Asus चे दोन नवीन गेमिंग स्मार्टफोन लाँच, फास्ट चार्जिंग सपोर्टसह मिळणार पावरफुल फीचर्स
स्मार्टफोन कंपनी आणि तैवानचा स्मार्टफोन ब्रँड Asus ने दोन नवीन गेमिंग स्मार्टफोन लाँच केले आहेत. Asus ROG Phone 9 Pro आणि ROG Phone 9 हे दोन्ही स्मार्टफोन मंगळवारी लाँच करण्यात आले आहेत. नवीन ROG फोन लाइनअपमध्ये स्नॅपड्रॅगन 8 एलिट प्रोसेसर 24GB पर्यंत रॅम आणि 1TB पर्यंत स्टोरेज देण्यात आलं आहे.
टेकसंबंधित बातम्या वाचण्यासाठी इथे क्लिक करा
नवीन Asus ROG Phone 9 सिरीजमध्ये IP68 रेटेड बिल्ड आणि AMOLED डिस्प्ले आहे. स्मार्टफोन ट्रिपल कॅमेरा सेटअपसह लाँच करण्यात आला आहे. फोन प्रायमरी कॅमेरा 50-मेगापिक्सेल सोनी लिटिया 700 सेन्सरसह लाँच करण्यात आला आहे. (फोटो सौजन्य – X)
Asus ROG Phone 9 Pro स्मार्टफोनचा 16GB + 512GB स्टोरेज व्हेरिएंट EUR 1,200 म्हणजेच अंदाजे 1,00,000 रुपयांच्या किंमतीत लाँच करण्यात आला आहे. तर Asus Phone 9 स्मार्टफोनचा 12GB + 256GB स्टोरेज व्हेरिएंट EUR 1,099 म्हणजेच अंदाजे 98,000 रुपयांना लाँच करण्यात आला आहे. Asus ROG Phone 9 Pro Edition स्मार्टफोनचा 24GB + 1TB स्टोरेज व्हेरिएंट EUR 1,500 म्हणजेच अंदाजे 1,33,000 रुपयांच्या किंमतीत लाँच करण्यात आला आहे.
Asus ROG Phone 9 स्मार्टफोन फँटम ब्लॅक आणि स्टॉर्म व्हाइट फिनिश रंगात उपलब्ध आहे. तर Asus ROG Phone 9 Pro Edition आणि ROG Phone 9 Pro केवळ स्टॉर्म व्हाइट फिनिश रंगात उपलब्ध आहे.
Asus ROG Phone 9 Pro आणि ROG Phone 9 हे दोन्ही स्मार्टफोन हँडसेट Android 15-आधारित ROG UI चालवतात. स्मार्टफोनमध्ये 165Hz रिफ्रेश रेटसह 6.78-इंच फुल-HD+ (1,080×2,400 पिक्सेल) Samsung AMOLED LTPO डिस्प्ले देण्याात आला आहे. डिस्प्लेची कमाल ब्राइटनेस 2,500nits पर्यंत आहे. त्याला स्क्रीन कॉर्निंग गोरिल्ला ग्लास व्हिक्टस 2 संरक्षण देण्यात आलं आहे.
दोन्ही स्मार्टफोन स्नॅपड्रॅगन 8 एलिट चिपने सुसज्ज आहेत.
Asus ROG Phone 9 Pro Edition मध्ये 24GB LPDDR5X रॅम आणि 1TB UFS4.0 स्टोरेज आहे. तर नियमित मॉडेल आणि ROG 9 Pro मध्ये जास्तीत जास्त 16GB रॅम आणि 512GB पर्यंत स्टोरेज आहे. या फोनमध्ये थर्मल मॅनेजमेंटसाठी कंपनीची इन-हाऊस ROG GameCool 9 कूलिंग सिस्टम देखील आहे.
स्मार्टफोनसंबंधित बातम्या वाचण्यासाठी इथे क्लिक करा
Asus ROG Phone 9 हँडसेटमध्ये ट्रिपल रिअर कॅमेरा सेटअप देण्यात आला आहे, ज्यामध्ये f1/9 अपर्चरसह 50-मेगापिक्सेल Sony Lytia 700 1/1.56-इंच सेन्सर आणि 13-मेगापिक्सेलचा अल्ट्रा वाइड-अँगल कॅमेरा आहे. त्याचप्रमाणे, ROG Phone 9 Pro मध्ये OIS आणि 3x ऑप्टिकल झूम असलेला 32-मेगापिक्सेल सेन्सर आहे. ROG Phone 9 आणि ROG Phone 9 Pro या दोन्हींमध्ये सेल्फीसाठी समोर 32-मेगापिक्सेलचा RGBW कॅमेरा आहे. कॅमेरा युनिट AI ऑब्जेक्ट सेन्स, AI हायपरक्लॅरिटी आणि AI हायपरक्लॅरिटीसह अनेक AI वैशिष्ट्यांना समर्थन देते.
Asus ROG Phone 9 आणि ROG Phone 9 Pro मध्ये 5,800mAh बॅटरी देण्यात आली आहे, जी 65W वायर्ड चार्जिंग सपोर्ट आणि 15W वायरलेस चार्जिंग सपोर्ट आहे. कंपनीच्या म्हणण्यानुसार, या फास्ट चार्जिंग टेक्नोलॉजीच्या माध्यमातून फोन फक्त 46 मिनिटांत 0 ते 100 टक्के चार्ज होऊ शकतो. दोन्ही फोनमध्ये धूळ आणि पाण्याच्या प्रतिकारासाठी IP68-रेटींग आहे.
.png "Videos"){kind=small}
