iOS 18.2 Update: बॅटरी हेल्थ ट्रॅक करण्यासाठी iPhone युजर्सना मिळणार नवीन फीचर, कधी होणार रिलीज?

आयफोनच्या बॅटरीमध्ये युजर्सना अनेक समस्यांचा सामना करावा लागत आहे. याचे अनेक व्हिडीओ आणि मिम्स देखील सोशल मिडीयावर व्हायरल होत असतात. अशातच आता कंपनीने iPhone च्या बॅटरीसाठी एक नवीन फीचर रोलआऊट केलं आहे.

टेक जायंट Apple ने डेवलपर्ससाठी iOS 18.2 बीटा 2 वर्जन रोलआऊट केलं आहे. याचं स्टेबल वर्जन पुढील महिन्यात सर्व आयफोन युजर्ससाठी लाँच केलं जाण्याची अपेक्षा आहे. कंपनी या अपडेटमध्ये अनेक नवीन फीचर्स जोडणार आहे. यामध्ये सर्वात नवीन फीचर म्हणजे बॅटरी इंटेलिजेंस असणार आहे. आयफोन युजर्स बॅटरी इंटेलिजेंसच्या मदतीने त्यांच्या डिव्हाइसची बॅटरी हेल्थ ट्रॅक करण्यास सक्षम असतील. असे फीचर्स मॅकबुक युजर्ससाठी आधीपासूनच उपलब्ध आहेत.

हेदेखील वाचा- Laptop Tips: लॅपटॉपच्या बॅटरी लाईफ समस्येने हैराण झालात? या टीप्स करतील मदत

Apple च्या आगामी अपडेटबद्दल मिळालेल्या माहितीनुसार, कंपनी iPhone युजर्ससाठी बॅटरीशी संबंधित एक नवीन फीचर आणत आहे. या फीचरच्या मदतीने आयफोन युजर्स त्यांच्या आयफोनच्या बॅटरीची हेल्थ ट्रॅक करू शकतात. आयफोन आणि त्याच्या बॅटरीची समस्या फारच जुनी आहे. आयफोन युजर्सना त्यांच्या आयफोनच्या बॅटरीमध्ये अनेक समस्यांचा सामना करावा लागतो. याबाबत अनेकांनी तक्रार देखील केली आहे. त्यामुळे आता कंपनीने आणलेलं हे नवीन अपडेट आयफोन युजर्सच्या बॅटरी समस्येवरील उपाय असणार का, याकडे सर्वांचं लक्ष आहे. (फोटो सौजन्य – pinterest)

युजर्स iOS 18.2 मध्ये बॅटरी हेल्थ ट्रॅक करू शकणार आहेत. आयफोनची बॅटरी ट्रॅक करण्यासाठी iOS 18.2 बीटा 2 मध्ये दिलेले नवीन फीचर ‘बॅटरी इंटेलिजेंस’ म्हणून ओळखले जाऊ शकते. IOS च्या कोड स्ट्रक्चरमधून ही माहिती समोर आली आहे. आयफोन चार्ज होण्यासाठी किती वेळ लागेल हे देखील फीचर सांगेल.

अहवालात दावा करण्यात आला आहे की फीचरव्दारे सांगितला जाणारा हा अंदाजित वेळ डिव्हाइसला मिळणाऱ्या उर्जेवर आधारित असणार आहे. शिवाय हा वेळ युजर्सने निवडलेल्या बॅटरीच्या चार्जिंग लेवल सेटिंगवर देखील अवलंबून असेल. आयफोनचे हे फीचर iOS 18.2 बीटा 2 आवृत्तीमध्ये उपलब्ध आहे. यापूर्वी हे फीचर ऑपरेटिंग सिस्टममध्ये उपलब्ध नव्हते. अहवालात असा दावा करण्यात आला आहे की Apple भविष्यातील सॉफ्टवेअर अपडेटमध्ये यासंबंधीची माहिती शेअर करू शकते.

हेदेखील वाचा- Google Map Update: स्पीड चलानपासून सुरक्षित राहण्यासाठी गुगल मॅप करेल मदत, फक्त करा ही सेटिंग

नवीन फीचर मॅकबुक सारखे असेल

आयफोनसाठी उपलब्ध असलेले हे फीचर ॲपलच्या लॅपटॉप मॅकबुकच्या मॅकओएस ऑपरेटिंग सिस्टममध्ये प्रदान केलेल्या बॅटरी ट्रॅकिंगसारखेच असेल. जेव्हा जेव्हा मॅकबुक पॉवर सप्लायशी कनेक्ट केले जाते, तेव्हा वापरकर्ते त्यांच्या मॅकबुकला पूर्ण चार्ज होण्यासाठी किती वेळ लागेल हे शोधण्यासाठी बॅटरी आयकॉनवर क्लिक करू शकतात. आयफोनसाठी जारी केलेल्या अपडेटबद्दल बोलताना, वापरकर्त्यांना बॅटरी हेल्थ फीचरमध्ये बॅटरीचे आयुष्य सुधारण्यासाठी ऑप्टिमाइज्ड चार्जिंग सेटिंग्ज, स्लो चार्जर आणि बॅटरी साइकल काउंट यासारखी माहिती देखील मिळेल.

AI वैशिष्ट्ये भरपूर असतील

Apple ने आधीच कन्फर्म केलं आहे की ते iOS 18.2 मध्ये iPhone युजर्ससाठी अनेक उपयुक्त फीचर्स आणतील. या फीचर्समध्ये Apple Intelligence अंतर्गत वॉइस असिस्टेंट सिरी (Siri), ChatGPT चे इंटीग्रेशन, जेनमोजी, इमेज प्लेग्राउंड, इमेज वँड, व्हिज्युअल इंटेलिजेंस आणि रायटिंग टूल यांचा समावेश असणार आहे.