Viral Video: पैशाचा तोरा दाखवला अन् 1 कोटी गमावले (फोटो सौजन्य- सोशलमीडिया)
आजकाल सर्वजण आपले स्टेटस् दाखवण्यासाठी महागड्या गाड्या, सोन्याचे दागिने पैशाचा बंडल हे रीलवर दाखवतात. आपल्याकडे सगळ्यात जास्त पैसा-पाणी असून आपण कसे हाय-प्रोफाईल आहे हे दाखवतात तसेच अशा व्हिडिओंना लाखो व्ह्यूज मिळतात. मात्र हाच पैशाच माज कधीना-कधी चांगलाच अंगलटय येतो. असाच प्रकार तमिळनाडूच्या एका महिला इन्फ्लुएन्सर सोबत घडला आहे. लेकीच्या अंगावर पैशांचा पाऊस पडताना दाखवला आणि काही तासांतच तिच्या घरात तब्बल एक कोटींची चोरी झाली. Viral Video:
ही घटना कन्याकुमारीची आहे. मधूमिता एक महिला इन्फ्लुएन्सर ती नेहमी तिचे दागिने, पैसे, घर दाखवत रील बनवते. काही दिवसांपूर्वी तिने एक व्हिडीओ टाकला त्या व्हिडिओमध्ये 500 रुपयांच्या नोटांची बंडलं दाखवत अंगावर ढिगभर दागिने घातले होते. एवढंच नाही तर ती आपल्या लेकीवर नोटांचा पाऊस पाडत पैसा उधळताना दिसली. हा व्हिडीओ प्रचंड व्हायरल होत लाखो लोकांनी पाहिला. हा व्हिडीओ चोरांनी सुद्धा बघितला आणि तिथूनच सगळा प्लॅन सुरू झाला.
मधुमिता आपल्या नवऱ्यासोबत बाजारात खरेदीला गेली असता, चोरांनी त्याचा फायदा घेत घरात घुसले. त्यांनी घरातले सोन्याचे दागिने, हिऱ्याचे हार आणि 50 हजार रुपये कॅश घेऊन पळ काढला. हा सगळा ऐवज जवळपास तब्बल 1 कोटी रुपयांचा असल्याची माहिती मिळत आहे. घरी आल्यावर मधुमिताला धक्काच बसला. तिने तात्काळ पोलिसात तक्रार केली. पोलिसांनी तपासाला सुरुवात केली. चोरांना पकडायला 5 वेगवेगळ्या टीम बनवल्या असून पण प्रश्न असा आहे की घरात CCTV होते, तरी चोर घरात कसे आले? त्यांना घराची सगळी माहिती कशी कळाली?
🚨Kanyakumari Influencer Madhumita, who used to flaunt her gold jewellery and cash online, gets robberd by thieves; all jewellery stolen pic.twitter.com/prCNw9kIPk — The Tatva (@thetatvaindia) September 26, 2026
पोलिसांना संशय आहे की चोरांनी मधुमिताच्या जुन्या व्हिडीओंचा वापर केला असावा. कारण तिने आधीच्या अनेक रीलमध्ये घराचा आतला भाग दाखवला होता. कुठे काय ठेवलंय, लॉकर कुठे आहे, दागिने कुठे ठेवते, सगळं व्हिडीओमध्ये दिसत होतं. तिने एका व्हिडीओमध्ये तर दागिन्यांची काळजी कशी घेते हे पण सांगितलं होतं. त्यामुळे चोरांनी सगळा अभ्यास करूनच चोरी केली असावी, असा पोलिसांचा अंदाज आहे. अजून तपास चालू आहे.या घटनेनंतर घाबरून मधुमिताने आपले सगळे सोशल मीडिया अकाउंट बंद केले आहेत, डिलीट केले आहेत.
She flaunted gold jewellery and stacks of cash online – until the internet’s audience apparently became a little too interested. 😭💰 Kanyakumari influencer Madhumita has reportedly been robbed, with thieves allegedly stealing all her jewellery. What was once her social-media… pic.twitter.com/np5b7Tt9NE — Gajabkiduniyaa (@Gajabkiduniyaa) September 26, 2026
प्रसिद्धीसाठी पैसा दाखवणं किती धोक्याचं असू शकतं हे या घटनेने दाखवून दिलं आहे. सोशल मीडियावर तुम्ही काय टाकता ते सगळं जग बघत असतं. चांगले लोक पण बघतात आणि वाईट नजर असलेले चोर पण बघतात.तुम्ही घरातले दागिने, पैसे, घराची माहिती सगळी जगाला दाखवली तर चोरीचा धोका वाढतोच.त्यामुळे सोशल मीडियावर श्रीमंतीचा दिखावा करणं बंद केलं पाहिजे. तुमच्याकडे किती पैसा आहे हे जगाला सांगण्याची गरज नाही. आहे ती श्रीमंती शांतपणे जपा.तुम्हाला काय वाटतं? इंस्टावर पैसे दाखवणं योग्य आहे का? कमेंट करून नक्की सांगा.
टीप : या घटनेशी संबंधित माहिती सोशल मीडियावर शेअर करण्यात आलेल्या पोस्ट आणि व्हिडीओवर आधारित आहे. त्यातील सर्व दाव्यांची स्वतंत्रपणे पडताळणी झालेली असल्याचे निश्चितपणे सांगता येत नाही.
.png "Videos"){kind=small}
