मुंबई : भारती एअरटेल आणि पर्प्लेक्सीटी भागीदारी करून आपल्या सर्व 360 मिलियन ग्राहकांना 12 महिन्यांचे पर्प्लेक्सीटी प्रो सब्सक्रिप्शन मोफत देणार असल्याचं समोर आलं आहे. परप्लेक्सिटी हे एआय टूल आहे जे विद्यार्थीना स्वयं-शिक्षणासाठी, काम करणाऱ्या व्यवसायिकांसाठी किंवा घर चालविण्यासाठी असो, पर्प्लेक्सीटी प्रो वापरून वापरकर्त्यांना माहिती शोधण्याचा, शिकण्याचा आणि अधिक स्मार्ट करण्याचा एक सोपा मार्ग उपलब्ध होत आहे.” वापरकर्त्यांना संभाषणात्मक भाषेत रिअल-टाइम, अचूक आणि सखोल संशोधन करण्यासाठी मदत करते. हे ग्राहकांना वेब पेजच्या सूचीपासून वाचण्यास सोप्या उत्तर शोधण्यापर्यंत मदत करते.
एअरटेल प्रोचे सब्सक्रिप्शन, ज्याची किंमत रु. 17000 आहे. आता एअरटेलच्या सर्व ग्राहकांना (मोबाइल, वाय-फाय आणि डीटीएच) एका वर्षासाठी मोफत उपलब्ध आहे. हे एका भारतीय टेलिकॉम कंपनीसोबत पर्प्लेक्सीटीची ही पहिलीच भागीदारी चिन्हांकित करत आहे. एअरटेल थँक्स ॲपवर लॉगिन करून सर्व एअरटेल वापरकर्त्यांना या ऑफरचा लाभ उचलता येईल.
या भागीदारीबाबत टिप्पणी करताना गोपाल विठ्ठल, उपाध्यक्ष आणि व्यवस्थापकीय संचालक, भारती एअरटेल म्हणाले की, “एअरटेलच्या ग्राहकांसाठी स्वतःची अत्याधुनिक एआय क्षमता सादर करणाऱ्या पर्प्लेक्सीटी सोबत दृश्य पालटणारी ही भागीदारी आम्ही आनंदाने जाहीर करत आहोत. लाखो वापरकर्त्यांना शक्तिशाली आणि वास्तविक काळातील ज्ञानाचे साधन, या सहयोगामुळे चुटकीसरशी उपलब्ध करून दिले जाणार आहे आणि त्यासाठी कोणताही अतिरिक्त खर्च करावा लागणार नाही. आमच्या ग्राहकांना आत्मविश्वासाने आणि सहज रूपाने डिजिटल जगातील उदयास येणाऱ्या कल मध्ये मार्गदर्शन करण्यात मदत करण्यावर भारतातील अशा प्रकारच्या या पहिल्या जेन-एआय भागीदारीचा भर असणार आहे.”
अरविंद श्रीनिवास, सहसंस्थापक, सीईओ – पर्प्लेक्सीटी म्हणाले, “विद्यार्थी असो, काम करणारा व्यावसायिक असो, किंवा घर चालविणे असो, ही भागीदारी अचूक, विश्वासू आणि व्यावसायिक दर्जाचे एआय भारतातील अधिकाधिक लोकांपर्यंत पोहोचविण्याचा एक चित्तवेधक मार्ग आहे. पर्प्लेक्सीटी प्रो वापरून वापरकर्त्यांना माहिती शोधण्याचा, शिकण्याचा आणि अधिक करण्याचा एक स्मार्ट, सोपा मार्ग उपलब्ध होत आहे.” ग्राहक लाभ हे 1 वर्षासाठी वैध असलेल्या पर्प्लेक्सीटी प्रो एआय च्या चालू सबस्क्रिप्शनवर आधारित आहे. मात्र यासाठी काही अटी व नियम लागू आहेत. यासाठी तुम्ही एअरटेलच्या अधिकृत संकेतस्थळाला भेट देऊ शकता.
.png "Videos"){kind=small}
