अरे ही तर खऱ्या आयुष्यातील रापुन्झेल… जगातील सर्वात लांब केसांची महिला, गिनिज वर्ल्ड बुकमध्येही पटकावले नाव

रापुन्झेलच्या लांबसडक केसांची कथा आपण अनेकदा ऐकली आहे, पण खऱ्या आयुष्यातही एका महिलेने आपल्या केसांमुळे जगभराचे लक्ष वेधून घेतले आहे. तिच्या केसांची लांबी आणि त्यामागची मेहनत पाहून तुम्हीही थक्क व्हाल.

• उत्तराखंडमधील एका महिलेच्या लांबसडक केसांची सोशल मीडियावर चर्चा सुरू आहे.
• अनेक वर्षांपासून ती आपल्या केसांची विशेष काळजी घेत आहे.
• तिच्या अनोख्या केसांची गिनीज वर्ल्ड रेकॉर्डनेही दखल घेतली आहे.

डिस्नेच्या ‘टँगल्ड’या ॲनिमेटेड चित्रपटात रापुन्झेल या प्रिंसेसला आपण पाहिलं असेल. रापुन्झेल आपल्या लांब सोनेरी केसांसाठी ओळखली जाते. तिचे केस अनेक महिलांना थक्क करणारे आहेत पण खऱ्या आयुष्यात कुणाचे इतके लांब केस तुम्ही कधी पाहिले आहेत का? उत्तराखंडमधील रेणू धारियालने आपल्या लांब केसांमुळे गिनीज वर्ल्ड रिकॉर्ड्समध्ये आपले नाव नोंदवले आहे. तिच्या लांब केसांची पोस्ट सोशल मिडियावर सध्या चांगलीच होत असून यातील महिलेचे केस पाहून सर्वजण आश्चर्यचकित झाले आहेत.

अगं बाईई… आता गायही करणार वर्कआउट? जिममधील ती सरप्राईज एंट्री पाहून सर्वांना बसला धक्का; Video Viral

हल्द्वानी येथील रहिवासी रेणू आपल्या लांबसडक केसांमुळे सध्या सोशल मिडियावर चर्चेचा विषय बनली आहे. महिलेचे केस 271.50 सेंटीमीटर म्हणजेच 8 फीट 10 इंच इतके लांब आहेत. महिलेच्या लांबसडक केसांची दखल घेत गिनीज वर्ल्ड रिकॉर्ड्सने अधिकृतरित्या तिच्या नावाची घोषणा केली आहे. आपल्या या यशाचा आनंद शेअर करताना रेणूने ती इतके वर्षे लांबसडक केसांची निगा कशी राखत आहे ते यूजर्ससोबत शेअर केले आहे.

या पोस्टला @GWR नावाच्या हँडलवर शेअर करण्यात आले आहे. गिनीज वर्ल्ड रिकॉर्ड्सने महिलेच्या नावाची घोषणा करत पोस्ट शेअर केली असून याच्या कॅप्शनमध्ये महिलेची माहिती शेअर करण्यात आली आहे. रेणुने सांगितले की, २०१५ पासून ती आपले केस वाढवत आहे. तेव्हापासून एकदाही तिने आपले केस कापले नाहीत. भारतीय संस्कृतीत लांबलचक केसांना सुंदरता आणि परंपरेचे प्रतीक मानले जाते. हिच तिची मोठी प्रेरणा ठरली.

Renu Dhariyal (India) has the longest hair in the world! 🩷 She has claimed the record for longest hair on a living person (female). Her stunning raven tresses measure an unbelievable 271.50 cm (8 ft 10 in) long. pic.twitter.com/N8FeWdUGP0 — Guinness World Records (@GWR) August 7, 2026

एक-दोन नाही तर बाईकवर बसवले चक्क ५०० हॉर्न! पोलिसांनी अ‍ॅक्शन मोड पाहून यूजर्स अवाक्, Video Viral

रेणूेने गिनीज वर्ल्ड रेकाॅर्ड्सना सांगितले की, “मी २०१५ पासून सातत्याने माझे केस वाढवत आहे. भारतीय संस्कृतीत, लांब केस हे अत्यंत सौंदर्य आणि परंपरेचे प्रतीक मानले जाते, ज्यामुळे मला इतके लांब केस वाढवण्याची प्रेरणा मिळाली. मी २०१५ पासून माझे केस कापलेले नाहीत.” इतक्या मोठ्या केसांची काळजी घेणे काही सोपे काम नाही. रेणू दररोज अनेक कास आपल्या केसांची निगा राखण्यास घालवते. रोजच्या जीवनात केसांना सांभाळण्यासाठी, ती सहसा लांब वेण्या घालते. गिनीजने प्रसिद्ध केलेल्या फोटोंमध्ये, तिचे दाट काळे केस जमिनीवर पसरलेले, तिच्या पलंगाच्या कडेवरून खाली लटकलेले आणि ती बसल्यावर तिच्याभोवती गुंडाळलेले दिसत आहेत.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.