पावरफुल फीचर्ससह Realme चा Note 60x स्मार्टफोन लाँच, किंमत केवळ ‘इतकी’

Realme Note 60x मध्ये 6.74-इंचाचा HD+ (720 x 1,600 पिक्सेल) डिस्प्ले देण्यात आला आहे. Realme Note 60x मध्ये 5,000mAh बॅटरी आहे. Realme Note 60x स्मार्टफोन 4GB + 64GB च्या सिंगल व्हेरिएंटमध्ये लाँच करण्यात आला आहे.

स्मार्टफोन कंपनी Realme ने त्यांचा नवीन स्मार्टफोन Note 60x अखेर लाँच केला आहे. गेल्या अनेक दिवसांपासून Note 60x बाबत चर्चा सुरु होती. हा स्मार्टफोन कधी लाँच होणार याबाबत सर्वांना प्रचंड उत्सुकता होती. मात्र आता अखेर हा स्मार्टफोन लाँच करण्यात आला आहे. फिलीपिन्समध्ये Realme Note 60x स्मार्टफोनचा लाँचिंग ईव्हेंट आयोजित करण्यात आला होता.

Samsung Galaxy S24 आणि Galaxy S24 Ultra चे एंटरप्राइज एडिशन लाँच, जाणून घ्या खास फीचर्स

काही दिवसांपूर्वी Realme Note 60x स्मार्टफोन एका चिनी वेबसाईटवर स्पॉट करण्यात आला होता. त्यानंतर कंपनीने अधिकृतपणे फोनची लाँचिंग डेट शेअर केली होती. त्यानंतर आता अखेर हा स्मार्टफोन लाँच करण्यात आला आहे. Realme Note 60x स्मार्टफोन बजेट सेगमेंटमध्ये लाँच करण्यात आला आहे. या स्मार्टफोनमध्ये दमदार फीचर्स आणि पावरफुल बॅटरी देण्यात आली आहे. (फोटो सौजन्य – X)

किंमत आणि उपलब्धता

Realme Note 60x स्मार्टफोन 4GB + 64GB च्या सिंगल व्हेरिएंटमध्ये लाँच करण्यात आला आहे. स्मार्टफोनच्या 4GB + 64GB व्हेरिअंटची किंमत PHP 4,799 म्हणजेच अंदाजे 7,000 रुपये आहे. हा स्मार्टफोन फिलीपिन्समध्ये खरेदीसाठी उपलब्ध आहे. वाइल्डनेस ग्रीन आणि मार्बल ब्लॅक या दोन रंगांच्या पर्यायांमध्ये ग्राहक Realme Note 60x स्मार्टफोन खरेदी करू शकतात.

Realme Note 60x चे स्पेसिफिकेशन्स

डिस्प्ले

Realme Note 60x मध्ये 90Hz रिफ्रेश रेट, 180Hz टच सॅम्पलिंग रेट, 560 nits पीक ब्राइटनेस लेव्हलसह 6.74-इंच HD+ (720 x 1,600 पिक्सेल) डिस्प्ले देण्यात आला आहे.

रॅम आणि स्टोरेज

Realme Note 60x मध्ये 4GB रॅम आणि 64GB ऑनबोर्ड स्टोरेजसह Unisoc T612 प्रोसेसर आहे. रॅम सुमारे 12GB पर्यंत वाढवता येते, तर स्टोरेज 2TB पर्यंत microSD कार्डद्वारे वाढवता येते. हँडसेट Android 14-आधारित Realme UI 5.0 वर आधारित आहे.

कॅमेरा

फोटोग्राफीबद्दल बोलायचे झाल्यास, Realme Note 60x मध्ये मागील बाजूस 8-मेगापिक्सलचा सेन्सर आणि समोर 5-मेगापिक्सेलचा सेन्सर आहे. हा फोन रेनवॉटर स्मार्ट टच फीचरला सपोर्ट करतो ज्यामुळे लोकांना ओल्या हातांनी किंवा पावसात टचस्क्रीन वापरता येते. एक मिनी कॅप्सूल 2.0 वैशिष्ट्य देखील आहे जे कॅमेरा कटआउटच्या आसपास नोटिफिकेशन दर्शवते. हे ऍपलच्या डायनॅमिक आयलंड वैशिष्ट्यासारखे आहे.

बॅटरी

Realme Note 60x मध्ये 5,000mAh बॅटरी आहे जी USB टाइप-सी पोर्टद्वारे 10W वायर्ड चार्जिंगला सपोर्ट करते.

Google Map Update: गुगल मॅपमध्ये होणार मोठे बदल, आता फ्रीमध्ये मिळणार या सर्विस

कनेक्टिव्हिटी फीचर्स

Realme Note 60x मध्ये 4G, Wi-Fi 5, Bluetooth 5.0, GPS, GLONASS, BDS, Galileo आणि 3.5mm ऑडिओ जॅक सपोर्ट देण्यात आला आहे. स्मार्टफोनला धूळ आणि स्प्लॅशपासून संरक्षणासाठी IP54 रेटिंग मिळाले आहे.