Ration Card PHH vs AAY: Ration Cardवर PHH की AAY? तुमचं कार्ड कोणत्या प्रकारचं, महिन्याला किती किलो धान्य मिळतं लगेच तपासा

Ration Card PHH vs AAY: PHH कुटुंबातील सदस्यसंख्येनुसार धान्याचे प्रमाण ठरते, तर AAYमध्ये कुटुंबातील सदस्य कितीही असले तरी 35 किलोचे मासिक प्रमाण लागू होते. महाराष्ट्राच्या अधिकृत RCMS प्रणालीमध्ये नागरिकांना रेशन कार्डची माहिती आणि रेशन entitlement तपासण्याची सुविधा उपलब्ध आहे.

• PHH कार्ड म्हणजे काय?
• AAY कार्ड म्हणजे काय?
• रेशन entitlement तपासा

Ration Card PHH vs AAY News: रेशन कार्ड म्हणजे फक्त स्वस्तात धान्य मिळवायचं कार्ड आहे असं अनेकांना वाटतं. पण तसं नाहीये. तुमच्या रेशन कार्डवर काय लिहिलंय यावर तुम्हाला किती धान्य मिळणार हे ठरतं. बऱ्याच लोकांना आपल्या कार्डवर PHH आहे की AAY आहे हेच माहीत नसतं. त्यामुळे दुकानदार कमी धान्य देतो आणि आपल्याला कळत पण नाही. सरकारने सगळ्यांसाठी ही माहिती जाणून घेणं खूप गरजेचं आहे. Ration Card PHH vs AAY:

PHH म्हणजे काय?

PHH चा फुल फॉर्म Priority Household आहे. मराठीत याला प्राधान्य कुटुंब असे म्हणतात. हे कार्ड अशा कुटुंबांना दिलं जातं ज्यांना सरकारच्या मदतीची गरज आहे. यामध्ये तुम्हाला एका माणसामागे 5 किलो धान्य मिळतं. तुमच्या कुटुंबात किती माणसं आहेत त्यावर तुमचं धान्य ठरतं. उदाहरण द्यायचं झालं तर, तुमच्या घरात 4 लोक असतील तर तुम्हाला 4 गुणिले 5 म्हणजे 20 किलो धान्य महिन्याला मिळायला हवं. घरात 5 लोक असतील तर 25 किलो. जेवढी माणसं जास्त तेवढं धान्य जास्त. हे लक्षात ठेवा.

AAY म्हणजे काय?

AAY म्हणजे Antyodaya Anna Yojana असे आहे. त्याला मराठीत अंत्योदय अन्न योजना असे म्हणतात. ही योजना सगळ्यात जास्त गरीब लोकांसाठी आहे. जे लोक खूपच गरीब आहेत, ज्यांचं कोणी नाही, त्यांना हे कार्ड दिलं जातं.

Smartphone Hidden Button Tricks: फोनची 3 बटणं दाबण्याची योग्य ट्रिक माहीत आहे? ‘या’ Featuresमुळे काम होईल झटपट पटापट

यांच्यासाठी नियम वेगळा आहे. यामध्ये माणसांच्या संख्येवर धान्य मिळत नाही. तर एका कुटुंबाला 35 किलो धान्य मिळतं. तुमच्या घरात 2 लोक असले तरी 35 किलो आणि 6 लोक असले तरी 35 किलो. पूर्ण कुटुंबासाठी फिक्स 35 किलो PHH आणि AAY मध्ये खूप फरक आहे. एका ठिकाणी माणसांवर धान्य आहे तर दुसरीकडे पूर्ण कुटुंबासाठी फिक्स आहे.

रेशन घेताना काय काळजी घ्यायची?

• सगळ्यात आधी तुमचं रेशन कार्ड हातात घ्या आणि त्यावर वरच्या बाजूला PHH आहे की AAY आहे ते बघा. ते पिवळं, केशरी किंवा पांढरं असू शकतं पण त्यावर लिहिलेलं वाचा.
• तुमच्या कुटुंबात किती नावं आहेत आणि तुम्हाला किती धान्य मिळायला हवं याचा हिशोब आधीच करून ठेवा.
• रेशन घेतल्यानंतर दुकानदाराकडून पावती घ्यायला विसरू नका. किती धान्य मिळालं ते त्यावर लिहिलेलं असतं.
• जर तुम्हाला वाटलं की तुम्हाला कमी धान्य दिलंय तर तुम्ही तक्रार करू शकता. तहसील कार्यालयात किंवा अन्न पुरवठा विभागात जाऊन तक्रार करता येते.
• तुमच्या कार्डवरची सगळी माहिती बरोबर आहे का ते पण वेळोवेळी तपासत जा. कधी कधी नाव कमी जास्त होतं.

Apple Pay India Launch: iPhoneवर पेमेंटचा अनुभव बदलणार? Apple Payच्या भारतातील एन्ट्रीची चर्चा, ‘या’ बँकेसोबत डील

थोडक्यात सांगायचं तर तुमच्या कार्डवर काय आहे हे तुम्हाला माहीत असणं खूप गरजेचं आहे. नाहीतर दुकानदार फसवू शकतो. त्यामुळे आजच तुमचं रेशन कार्ड काढा आणि त्यावर PHH आहे की AAY आहे ते तपासा आणि तुम्हाला किती धान्य मिळायला हवं याचा हिशोब लावून ठेवा.