॅपद्वारे २४x७ उपलब्ध आहे. विद्यार्थी या प्लॅटफॉर्मद्वारे मानसिक आरोग्य आणि निरोगीपणाशी संबंधित सल्लामसलत मिळवू शकतात. सल्लामसलतीसाठी व्हर्च्युअल आणि ऑफलाइन दोन्ही सुविधा उपलब्ध आहेत. हा कार्यक्रम शाहदरा येथील एम्स-भुवनेश्वर आणि IHBAS येथे देखील सुरू करण्यात आला आहे.

पॉकेट फ्रेंडली अ‍ॅप

डॉ. कुमार म्हणाले की या अ‍ॅपद्वारे प्रदान केलेली मूलभूत मानसिक आरोग्य तपासणी वैयक्तिकृत आणि सुरक्षित आहे. हे मॉडेल इतके किफायतशीर आहे की त्याची किंमत प्रति विद्यार्थी प्रति दिवस फक्त ७० पैसे आहे. या मॉडेलचा लाभ घेण्यासाठी, एम्स-दिल्लीशी संपर्क साधावा लागेल आणि या कार्यक्रमाचे सदस्यत्व घ्यावे लागेल. देशभरातील सर्व एम्स संस्थांना ही सेवा मोफत मिळेल. या अ‍ॅपच्या मदतीने विद्यार्थ्यांचे मानसिक आरोग्य सुधारून मानसिक आरोग्याशी संबंधित आजारांचा धोका कमी करता येईल.

iPhone 17 सोडा! स्वस्त मिळतोय Samsung चा क्लासी 5G फ्लिप फोन, बाजारात वेगळीच खेळी

आत्महत्या मोठी समस्या 

आत्महत्या ही एक मोठी सार्वजनिक आरोग्य समस्या आहे. जागतिक आरोग्य संघटनेच्या मते, दर ४५ सेकंदाला आत्महत्या एकाचा बळी घेते. यापैकी सुमारे ७३ टक्के आत्महत्या कमी आणि मध्यम उत्पन्न असलेल्या देशांमध्ये झाल्या आहेत. एनसीआरबीच्या आकडेवारीनुसार २०२२ मध्ये १,७०,९२४ लोकांचा आत्महत्याने मृत्यू झाला, जो ५६ वर्षांहून अधिक काळातील सर्वाधिक आहे.

डॉ. कुमार यांनी अधोरेखित केले की, दुर्दैवाने, भारतासह जगभरातील सार्वजनिक आरोग्यासाठी विद्यार्थ्यांची आत्महत्या ही एक महत्त्वाची चिंता आहे. २०२२ मध्ये, १८ ते ३० वर्षे वयोगटातील तरुण प्रौढांनी सर्व आत्महत्यांमध्ये ३५ टक्के वाटा उचलला, जो सर्वात मोठा वाटा होता. त्यानंतर ३० ते ४५ वर्षे वयोगटातील लोकांचा समावेश होता, जे सर्व आत्महत्यांपैकी ३२ टक्के होते, असे ते म्हणाले.