Google वर दबाव वाढला, जगातील सर्वात लोकप्रिय ब्राउझर Chrome विकला जाणार?

यूएस डिपार्टमेंट ऑफ जस्टिस गुगलवर कारवाई करू शकते. यांनतर गुगल क्रोम विकण्यासाठी ऑर्डर दिली जाऊ शकते. या निर्णयामुळे सर्च इंजिन मार्केट बदलेल. गुगलवर नक्की कोणते आरोप लागवण्यात आले आहेत ते जाणून घ्या.

गुगल ही जगभरातील एक सर्वात मोठी टेक कंपनी आहे. त्यातही गुगलने विकसित केलेला गुगल क्रोम ब्राउझर सर्वधिक वापरल्या जाणाऱ्या ब्राउझरपैकी एक आहे. अशात गुगल क्रोम बाबतची एक महत्त्वपूर्ण बातमी समोर येत आहे. तुम्ही आपल्या रोजच्या जीवनात गुगल क्रोमचा वापर करत असाल तर आजची हि बातमी तुमच्यासाठी महत्त्वाची ठरू शकते. यानुसार आता गुगलला मोठा झटका सहन करावा लागू शकतो.

खरं तर, गुगल क्रोम इंटरनेट ब्राउझर जतन करण्यासाठी यूएस डिपार्टमेंट ऑफ जस्टिस म्हणजेच DOJ द्वारे दबाव निर्माण केला जाऊ शकतो. या प्रकरणी न्यायालय आपला निकाल देऊ शकते. ब्लूमबर्गच्या अहवालानुसार, गुगल सर्चवर चुकीच्या रीतीने मार्केट काबीज केल्याचा आरोप करण्यात आला आहे. तसेच, आर्टिफिशियल इंटेलिजन्स
म्हणजेच AI आणि अँड्रॉइड ऑपरेटिंग सिस्टिमला रेग्युलेट करण्याचा निर्णय दिला जाऊ शकतो.

टेक संबंधित बातम्या वाचण्यास इथे क्लिक करा

गुगलला क्रोम ब्राउझरचा मोठा फायदा

गुगल क्रोमच्या विरोधात कोर्टाचा निर्णय कंपनीला महागात पडू शकतो, कारण गुगलच्या कमाईत क्रोम ब्राउझरचा मोठा वाटा आहे. गुगल क्रोमसाठी (Google Chrome) उत्पन्नाचा मुख्य स्त्रोत जाहिराती आहे. गुगल क्रोम लॅपटॉपसह अँड्रॉइड ऑपरेटिंग सिस्टीमवर आधारित स्मार्टफोनमध्ये प्रदान करण्यात आला आहे. तसेच, iOS आधारित iPhone मध्ये देखील गुगल क्रोम बाय डीफॉल्ट दिले जाते. मात्र, यावरूनही सध्या वाद सुरू आहेत.

काय आहे गुगल क्रोम ब्राउझर?

अहवालांवर विश्वास ठेवला तर, न्यायालय गुगल क्रोम विकण्याचा निर्णय देऊ शकते. आम्ही तुम्हाला सांगतो की गुगल क्रोम एक लोकप्रिय सर्च इंजिन प्लॅटफॉर्म आहे. हे एक विनामूल्य वेब ब्राउझर आहे. गुगलने गुगल क्रोम विकसित केले आहे. हे 2008 मध्ये मायक्रोसॉफ्ट विंडोजसाठी प्रसिद्ध झाले. गुगल क्रोम हे एक ओपन सोर्स क्रोमियम वेब ब्राउझर (Open source Chromium web browser) प्रोजेक्टवर आधारित आहे.

टेक संबंधित बातम्या वाचण्यास इथे क्लिक करा

सर्च इंजिन मार्केटमध्ये होणार मोठे बदल

जर यूएस डिपार्टमेंट ऑफ जस्टिसचे न्यायाधीश मेहता यांनी गुगल क्रोम ब्राउझरच्या विरोधात निर्णय दिला, तर गुगल क्रोम ब्राउझर इंटरनेटला विकले जाऊ शकते. त्यामुळे सर्च इंजिन मार्केटमध्ये मोठा बदल पाहायला मिळू शकतो. आर्टिफिशियल इंटेलिजन्सच्या प्रवेशानंतर, शोध इंजिन उद्योग मोठ्या बदलाच्या टप्प्यातून जात आहे. गुगलने जेमिनी हे एआय टूल लाँच केले आहे. तसेच, ते दिवसेंदिवस वेगाने अद्यतनित केले जात आहे. गुगल एआय टूल्स गुगल क्रोम ब्राउझरमध्ये इंटीग्रेट केले जात आहेत.