घोड्यासारखं तोंड, विशालकाय शरीर अन् समुद्रातील रहस्यमयी माशाचे रूप पाहून सर्वच झाले आश्चर्यचकित; Photo Viral
सोशल मीडियावर नेहमीच अनेक अनोखे व्हिडिओ किंवा फोटो व्हायरल होत असतात. ज्यातील दृश्ये आपल्याला हादरवून सोडतील. अलीकडे इथे असेच काहीसे घडून आले आहे. सध्या सोशल मीडियावर एक अद्भुत फोटो मोठ्या प्रमाणात व्हायरल झाला आहे, ज्यात दोन मच्छीमार हातात एक महाकाय मासा धरताना दिसून आले. घोड्याच्या आकाराचा हा भयानक मासा पाहून लोक हैराण झाले आणि व्हायरल झालेल्या चित्रावर लोक चर्चा करू लागले. या प्राण्याची लांबी आणि अनोखी रचना पाहून लोकांना धक्काच बसला नाही तर असे मासे, जे यापूर्वी कधीही दिसले नव्हते, ते कुठून येत आहेत याचा त्यांना प्रश्न पडला.
व्हायरल फोटोमध्ये दिसणारे दोन मच्छीमार एका बोटीवर स्वार आहेत आणि त्यांच्या हातात एक लांब, सापासारखा समुद्री प्राणी आहे. विशेष म्हणजे, यात या माशाचे पुढचे तोंड घोड्यासारखे दिसून येत आहे. हा प्राणी सुमारे १५-१६ फूट लांब असल्याचे दिसते. या समुद्री प्राण्याचे शरीर चमकदार आणि गुळगुळीत दिसते, तर त्याचे डोके खूप मोठे आहे आणि डोळे भयानक पद्धतीने बाहेर येत आहेत. खोल समुद्रात मासेमारी करताना त्यांना ते सापडल्याचे मुलांनी सांगितले. रात्रीच्या वेळी बोटीवरच्या प्रकाशात हा प्राणी पाहून ते स्वतःही आश्चर्यचकित झाले. या प्राण्याला पकडल्यानंतर त्यांनी लगेचच या मधासोबत आपला फोटो काढला आणि सोशल मीडियावर हा फोटो अपलोड केला.
तज्ज्ञांच्या मते, चित्रात दिसणारा प्राणी ओअरफिश आहे. ओअरफिश हा एक दुर्मिळ आणि रहस्यमय सागरी प्राणी आहे, जो सहसा खोल समुद्रात आढळतो. ते २० फूट लांब असू शकते आणि त्याचे शरीर रिबनसारखे लांब आणि पातळ असते. ओअरफिशची सर्वात खास गोष्ट म्हणजे ती पृष्ठभागावर क्वचितच दिसते आणि बहुतेकदा ती भूकंप किंवा नैसर्गिक आपत्तींशी संबंधित असते. जपानसारख्या देशांमध्ये याला “भूकंप मासे” असेही म्हटले जाते, कारण ते नैसर्गिक आपत्तींपूर्वी पृष्ठभागावर येते असे मानले जाते. तथापि, शास्त्रज्ञ या समजुतीला पूर्णपणे नाकारतात आणि म्हणतात की ओअरफिश पृष्ठभागावर येणे हे सहसा रोग, दुखापत किंवा समुद्राच्या प्रवाहांमुळे होते.
Two fishermen in Australia caught this bizarre looking fish… What fish is this? pic.twitter.com/o0CtDAsB13 — Nature is Amazing ☘️ (@AMAZlNGNATURE) April 18, 2025
माशाचा हा फोटो @AMAZlNGNATURE नावाच्या एक्स अकाऊंटवर शेअर करण्यात आला आहे. व्हिडिओच्या कॅप्शनमध्ये, ‘ऑस्ट्रेलियातील दोन मच्छिमारांनी हा विचित्र दिसणारा मासा पकडला…हा कोणता मासा आहे?’ असा प्रश्न विचारण्यात आले आहे. या पोस्टवर आतापर्यंत अनेकांनी कमेंट्स करत यावर आपल्या प्रतिक्रिया व्यक्त केल्या आहेत. एका युजरने लिहिले आहे, “जपानी लोककथा म्हणतात की ओअरफिश दिसणे हे विनाशाचे अशुभ लक्षण आहे” तर दुसऱ्या युजरने लिहिले आहे,” एआय नाही. हा एक लॅम्प्रिफॉर्म आहे ज्याचा जबडा खूप बाहेर पडतो. जॉन डोरीचा जबडा लांब करून दाखवला तर तो खरोखरच विचित्र दिसतो”.
टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत योग्य नाही वा आमचा कोणताही दावा नाही
.png "Videos"){kind=small}
