WhatsApp मध्ये ‘Instagram’ सारखे दमदार फीचर; आता मोबाइल नंबरशिवाय चॅटिंग करता येणार!

आता व्हॉट्सॲपमध्ये इंस्टाग्रामसारखे एक दमदार फीचर येत आहे, ज्यामुळे तुम्हाला मोबाइल नंबरशिवाय लोकांना थेट मेसेज करता येणार आहे.

• WhatsApp मध्ये ‘Instagram’ सारखे दमदार फीचर
• आता मोबाइल नंबरशिवाय चॅटिंग करता येणार!
• रोलआउट आणि नवीन सिक्युरिटी फीचर

WhatsApp ला सध्या ‘Arattai ॲप’ कडून भारतात कडवी टक्कर मिळत असली तरी, मार्क झुकरबर्गची कंपनी मेटा आपल्या इंस्टंट मेसेजिंग प्लॅटफॉर्ममध्ये नवनवीन फीचर्स सतत जोडत आहे. आता व्हॉट्सॲपमध्ये इंस्टाग्रामसारखे एक दमदार फीचर येत आहे, ज्यामुळे तुम्हाला मोबाइल नंबरशिवाय लोकांना थेट मेसेज करता येणार आहे.

मोबाइल नंबर नाही, ‘युजरनेम’ने करा चॅट

WABetaInfo च्या ताज्या अहवालानुसार, अँड्रॉइड बीटा वर्जन २.२५.२८.१२ मध्ये हे ‘युजरनेम’ फीचर दिसले आहे. हे फीचर आल्यानंतर गोपनीयता (Privacy) आणि संपर्क साधणे अधिक सोपे होणार आहे.

• कसे कार्य करेल? तुम्हाला तुमच्या व्हॉट्सॲप प्रोफाइलमध्ये जाऊन सेटिंग्जमध्ये स्वतःचा युजरनेम तयार करण्याची सोय मिळेल.
• ज्याप्रमाणे फेसबुक किंवा इंस्टाग्रामवर युजरनेम असतो, त्याचप्रमाणे व्हॉट्सॲपवर तुम्ही युजरनेम तयार करून इतरांना तो देऊ शकता. समोरची व्यक्ती तुमच्या मोबाइल नंबरशिवाय फक्त युजरनेम वापरून तुम्हाला चॅट करू शकेल.

WhatsApp वर एकापेक्षा एक ढाँसू फिचर्स! Live Photos शेअर करणे आता सोपे

युजरनेम बनवण्याचे नियम

युजरनेम फीचरमध्ये काही निर्बंध (Restrictions) देखील पाहायला मिळू शकतात. रिपोर्टनुसार:

• युजरनेमची सुरुवात ‘www’ ने करता येणार नाही.
• युजरनेममध्ये किमान एक अक्षर (लेटर) असणे आवश्यक आहे.
• युजरनेममध्ये अक्षरांसोबत-सोबत नंबर आणि अंडरस्कोर चा (Underscore) वापर करता येईल.

रोलआउट आणि नवीन सिक्युरिटी फीचर

हे फीचर सध्या डेव्हलपमेंट फेजमध्ये आहे आणि फक्त काही बीटा टेस्टर्ससाठीच उपलब्ध झाले आहे. लवकरच हे फीचर इतर बीटा ग्राहकांसाठी रोल आउट केले जाईल, त्यानंतर ते सर्वसामान्यांसाठी उपलब्ध होईल.

दरम्यान, व्हॉट्सॲपमध्ये आणखी एक नवीन सिक्युरिटी फीचर देखील जोडले जात आहे. हे फीचर वापरकर्त्यांना अवांछित फेसबुक लिंक्स (Unwanted Facebook Links) ब्लॉक करण्यास मदत करेल. त्यासाठी वापरकर्त्यांना त्यांच्या प्रोफाइलला पिन (PIN) लावून सुरक्षित करण्याचा पर्याय दिला जाईल.

Arattai Messaging App: Apple अ‍ॅप स्टोअरवर नंबर 1 ठरला हा ‘मेड-इन-इंडिया’ मेसेजिंग अ‍ॅप, WhatsApp ला करणार का रिप्लेस?