गुगलच्या लेटेस्ट OS’चे रोलआउट सुरू, सर्वात पहिले या स्मार्टफोन्सना मिळणार अपडेट

Google ने आपल्या नवीनतम ऑपरेटिंग सिस्टम Android 15 चे रोलआउट आता सुरू केले आहे. सर्व प्रथम, पिक्सेल युजर्सना Android 15 चे अपडेट मिळेल. यामध्ये नक्की कोणत्या स्मार्टफोन्सचा समावेश आहे ते जाणून घ्या.

गुगलने अखेर आपली नवीनतम मोबाइल ऑपरेटिंग सिस्टीम अँड्रॉइड 15 चे रोलआउट सुरू केले आहे. कंपनीच्या नेक्स्ट जनरेशन अँड्रॉइड ऑपरेटिंग सिस्टीममध्ये अनेक नवीन फिचर्स आहेत आणि युजर्सची प्रायव्हसी पूर्वीपेक्षा कितीतरी पटीने अधिक मजबूत करण्यात आली आहे. या वैशिष्ट्यांपैकी सर्वात प्रमुख म्हणजे प्रायव्हसी स्पेस फिचर, जे युजर्सची प्रायव्हसी आणि सिक्युरिटी वाढवण्यासाठी गुगलने सादर केले आहे.

कोणत्या स्मार्टफोन्सना मिळणार Android 15 अपडेट

सध्या, Android 15 अपडेटला कंपनीने पिक्सेल डिव्हाइससाठी जारी केले आहे. या डिव्हाइसमध्ये Pixel 6, Pixel 6 Pro, Pixel 6a, Pixel 7, Pixel 7 Pro, Pixel 7a, Pixel Tablet, Pixel Fold, Pixel 8, Pixel 8 Pro, Pixel 8a, Pixel 9, Pixel 9 Pro, Pixel 9 Pro XL आणि Pixel 9 Pro Fold स्मार्टफोन सामील आहेत.

जर तुमच्याकडेही वर नमूद केलेल्या Pixel स्मार्टफोनपैकी एखादे मॉडेल असेल, तर तुम्ही तुमच्या फोनमध्ये Android 15 ही नवीन ऑपरेटिंग सिस्टिम सहजपणे इंस्टॉल करू शकता. येथे आम्ही तुम्हाला Android 15 डाउनलोड आणि इन्स्टॉलेशन प्रक्रियेबद्दल स्टेप बाय स्टेप माहिती देत ​​आहोत.

हेदेखील वाचा – Jio-Airtel-Vi-BSNL युजर्सने लक्ष द्या! संपूर्ण जगाला मागे सारत सरकार आणत आहे 6G इंटरनेट

Pixel स्मार्टफोनमध्ये Android 15 कसे इन्स्टॉल करावे?

• सर्वप्रथम तुम्हाला तुमच्या स्मार्टफोनच्या सेटिंग्ज सेक्शनमध्ये जावे लागेल
• येथे तुम्हाला स्क्रोल करून ‘सिस्टम’ वर टॅप करावे लागेल
• सिस्टम सेक्शनमध्ये आल्यानंतर, तुम्हाला सॉफ्टवेअर अपडेट मेनूवर क्लिक आणि टॅप करावे लागेल
• आता तुमच्या स्मार्टफोनवर एक नवीन विंडो ओपन होईल
• येथे तुम्हाला Check for updates ऑप्शनवर टॅप करावे करून Check for updates सेक्शनवर जायचे आहे
• यानंतर तुम्ही Android 15 अपडेट इन्स्टॉल करू शकाल
• वर नमूद केलेल्या स्टेप्सचे अनुसरण करून, तुम्ही तुमच्या Pixel स्मार्टफोनमध्ये गुगलची नवीनतम मोबाइल ऑपरेटिंग सिस्टम Android 15 इंस्टॉल करू शकता

हेदेखील वाचा – आधार कार्डसोबत लिंक केलेला मोबाईल नंबर विसरलात? मग चिंता सोडा, या ट्रिकने काही मिनिटांतच शोधून काढा

Android 15’चा सर्वात मोठा फिचर

या अपडेटसह, पिक्सेल स्मार्टफोन युजर्स नवीन अपडेटच्या सर्व फीचर्समध्ये प्रवेश करण्यास सक्षम असतील. Android 15 चे सर्वात मोठे फिचर म्हणजे Privacy Space, ज्याच्या मदतीने युजर्सना ॲप्स आणि डेटा लपवण्याचा पर्याय मिळेल. या फीचरच्या मदतीने यूजर्सना ॲप्स, फाइल्स आणि फोटो सुरक्षित करण्यासाठी सुरक्षित जागा मिळेल. असे केल्याने युजर्स त्यांचा संवेदनशील डेटा लपवू शकतील. हे तुमच्या फोनमधील वेगवगेळ्या युजर अकाउंट्सप्रमाणे असेल.

Google Photos, Files, Chrome आणि नवीन Pixel Screenshots ॲपमध्ये सर्व प्रायव्हेट डुप्लिकेट स्पेस आहेत, जे Android च्या नवीन प्रायव्हेट स्पेस फीचरसाठी आधार तयार करतो. ॲपच्या सीक्रेट सेक्शनमध्ये कोणतीही फाईल सेव्ह केली असेल तर त्या फाईलचा मार्ग वेगळा राहतो. हे रेगुलर ॲप ड्रॉरपेक्षा वेगळे असेल.