‘हज यात्रे’साठी अर्ज कसा करायचा? जाणून घ्या संपूर्ण प्रक्रिया

तुम्हीही हज यात्रा करण्याचा विचार करत आहात? मग हज यात्रेसाठी लागणार खर्च आणि नोंदणी प्रक्रिया याविषयी सविस्तर जाणून घ्या. हज यात्रेसाठी काही गीष्टींचे पालन करणे अनिवार्य आहे. (फोटो सौजन्य: istock)

इस्लाम धर्मात हज रात्रेला फार महत्त्व आहे. सौदी अरेबियातील मक्कामध्ये दरवर्षी ही इस्लामिक तीर्थयात्रा असते. इस्लाममधील धार्मिक मान्यतेनुसार, जे लोक आर्थिक आणि शारीरिकदृष्ट्या सक्षम असतात त्यांना एकदा तरी हज यात्रा करणे बंधनकारक असते. या हज रात्रेला जाण्यासाठी सर्वप्रथम आपली नोंदनी करावी लागते. तुम्हीही हज यात्रा करण्याचा विचार केला असेल तर आजची ही बातमी तुमच्यासाठी महत्त्वाची असणार आहे.

आज आम्ही तुम्हाला हज यात्रेसाठी नोंदणी कशी करावी याची सविस्तर माहिती सांगणार आहोत. साधारण कोणत्याही परदेशी हज यात्रेकरूकडे पासपोर्ट आणि हेल्थ सर्टिफिकेट असणे गरजेचे असते. तसेच या यात्रेला जाण्यासाठी व्यक्तीचे वय 12 वर्षांपेक्षा अधिक असणे अनिवार्य आहे. हज आणि उमराह मंत्रालयाच्या मार्गदर्शक तत्त्वांनुसार, हज यात्रेला जाणाऱ्या व्यक्तीकडे नुसुक (Nusuk) ऑनलाइन प्लॅटफॉर्मवरून हज परमिट असणे आवश्यक आहे. त्याशिवाय हज यात्रेला जाणे बेकायदेशीर ठरेल.

हज यात्रेसाठी या ॲपवर नोंदणी करावी

• हज यात्रेसाठी तुमची नोंद Sehhaty ॲपवर असायला हवी
• याद्वारे तुम्हाला सर्व प्रकारचे लसीकरण मिळाले की नाही ते कळू शकते
• या ॲपवर तुमची नोंदणी नसल्यास तुम्हाला हज यात्रेसाठी रोखले जाऊ शकते
• तसेच पोलिओ लसीकरणाशिवाय हज यात्रेकरूंना प्रवास करण्याची परवानगी दिली जात नाही

हज यात्रेसाठी अर्ज कसा करावा

• हज यात्रेसाठी आपली नोंदणी करण्यासाठी प्रवाशांना सर्वप्रथम hajcommittee.gov.in या वेबसाइटला भेट द्यावे लागेल
• यानंतर युजरला नाव आणि पासवर्डसह आपली नोंदणी प्रक्रिया पूर्ण करावी लागेल
• यांनतर तुमच्यामोबाईलवर एक OTP येईल, ज्याद्वारे तुमची पडताळणी केली जाईल आणि खाते सक्रिय केले जाईल
• यांनतर तुमच्या मोबाईल नंबरवरून तुम्ही वेबसाइटवर लॉग इन करू शकता
• लॉग इन केल्यानंतर तुम्हाला सर्व कागदपात्रांसह हज अर्ज भरावा लागेल
• लक्षात ठेवा की, सर्व कागदपत्रे खरी असावीत. तुम्हाला आवश्यक असलेली सर्व कागदपत्रेही वेबसाइटवर अपलोड करावी लागतील
• शेवटी फी भरावी लागेल, तुम्ही क्रेडिट-डेबिट कार्ड आणि नेट बँकिंगद्वा फी प्रक्रिया पूर्ण करू शकता

हेदेखील वाचा – भारतीय रेल्वेकडून सुवर्णसंधी! कमी बजेटमध्ये घ्या हिमाचलच्या निसर्गमय सौंदर्याचा अनुभव

हज यात्रेला किती खर्च येतो

• हज यात्रेला एकूण 3-4 लाख एवढा खर्च येतो
• हज यात्रेची विशेष गोष्ट म्हणजे, या यात्रेवेळी यात्रेकरू आपले कफनदेखील सोबत घेतात
• प्रवासादरम्यान काही अपघात होऊन त्यांचा मृत्यू झाल्यास मृतदेह झाकण्यासाठी या कफनाचा वापर केला जातो
• यानंतर सुखरूप घरी आल्यानंतर हे कफन त्यांच्या मृत्यूच्या वेळी वापरले जाते